agriculture news in Marathi, 76 thousand well work unfinished in state, Maharashtra | Agrowon

राज्यात ७६ हजारांवर विहिरींची कामे अर्धवट
हरी तुगावकर
सोमवार, 9 एप्रिल 2018

लातूर ः समृद्ध महाराष्ट्र जनकल्याण योजनेअंतर्गत अहिल्यादेवी सिंचन विहिरी कार्यक्रमांतर्गत ४१ हजार ६६१ विहिरींचे कामे पूर्ण झाली आहेत. सध्या राज्यात ७६ हजार ६८९ विहिरींची कामे रखडली आहेत. या `समृद्ध महाराष्ट्र` योजनेत मराठवाडा फारच मागे आहे. मराठवाड्यातील आठ जिल्ह्यांत २९ हजार ७१९ विहिरींची कामे रखडलेली आहेत. त्यामुळे शासनाने आता पावसाळ्याच्या आधी ही कामे पूर्ण व्हावीत, याकरिता मुदतवाढ दिली असून एक एप्रिल ते ३० जून या कालावधीत सिंचन विहिरीचे कामे पूर्ण करण्यासाठी विशेष मोहीम हाती घेतली आहे.

लातूर ः समृद्ध महाराष्ट्र जनकल्याण योजनेअंतर्गत अहिल्यादेवी सिंचन विहिरी कार्यक्रमांतर्गत ४१ हजार ६६१ विहिरींचे कामे पूर्ण झाली आहेत. सध्या राज्यात ७६ हजार ६८९ विहिरींची कामे रखडली आहेत. या `समृद्ध महाराष्ट्र` योजनेत मराठवाडा फारच मागे आहे. मराठवाड्यातील आठ जिल्ह्यांत २९ हजार ७१९ विहिरींची कामे रखडलेली आहेत. त्यामुळे शासनाने आता पावसाळ्याच्या आधी ही कामे पूर्ण व्हावीत, याकरिता मुदतवाढ दिली असून एक एप्रिल ते ३० जून या कालावधीत सिंचन विहिरीचे कामे पूर्ण करण्यासाठी विशेष मोहीम हाती घेतली आहे.

 राज्य शासनाने समृद्ध महाराष्ट्र जनकल्याण योजना सुरू केली. याअंतर्गत गावागावांत सिंचन विहिरी व्हाव्यात याकरीरिता अहिल्यादेवी सिंचन विहिरी कार्यक्रम शासनाने सुरू केला आहे. या विहिरीच्या माध्यमातून शेतकऱ्यांसाठी पाण्याची सोय व्हावी हा या मागचा उद्देश होता; पण या कार्यक्रमांतर्गत घेण्यात येणाऱ्या विहिरींच्या कामांना मार्चअखेरपर्यंतची मुदत होती.

पण पैसा उपलब्ध असूनही ही कामे झाले नसल्याचे चित्र सध्या दिसत आहेत. यातूनच राज्यात ७६ हजार ६८९ विहिरींचे कामे अद्यापही रखडलेली आहेत. या समृद्ध महाराष्ट्र योजनेत मराठवाडा तर फारच मागे आहे. मराठवाड्यातील आठ जिल्ह्यांत २९ हजार ७१९ विहिरींची कामे रखडलेली आहेत. यात साडेनऊ हजार विहिरींचे काम; तर केवळ २५ टक्केपर्यंतच झाले आहे. त्यामुळे अधिकारी याकडे किती गांभिर्याने पाहत आहेत हेच लक्षात येत आहे.

या योजनेच्या कामात अडचणी असल्याच्या लाभार्थी व लोकप्रतिनिधींनीही शासनाकडे तक्रारी केल्या होत्या. त्यामुळे विहिरी अपूर्ण असण्याची कारणे शोधून त्यावर तात्काळ उपाय योजना करणे गरजेचे आहे. लाभार्थ्यांशी थेट संपर्क साधून त्यांच्या अडचणी समजावून घेऊन या योजनेची अंमलबजावणी करण्याच्या उद्देशाने आता एक एप्रिल ते ३० जून या कालावधीत विशेष मोहीम शासनाने हाती घेतली आहे.

