नांदेडचा फलोत्पादनाचा ८ कोटी ४२ लाखांचा वार्षिक कृती आराखडा

नांदेड : एकात्मिक फलोत्पादन अभियानअंतर्गंत जिल्ह्याचा सन २०२०-२१ प्रस्तावित वार्षिक कृती आराखडा ८ कोटी ४२ लाख ४४ हजार रुपये निधीचा आहे, अशी माहिती सूत्रांनी दिली. 

एकात्मिक फलोत्पादन अभियानातर्गंत यंदाच्या प्रस्तावित वार्षिक कृती आराखड्यात १२६ सामुहिक शेततळ्याचे उद्दिष्ट आहे. त्यासाठी ४ कोटी २७ लाख १४ हजार रुपये निधीची तरतूद करण्यात आली आहे. मनुष्यबळ विकासाअंतर्गंत प्रशिक्षणे, अभ्यास दौरे, निर्यातक्षम प्रशिक्षणासाठी १८ लाख ६० हजार रुपये, यांत्रिकरणाअंतर्गंत ५२ ट्रॅक्टरसाठी ४७ लाख ६० हजार रुपये, नियंत्रण शेतींतंर्गंत हरितगृह, शेडनेट, हरितगृहातील फुले लागवड, प्लॉस्टिक मल्चिंगसाठी ३ कोटी १२ लाख ८५ हजार रुपये, २ प्राथमिक प्रक्रिया केंद्रासाठी १० लाख रुपये, ३० कांदा चाळीसाठी २६ लाख ३५ रुपये असे एकूण ८ कोटी ४२ लाख ४४ हजार रुपये निधीची तरतूद प्रस्तावित आहे. 

गतवर्षी (२०१९-२०) फलोत्पादन अभियानांतंर्गंत ८२ सामुहिक शेततळ्यावर २ कोटी ३४ लाख ५८ हजार रुपये, मनुष्यबळ विकासावर ७ लाख ५० हजार रुपये, ट्रॅक्टरसाठी २ लाख ७५ हजार रुपये, हरितगृहासाठी ८ लाख ९० हजार रुपये, शेडनेटगृहावर २५ लाख ५० हजार रुपये असा एकूण ३४ लाख ४० हजार रुपये खर्च झाला होता. विविध घटकांवर मिळून एकूण २ कोटी ७९ लाख ४० हजार रुपये निधी खर्च झाला