agriculture news in Marathi, 80 percent subsidy for micro irrigation in drought and farmers suicide affected districts, Maharashtra | Page 2 ||| Agrowon

अवर्षणप्रवण, आत्महत्याग्रस्त जिल्ह्यांत सूक्ष्म सिंचनासाठी ८० टक्के अनुदान

टीम अॅग्रोवन
बुधवार, 21 ऑगस्ट 2019

अकोला ः राज्यातील अवर्षणप्रवण क्षेत्र, आत्महत्याग्रस्त; तसेच नक्षलग्रस्त जिल्ह्यातील शेतकऱ्यांसाठी मुख्यमंत्री शाश्वत कृषी सिंचन योजना राबविण्यास शासनाने प्रशासकीय मान्यता दिली. यामुळे उपरोक्त प्रकारच्या जिल्ह्यातील शेतकऱ्यांना सूक्ष्म सिंचनासाठी ८० टक्के अनुदान मिळण्याचा मार्ग मोकळा झाला आहे. याशिवाय शेततळ्यात अस्तरीकरण, हरितगृह उभारणी शेडनेट या घटकांसाठी अनुदान मर्यादा निश्चित करण्यात आली आहे.

अकोला ः राज्यातील अवर्षणप्रवण क्षेत्र, आत्महत्याग्रस्त; तसेच नक्षलग्रस्त जिल्ह्यातील शेतकऱ्यांसाठी मुख्यमंत्री शाश्वत कृषी सिंचन योजना राबविण्यास शासनाने प्रशासकीय मान्यता दिली. यामुळे उपरोक्त प्रकारच्या जिल्ह्यातील शेतकऱ्यांना सूक्ष्म सिंचनासाठी ८० टक्के अनुदान मिळण्याचा मार्ग मोकळा झाला आहे. याशिवाय शेततळ्यात अस्तरीकरण, हरितगृह उभारणी शेडनेट या घटकांसाठी अनुदान मर्यादा निश्चित करण्यात आली आहे.

शासनाने जाहीर केलेल्या मुख्यमंत्री शाश्वत कृषी सिंचन योजनेची अवर्षणप्रवण घोषित असलेले १४९ तालुके, अमरावती, औरंगाबाद या महसूल विभागातील सर्व जिल्हे; तसेच नागपूर विभागातील वर्धा असे १४ जिल्हे आणि केंद्र शासनाने नक्षलग्रस्त घोषित केलेल्या चंद्रपूर, गोंदिया व गडचिरोली जिल्ह्यात अंमलबजावणी केली जाणार आहे.

या नवीन योजनेसुनार आता वैयक्तिक शेततळ्यांच्या प्लॅस्टकि अस्तरीकरणासाठी खर्चाच्या ५० टक्के किंवा ७५ हजार यापैकी जी रक्कम कमी असेल ती मिळेल. ठिबक सिंचन, तुषार सिंचन संचासाठी अल्प व अत्यल्प भू-धारक शेतकऱ्यांना ८० टक्के अनुदान मिळेल; तर इतर शेतकऱ्यांना (पाच हेक्टर मर्यादेत) ७५ टक्के अनुदान आता मिळू शकेल. हरितगृह उभारण्यासाठी (हजार चौरस मीटर) एक लाख; तसेच अनुदान एवढ्याच क्षेत्रफळावर शेडनेट उभारणीसाठी एक लाख रुपये अनुदानाची तरतूद करण्यात आली आहे.

या योजनेची अंमलबजावणी २०१९-२० पासून कृषी विभागामार्फत केली जाणार आहे. योजनेसाठी शेतकऱ्यांना ऑनलाइन पद्धतीने अर्ज मागविण्यात येतील. मात्र, जोपर्यंत संगणकीय प्रणाली अस्तित्वात येत नाही तोपर्यंत नमुन्यातील अर्ज शेतकऱ्यांना तालुका कृषी अधिकारी कार्यालयात सादर करावे लागतील. प्राप्त होणाऱ्या अर्जांमधून उपलब्ध अनुदानाच्या मर्यादेत लॉटरी पद्धतीने लाभार्थी निवड व पूर्वसंमतीची कार्यवाही होईल.

