Agriculture news in Marathi 90 days survey to prevent bird flu | Agrowon

‘बर्ड फ्लू’ रोखण्यासाठी ९० दिवस सर्वेक्षण करणार

टीम अॅग्रोवन
गुरुवार, 21 जानेवारी 2021

दक्षतेच्या उपाययोजना अंतर्गत बर्ड फ्लू आढळून आलेल्या प्रतिबंधित क्षेत्रात ९० दिवसांच्या कालावधी पर्यंत सर्वेक्षण केले जाणार आहे. संबंधित कुक्कुटपालकांना पक्षाच्या नुकसानीबद्दल मावेजा देण्यात आला आहे, अशी माहिती जिल्हाधिकारी दीपक मुगळीकर यांनी दिली.

परभणी ः जिल्ह्यात बर्ड फ्लूचा प्रसार आणि संसर्ग रोखण्यासाठी तत्काळ उपाययोजना करण्यात आल्या. त्यामुळे प्रतिबंधित क्षेत्रातील गावांतील व्यक्तींना तूर्त  या आजाराचा संसर्ग झाल्याचे आढळून आलेले नाही. परंतु दक्षतेच्या उपाययोजना अंतर्गत बर्ड फ्लू आढळून आलेल्या प्रतिबंधित क्षेत्रात ९० दिवसांच्या कालावधी पर्यंत सर्वेक्षण केले जाणार आहे. संबंधित कुक्कुटपालकांना पक्षाच्या नुकसानीबद्दल मावेजा देण्यात आला आहे, अशी माहिती जिल्हाधिकारी दीपक मुगळीकर यांनी दिली.

जिल्ह्यातील मुरुंबा, कुपटा, पेडगाव या गावातील कोंबड्यांमध्ये आढळून आलेल्या बर्ड फ्लू या आजाराच्या पार्श्वभूमीवर केंद्रीय आरोग्य संचालनालयाच्या सार्वजनिक आरोग्य सेवा समितीचे डॉ. सुनील खापर्डे, औषधशास्त्र विभागाचे डॉ. रोहित कुमार, पुणे येथील राष्ट्रीय विषाणू प्रयोगशाळेतील डॉ. मनोहर चौधरी, डॉ. प्रदीप मुरमकर यांच्या पथकाने या गावांना भेटी देऊन बर्ड फ्लूच्या मानवी संसर्ग तसेच त्याअनुषंगाने करण्यात आलेल्या उपाययोजनांची माहिती घेतली. त्यानंतर मंगळवारी (ता. १९) सायंकाळी जिल्हाधिकारी कार्यालयात आयोजित पत्रकार परिषदेत मुगळीकर यांनी याबाबत माहिती दिली.

मुगळीकर म्हणाले, जिल्ह्यातील कुक्कुटपक्षी बर्ड फ्लू बाधित आल्याचे निष्षन्न झाल्यानंतर तत्काळ प्रतिबंधात्मक उपाययोजना करण्यात आल्या. प्रतिबंधित क्षेत्रातील कलिंग आॅपरेशनव्दारे या गावातील ४ हजार ५५ कुक्कुट पक्ष्यांची तसेच १ हजार ११५ अंडी, कुक्कुट खाद्य यांची शास्त्रीय पद्धतीने विल्हेवाट लावण्यात आली. कुक्कुट पक्ष्यांच्या संर्पकांतील व्यक्ती तसेच चिकन विक्रेत्यांची आरोग्य तपासणी करण्यात आली. बाधित कुक्कुट पालकांना मोठ्या पक्ष्यांसाठी प्रतिपक्षी ९० रुपये तर  छोट्या पक्ष्यांसाठी ४० रुपये प्रतिपक्षी मावेजा देण्यात आला आहे.

