जालन्यातील ७६२ तूर उत्पादकांना चुकाऱ्याची प्रतीक्षा

जालना : जिल्ह्यातील सहा हमी दर खरेदी केंद्रांवरून ४१०४ शेतकऱ्यांकडील ३४ हजार २५० क्विंटल ३८ किलो तुरीची हमी दराने खरेदी करण्यात आली. त्यापैकी ७६२ शेतकऱ्यांच्या तुरीचे चुकारे मिळणे बाकी आहे.
762 tur producers in Jalna wait for payment
762 tur producers in Jalna wait for payment

जालना : जिल्ह्यातील सहा हमी दर खरेदी केंद्रांवरून ४१०४ शेतकऱ्यांकडील ३४ हजार २५० क्विंटल ३८ किलो तुरीची हमी दराने खरेदी करण्यात आली. त्यापैकी ७६२ शेतकऱ्यांच्या तुरीचे चुकारे मिळणे बाकी आहे. 

जिल्ह्यात तुरीच्या खरेदीसाठी जालना, अंबड, तीर्थपुरी, मंठा, भोकरदन, परतूर या सहा ठिकाणी खरेदी केंद्रे सुरू करण्यात आली होती. या केंद्रांवर ७३०९ शेतकऱ्यांनी आपल्या तुरीची खरेदी करण्यासाठी नोंदणी केली होती. त्यामध्ये जालना केंद्रावरील ३००६, अंबड ८४०, तीर्थपुरी ११८८, मंठा १३६४, भोकरदन ८३, परतूर येथील ८२८ शेतकरी होते. त्यांना तुरीच्या खरेदीसाठीचे एसएमएस पाठविण्यात आले. या शेतकऱ्यांपैकी ४१०४ शेतकऱ्यांकडून ३४ हजार २५० क्विंटल ३८ किलो तुरीची खरेदी करण्यात आली. त्यांपैकी ३३४२ शेतकऱ्यांच्या २८४३३ क्विंटल ५० किलो तुरीच्या चुकाऱ्यापोटी १६ कोटी ४९ लाख १४ हजार ३०० रुपये शेतकऱ्यांना देण्यात आले. 

सुमारे ७६२ शेतकऱ्यांकडील ५८१६ क्विंटल ८० किलो तुरीच्या चुकाऱ्यापोटी ३ कोटी ३७ लाख ३७ हजार ९०४ रुपये शेतकऱ्यांना मिळणे बाकी आहेत. जालना केंद्रावरील ८०, तीर्थपुरी केंद्रावरील ३८६, मंठा केंद्रावरील २३०, भोकरदन केंद्रावरील ६४, परतूर केंद्रावरील ५८ शेतकऱ्यांना चुकाऱ्यांची प्रतीक्षा आहे.  हरभरा खरेदीसाठी ७५३५ शेतकऱ्यांची नोंदणी 

हरभरा खरेदीसाठी जिल्ह्यात सुरू करण्यात आलेल्या पाच केंद्रांवरून ७५३५ शेतकऱ्यांनी ऑनलाइन नोंदणी केली. त्यापैकी ५३४४ शेतकऱ्यांना प्रत्यक्ष खरेदीसाठीचे एसएमएस पाठविण्यात आले. त्यांपैकी ३४६७ शेतकऱ्यांकडील ४८ हजार ५६४ क्विंटल २ किलो हरभऱ्याची प्रति क्विंटल ४ हजार ८७५ रुपये दराने खरेदी करण्यात आली. त्याच्या चुकाऱ्यापैकी १६०० शेतकऱ्यांना २२९८३ क्विंटल हरभऱ्याच्या चुकाऱ्यापोटी ११ कोटी २० लाख ४२ हजार १२५ रुपये अदा करण्यात आले. १८६७ शेतकऱ्यांच्या २५ हजार ५८१ क्विंटल हरभऱ्याचे चुकारे अजून देणे बाकी असल्याची माहिती सूत्रांनी दिली.  मका, ज्वारी भरड धान्य खरेदी नोंदणी सुरू 

मका व ज्वारी भरड धान्य खरेदी नोंदणी भोकरदन, जाफराबाद व जालना येथे सुरू करण्यात आली आहे. इतर तालुक्यांमध्ये नोंदण्या सुरू कराव्या, असे आदेश देण्यात आले. मक्याचा हमी दर १७६० रुपये प्रतिक्विंटल आहे. खरेदीसाठी मक्याची सरासरी उत्पादकता एकरी ११ क्विंटल ४३ किलो असल्याची माहिती मार्केटिंग फेडरेशनच्या जिल्हा मार्केटिंग अधिकारी विमल वाघमारे यांनी दिली.     

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com