agriculture news in Marathi 9250 complaints of soybean seed Maharashtra | Agrowon

सोयाबीन बियाणे उगवणीबाबत ९२५० शेतकऱ्यांकडून तक्रारी

टीम अॅग्रोवन
मंगळवार, 30 जून 2020

नांदेड, परभणी, हिंगोली जिल्ह्यातील शेतकऱ्यांकडून सोयाबीन बियाण्याची उगवण कमी झाल्याबाबतच्या तक्रारींचा ओघ सुरूच आहे.

नांदेड: नांदेड, परभणी, हिंगोली जिल्ह्यातील शेतकऱ्यांकडून सोयाबीन बियाण्याची उगवण कमी झाल्याबाबतच्या तक्रारींचा ओघ सुरूच आहे.

शुक्रवारपर्यंत (ता. २६) या तीन जिल्ह्यांतील सुमारे ९ हजार २५० शेतकऱ्यांनी कृषी विभागाकडे तक्रारी दाखल केल्या. पथकांकडून आजवर ५० ते ७० टक्के शेतकऱ्यांच्या नुकसानग्रस्त क्षेत्रांचे पंचनामे झाले आहेत. पंचनामे पूर्ण झाल्यानंतर नुकसानग्रस्त क्षेत्राची माहिती उपलब्ध होईल, असे कृषी विभागाच्या सूत्रांनी सांगितले.

यंदाच्या खरीप हंगामात शेतकऱ्यांनी खासगी तसेच सार्वजनिक क्षेत्रातील बीजोत्पादक कंपन्यांनी उत्पादित केलेले सोयाबीनचे बियाणे विकत घेऊन पेरणी केली. परंतु पेरणीनंतर सोयाबीन बियाण्याची उगवण कमी झाल्यामुळे शेतकऱ्यांचे मोठे नुकसान झाले असून दुबार पेरणीची वेळ आली आहे.

नांदेड, परभणी, हिंगोली जिल्ह्यात गुरुवारपर्यंत (ता.२५) ५ लाख ११ हजार २१७ हेक्टरवर सोयाबीनची पेरणी झाली आहे. मृग नक्षत्रात झालेल्या पावसानंतर शेतकऱ्यांनी पेरणी केली. परंतु, निकृष्ट दर्जामुळे बियाण्याची उगवण व्यवस्थित झाली नाही. त्यामुळे शेतकऱ्यांनी कृषी विभागाकडे तक्रारी दाखल करत मदतीची मागणी केली आहे.

या तीन जिल्ह्यांतील ९ हजार २५० शेतकऱ्यांनी सोयाबीन बियाण्याबाबत तक्रारी दाखल केल्या. तक्रारीनंतर कृषी विभागाच्या पथकामार्फत शेतकऱ्यांच्या शेतावर जाऊन सोयाबीन उगवणीची पाहणी केली जात आहे. अनेक ठिकाणी पेरणी केलेल्या बियाण्यावर बुरशीची वाढ झाल्यामुळे ते जमिनीत कुजून गेले आहे. काही ठिकाणी बियाण्याचे अंकुरण झाले. परंतु, जमिनीतून वर आले नसल्याचेदेखील आढळून आले आहे.

नांदेड जिल्ह्यात ५५ टक्क्यांवर पंचनामे पूर्ण झाले आहेत. परभणी, हिंगोली जिल्ह्यात ७० टक्क्यांपर्यंत पंचनामे झाले आहेत. पंचनामे पूर्ण झाल्यानंतर एकूण नुकसानग्रस्त क्षेत्राची माहिती उपलब्ध होईल. त्यानंतर पुढील कार्यवाहीसाठी अहवाल सादर केला जाईल, असे सूत्रांनी सांगितले.


इतर अॅग्रो विशेष
संगमनेर तालुका संघाकडून ५० टक्के...नगर: संगमनेर तालुका सहकारी दूध संघाने दूध...
उगाव येथे सामूहिक पातळीवर दशपर्णी अर्क...नाशिक: निफाड तालुक्यातील उगाव येथील श्री. श्री....
किसान क्रेडिट कार्डवर बिनव्याजी कर्ज...नाशिक: शेतकऱ्यांना शेतीकामासाठी आर्थिक मदत करणे...
दुधाला दर नसल्याने, दुभती जनावरे ...सोलापूर ः दुधाला मागणी असूनही केवळ योग्य तो दर...
मराठा समाजाला विश्वासात घेणार : अशोक...मुंबई : मराठा आरक्षणाच्या न्यायालयीन लढाईत राज्य...
पुण्यात शेतमाल पुरवठा देखील बंद पुणे: कोरोनाची उफाळून आलेली साथ रोखण्यासाठी...
देशाच्या सूत निर्यातीत मोठी घट जळगाव ः कोरोना व इतर संकटांमध्ये देशातील सूत...
मराठवाड्यात २६ टक्के पीककर्ज वितरणऔरंगाबाद : मराठवाड्यातील आठही जिल्ह्यांत...
कृषी निविष्ठा विक्रेत्यांचा राज्यात बंद...औरंगाबाद: कृषी निविष्ठा विक्रेत्यांच्या...
राज्यात पावसाला पोषक हवामानपुणे : राज्यात पावसाला पोषक हवामान होत असल्याने...
जलसंधारण,शिक्षण अन् कृषी विकासाचा रचला...सुदृढ, आत्मनिर्भर समाज घडविणे या उद्देशातून जळका...
दुग्ध व्यवसाय ठरतोय शेतीला आधारपनवेल येथील बांधकाम व्यावसायिक अनिल लक्ष्मण...
कृषी आयुक्त दिवसेंची बदली, गायकवाड...मुंबई : राज्य सरकारने शनिवारी महत्त्वपूर्ण...
कृषी निविष्ठा विक्रेत्यांना आरोपी नव्हे...पुणे : राज्यात खते, बियाणे, कीटकनाशकांची विक्री...
आनंदाची पातळी बदलतेय उत्पन्नांनुसारआजच्या जगामध्ये सामाजिक आर्थिक निकषांमध्ये वेगाने...
शेती क्षेत्रातील बदल टप्याटप्याने...नागपूर ः शेतकऱ्यांच्या बांधापर्यंत कृषी...
राज्यात कृषी सेवा केंद्रांचा बंद सुरूपुणेः सोयाबीन बियाणे न उगवल्या प्रकरणी...
औरंगाबाद जिल्ह्यातील थेट शेतमाल विक्री...औरंगाबाद : कोरोना संकटामुळे शेतकरी ते ग्राहक...
रुतलेले अर्थचक्राने विकासालाही ‘ब्रेक’''मूडी'' या पतमानांकन संस्थेने अलीकडेच आपला अहवाल...
बेलखेडा होणार संत्रा उत्पादक गावरिसोड, जि. वाशीम ः तालुक्यातील दोन हजार लोकसंख्या...