डॉ. खापर्डे म्हणाले की, बर्ड फ्लू प्रतिबंधासाठी जिल्हा प्रशासनाने वेळीच उपाययोजना केल्यामुळे या आजाराचा मानवी संसर्ग झाला नसल्याचे आढळून आले  आहे. दक्षता म्हणून संभाव्य रुग्णांसाठी जिल्हा सामान्य रुग्णालयात स्वतंत्र बेड, व्हेंटीलेटर आदी सुविधा उपलब्ध करून देण्यात आलेल्या आहेत. प्रतिबंधित क्षेत्रातील व्यक्तींची आरोग्य तपासणी केली जात आहे. पशुसर्वधन विभाग तसेच पशुवैद्यकीय महाविद्यालयातर्फे जनजागृती केली जात आहे. यावेळी निवासी उपजिल्हाधिकारी महेश वडदकर, पशुवैद्यकीय महाविद्यालयाचे अधिष्ठाता डॉ. नितीन मार्कंडेय, पशुसंवर्धन उपायुक्त डॉ. अशोक लोणे
उपस्थित होते.


इतर बातम्या
थंडीचा प्रभाव घटण्यास प्रारंभ पुणे ः अरबी समुद्राच्या परिसरात चक्रीय स्थिती...
केंद्र सरकारकडून ‘पीजीआर’ला मान्यता पुणे : शेतीसाठी वापरल्या जाणाऱ्या जैव उत्तेजकांना...
शासकीय हरभरा खरेदीच्या ऑनलाइन नोंदणीला...जळगाव : खानदेशातील प्रमुख बाजार समित्यांमध्ये...
बंद आठवडी बाजाराचा कांदा उत्पादकांना...जळगाव ः जळगाव जिल्ह्यात आठवडी बाजार ६ मार्चपर्यंत...
बत्तीसशे चौरस फुटांपर्यंतच्या ...मुंबई : राज्यातील ग्रामीण भागातील सुमारे ३,२००...
महिलांना रोजगार मिळवून देण्यासाठी ‘...रत्नागिरी ः पर्यटन व्यवसायातून महिलांना रोजगार...
कापडण्यात कांद्याला फटकाकापडणे, जि. धुळे : पावसाळ्यात सलग तीन महिने पाऊस...
परभणी जिल्ह्यात अवकाळीने हरभरा, ज्वारी...परभणी ः जिल्ह्यात या महिन्यात झालेला अवकाळी पाऊस...
मारुती माळ येथे टस्कराचे दर्शनकोल्हापूर ः बाळेघोल (ता. कागल) येथील जंगलातून...
मराठवाड्यात अवकाळीने ३३ टक्के पिकांचे...औरंगाबाद : अठरा व १९ फेब्रुवारी रोजी झालेल्या...
नांदेड जिल्ह्यात नुकसानग्रस्तांसाठी...नांदेड : जिल्ह्यात फेब्रुवारी ते मे २०२० या...
निम्न पेढी प्रकल्पाचे काम वेळेत पूर्ण...अमरावती : निम्न पेढी प्रकल्प हा अमरावती व अकोला...
...तर खंडणीचे गुन्हे दाखल करा ः गरडपुणे ः ‘‘पुणे कृषी उत्पन्न बाजार समितीमध्ये हमाली...
सहकारी संस्थांच्या निवडणुकांना पुन्हा...कोल्हापूर ः राज्याच्या राजकीय पटलाचे लक्ष लागून...
बाजार समित्यांनी पेट्रोल, सीएनजी पंप...परभणी ः उत्पन्नात वाढ होण्याच्या दृष्टीने जिल्हा...
जैन यांच्या मोजेक पोर्ट्रेटची ‘गिनेस...जळगाव :  जैन उद्योग समूहाचे संस्थापक अध्यक्ष...
सातारा जिल्ह्यात ५५ टक्के क्षेत्रावर...सातारा ः जिल्ह्यात २५ फेब्रुवारीअखेर तीन हजार १५४...
राज्यात ७ कोटी ९७ लाख क्विंटल साखरेचे...नगर ः राज्यात यंदाही उसाचे जोरदार गाळप सुरू आहे....
शेतीच्या उन्नतीसाठी ज्ञानच महत्त्वाचे...पुणे : कृषीप्रधान देश असलेल्या भारतात शेतीला...
अवकाळीच्या तडाख्यात शेवग्याचे पुन्हा...नाशिक : गत जानेवारी महिन्यात झालेल्या अवकाळी...