85 Persons Home Quarantine free in Sindhudurg District : Manjulakshmi
85 Persons Home Quarantine free in Sindhudurg District : Manjulakshmi

सिंधुदुर्ग जिल्ह्यातील ८५ व्यक्ती ‘होम क्वारंटाईन’मुक्त ः के. मंजुलक्ष्मी

सिंधुदुर्ग : ‘‘‘होम क्वारंटाईन’ केलेल्या ८५ व्यक्तींचा २८ दिवसांचा कालावधी पूर्ण झाला. त्यामुळे त्यांना ‘होम क्वारंटाईन’मुक्त करण्यात आले आहे. दरम्यान, नव्याने पाठविलेले चारही नमुने निगेटिव्ह आले आहेत. सद्यःस्थितीत जिल्हा ‘कोरोना’मुक्त आहे.

सिंधुदुर्ग : ‘‘‘होम क्वारंटाईन’ केलेल्या ८५ व्यक्तींचा २८ दिवसांचा कालावधी पूर्ण झाला. त्यामुळे त्यांना ‘होम क्वारंटाईन’मुक्त करण्यात आले आहे. दरम्यान, नव्याने पाठविलेले चारही नमुने निगेटिव्ह आले आहेत. सद्यःस्थितीत जिल्हा ‘कोरोना’मुक्त आहे. तरीदेखील नागरिकांनी प्रशासनाच्या सूचनांचे तंतोतंत पालन करावे’’, असे आवाहन जिल्हाधिकारी के. मंजुलक्ष्मी यांनी केले.  

मंजुलक्ष्मी म्हणाल्या, ‘‘आतापर्यंत जिल्ह्यातील २ हजार १९१ व्यक्तींची तपासणी आरोग्य विभागातर्फे करण्यात आली. जिल्हा रुग्णालयाने एकूण ६६ व्यक्तींचे नमुने कोरोना तपासणीसाठी पाठविले होते. त्यांपैकी ६५ नमुने निगेटिव्ह आले आहेत. तर, एक नमुना पॉझिटिव्ह आला होता. त्यानंतर त्या रुग्णांचा नमुना देखील यापूर्वीच निगेटिव्ह आला आहे. त्यामुळे सद्यःस्थितीत जिल्हयात एकही ‘कोरोना’चा रूग्ण नाही.’’ 

जिल्ह्यातील ३५८ व्यक्तींना घरीच क्वारंटाईन करण्यात आले आहे. तर, ५३ व्यक्ती संस्थात्मक विलगीकरण कक्षांमध्ये आहेत. तर, १५ व्यक्ती विलगीकरण कक्षामध्ये आहेत. ८५ व्यक्तींचे १४ दिवस विलगीकरण कक्षामध्ये, तर १४ दिवस होम क्वारंटाईन असे २८ दिवसांचे क्वारंटाईन पूर्ण झाले आहे. त्यांना क्वारंटाईन मुक्त करण्यात आले आहे. जिल्हा रूग्णालयाच्या विलगीकरण कक्षात आणखी २५ खाटांची व्यवस्था करण्यात आली आहे. त्यामुळे खाटांची संख्या आता १०० झाली आहे’’, असेही मंजुलक्ष्मी म्हणाल्या. 

गेले पंधरा ते वीस दिवस प्रशासकीय यंत्रणेने रात्र-दिवस काम केले. त्याचप्रमाणे यापुढे देखील काम करावे. जिल्हा ‘कोरोना’पासून दूर राहावा, यासाठी जिल्हा प्रशासन अटोकाट प्रयत्न करीत आहे. जिल्ह्यातील सर्व डॉक्टर, आरोग्य सेविका, आरोग्य कर्मचारी, आशा वर्कर्स, एएनएम व एमपीडबल्यू, जिल्हा रूग्णालयातील कोविड- १९ कक्षात काम करीत असलेले डॉक्टर, आरोग्य कर्मचारी हे स्वःताच्या जिवाची चिंता न करता काम करीत आहेत, त्याबद्दल मंजुलक्ष्मी यांनी त्यांचे विशेष आभार मानले. 

तपासणीसाठी पाठविलेले नमुने ६६
निगेटिव्ह अहवाल ६५
पॉझिटिव्ह नमुने
घरीच विलगीकरण संख्या ३५८
संस्थात्मक विलगीकरण ५३
सद्यःस्थितीत पॉझिटिव्ह नमुने ००
विलगीकरण कक्षात दाखल १५

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com