शेतकऱ्याने अनुदानासाठी प्रस्ताव सादर केल्यानंतर १५ दिवसांच्या आत मोका तपासणी करून जिओ टॅगिंग करण्याचे बंधन राहणार आहे; तसेच मोका तपासणीनंतर अनुदान १५ दिवसांत लाभार्थी शेतकऱ्याच्या बँक खात्यात आरटीजीएसद्वारे जमा केले जाईल. केंद्र किंवा राज्य शासनाच्या प्रचलित असलेल्या योजनांमधून लाभार्थ्याला कोणत्याही घटकाचा लाभ देण्यात आला असेल तर त्याला संबंधित घटकासाठी पाच वर्षे या योजनेअंतर्गत लाभ देऊ नये, अशा स्पष्ट सूचनाही करण्यात आल्या आहेत.


इतर अॅग्रो विशेष
Breaking : मॉन्सून एक्सप्रेस केरळात...पुणे : नैर्ऋत्य मोसमी वारे (मॉन्सून) सोमवारी (ता....
राज्य सरकारचे ‘पुनश्‍च हरीओम्’ :...मुंबई : कोरोनाच्या साथीचा प्रादुर्भाव रोखण्यासाठी...
अंतिम वर्षाची परीक्षा नाही :...मुंबई : सध्याच्या परिस्थितीत विद्यापीठाच्या...
पीकविम्याचे कामकाज या महिन्यातपुणे: राज्यातील शेतकऱ्यांना प्रधानमंत्री पीकविमा...
टोळधाडबाधितांना मदत देणार : पंतप्रधान...नवी दिल्ली : देशातील अनेक भागांत टोळधाडीचे संकट...
मॉन्सून आज केरळात येण्याचे संकेतपुणे  : अरबी समुद्रात लक्षद्वीप बेटांलगत...
कोकणात मुसळधार पावसाचा इशारापुणे  : अरबी समुद्रातील कमी दाब क्षेत्रामुळे...
आठवडाभरापासून टोळधाड विदर्भातचनागपूर   ः गेल्या आठवडाभरापासून...
परभणीतील खरेदी केंद्रावर कापूस विक्रीत...परभणी  ः राज्य सहकारी कापूस उत्पादक पणन...
चाकणच्या जनावरे बाजारात एक कोटींची...पुणे  ः गेल्या सव्वा दोन महिन्यांपासून ‘...
भाजीपाला लागवडीतून उघडला प्रगतीचा मार्गसोयाबीन, भात अशा पारंपरिक कोरडवाहू पिकांवर भिस्त...
सक्रिय रुग्णांची संख्या घटली; एका...नवी दिल्ली : कोरोना महामारीविरूद्धच्या...
विदर्भात टोळधाडीची अस्तित्व कायमनागपूर : कृषी विभागाकडून टोळधाड नियंत्रणासाठी...
राज्यातील भाजीपाला लागवड खोळंबली कोल्हापूर: सध्याच्या स्थितीत भाजीपाल्याचे...
राज्यात देशी कोंबडी पिलांना मागणी वाढली नगर ः काही महिन्यांपूर्वी कोरोना आणि चिकनबाबत...
शेतकऱ्यांची खत विक्री दरात फसवणूक करू...बुलडाणा ः या खरीप हंगामात शेतकऱ्यांना रास्त...
राज्यात बेदाण्याचे सव्वा दोन लाख टन...सांगली : यंदा द्राक्ष उत्पादक शेतकऱ्यांवर ‘कोरोना...
मॉन्सूनची आणखी प्रगती शक्यपुणे  : नैर्ऋत्य मोसमी वारे (मॉन्सून) मजल...