कामे पूर्ण करण्यासाठी विशेष मोहीम
या मोहिमेत पहिल्यांदा ७५ टक्के काम झालेल्या विहिरींचे काम पूर्ण केली जाणार आहे. त्यानंतर ५० टक्के व त्यानंतर २५ टक्के अशा क्रमाने विहिरी पूर्ण करण्याचे काम केले जाणार आहे. राज्यात ७५ टक्क्यांपपेक्षा जास्त काम झालेल्या विहिरींची संख्या १३ हजार ६९४ आहे. ५० ते ७५ टक्क्यांपर्यंतचे काम झालेल्या विहिरी १८ हजार ७४२ आहेत. २५ ते ५० टक्क्यांपर्यंत काम झालेल्या विहिरी १८ हजार ७२३ आहेत. तर केवळ २५ टक्क्यांपर्यंत झालेल्या विहिरींची संख्या २५ हजार २०५ आहे. अशा प्रकारे राज्यात ७६ हजार ३६४ विहिरीचे काम रखडलेले आहे. ही कामे तातडीने पूर्ण करावीत, अशा सूचना रोजगार हमी योजनेचे सचिव एकनाथ डवले यांनी दिल्या आहेत.

मराठवाड्यात जिल्हानिहाय अर्धवट अवस्थेत असलेल्या विहिरींची संख्या पुढीलप्रमाणे आहे.

जिल्हा     २५ टक्के झालेले काम  २५ ते ५० टक्के झालेले काम  ५० ते ७५ टक्के झालेले काम   ७५टक्के झालेले काम
औरंगाबाद     १४८५     ९००     ६५१     ८४४
बीड     २५५६     १९८०     १९७६ १६६३
हिंगोली     ६७७     २०५     ९३     ७३
जालना     १२२२     ८१९     ८०९     ५९२
लातूर     ५५९     ७२१     १५४१     ५७१
नांदेड     १२९२     ११७२     ८१६     ३८५
उस्मानाबाद   ४२०     २८९     २९३     २३१
परभणी     १४०१     ११२६     ११३४     १२१८
एकूण     ९६१२     ७२१२     ७३१३     ५५८२

     

 

इतर अॅग्रो विशेष
पावसाअभावी पेरण्या रखडल्यानांदेड ः नांदेड, परभणी, हिंगोली जिल्ह्यांत यंदा...
बाजारातील ‘वाळवी’सुमारे अडीच वर्षांपूर्वी सांगली येथे एक कोल्ड...
वऱ्हाडात पावसाने वाढवली खरिपाची चिंताअकोला ः या हंगामात जून महिन्याच्या दुसऱ्या...
नीलक्रांतीसाठी करूया तिलापिया संगोपन तिलापिया मासा आणि त्याच्या प्रजातींना संपूर्ण...
मराठवाड्यात पावसाअभावी पिके संकटातऔरंगाबाद : मराठवाड्यात १ जून ते १४ जुलैदरम्यान...
खरिपावर दुष्काळाचे सावट गडदपुणे ः कोकण आणि पश्चिम महाराष्ट्राचा काही भाग...
चोवीस जिल्ह्यांत कमी पाऊस पुणे : पूर्वमोसमी पावसाच्या सरींची वाणवा,...
उद्यापासून पावसाची शक्यतापुणे : जवळपास आठवडाभर उघडीप दिल्यानंतर राज्यात...
राज्यात पस्तीस हजार हेक्टर डाळिंब बागा...सांगली ः गेल्या वर्षी पडलेल्या दुष्काळामुळे...
देशात २४ राज्यांमध्ये पावसात तूटपुणे ः देशात यंदा मॉन्सून उशिरा दाखल झाला असून,...
चित्रकलेसह पूरक व्यवसायात भरले यशाचे...नगर जिल्ह्यात माका (ता. नेवासा) येथील सुरेश गुलगे...
बारामती कृषी उत्पन्न बाजार समितीची...बारामती कृषी उत्पन्न बाजार समितीने (जि. पुणे)...
युवा कृषी कौशल्य विकासासाठी सहकार्य करारपुणे ः आंतरराष्ट्रीय युवा कौशल्य दिनाचे औचित्य...
महाराष्ट्राला ‘स्किल कॅपिटल' बनवावेः...मुंबई ः महाराष्ट्र शासनाच्या छत्रपती राजाराम...
कोकण, घाटमाथ्यावर हलक्या सरींचा अंदाज पुणे ः  उत्तर भारतामध्ये असलेल्या कमी...
तीन हजार शेतकऱ्यांच्या मूल्यांकनाचा...कोल्हापूर ः कृषी कौशल्य विकास प्रशिक्षण पूर्ण...
सांगली जिल्ह्यातील द्राक्ष उत्पादकांचे...सांगली : जिल्ह्यातील एक हजारांवर द्राक्ष उत्पादक...
कर्जमाफीतील तक्रार निवारणासाठी समिती...पुणे ः छत्रपती शिवाजी महाराज शेतकरी सन्मान...
विविध तंत्रांच्या वापरातून प्रयोगशील...भोसी (जि. हिंगोली) येथील गोरखनाथ हाडोळे विविध...
उत्कृष्ठ व्यवस्थापनातून खरीप कांद्याचे...बुलडाणा जिल्ह्यातील डोणगाव येथील आखाडे कुटुंबाने...