agriculture news in Marathi, 95 percent rain in august and suptember, Maharashtra | Agrowon

अॉगस्ट, सप्टेंबरमध्ये पडणार ९५ टक्के पाऊस

टीम अॅग्रोवन
शनिवार, 4 ऑगस्ट 2018

पुणे : मॉन्सून हंगामाच्या दुसऱ्या टप्प्‍यात (ऑगस्ट ते सप्टेंबर) देशात सरासरीच्या ९५ टक्के पाऊस पडण्याचा अंदाज हवामान विभागाने (आयएमडी) जाहीर केला आहे. या अंदाजात ८ टक्के कमी अधिक तफावत राहण्याची शक्यता गृहीत धरण्यात आली आहे. ऑगस्ट महिन्यात देशात ९६ टक्के म्हणजेच सर्वसाधारण पाऊस पडणार असल्याचे स्पष्ट करण्यात आले आहे. 

पुणे : मॉन्सून हंगामाच्या दुसऱ्या टप्प्‍यात (ऑगस्ट ते सप्टेंबर) देशात सरासरीच्या ९५ टक्के पाऊस पडण्याचा अंदाज हवामान विभागाने (आयएमडी) जाहीर केला आहे. या अंदाजात ८ टक्के कमी अधिक तफावत राहण्याची शक्यता गृहीत धरण्यात आली आहे. ऑगस्ट महिन्यात देशात ९६ टक्के म्हणजेच सर्वसाधारण पाऊस पडणार असल्याचे स्पष्ट करण्यात आले आहे. 

जून महिन्यात जाहीर करण्यात आलेल्या अंदाजानुसार ऑगस्ट महिन्यात सरासरीपेक्षा कमी म्हणजेच ९४ पाऊस पडण्याचा अंदाज वर्तविण्यात आला होता. मात्र, शुक्रवारी (ता. ३) जाहीर करण्यात आलेल्या सुधारित अंदाजानुसार ऑगस्ट महिन्यात देशात सरासरीइतका म्हणजेच ९६ टक्के पाऊस पडण्याची व त्यात ९ टक्के कमी अधिक तफावत असण्याची शक्यता वर्तविण्यात आली आहे. ९६ ते १०४ टक्के पाऊस सरासरी इतका मानला जातो. आॅगस्ट आणि सप्टेंबर महिन्यात सरासरीपेक्षा कमी (९४ टक्क्यांपेक्षा कमी) पाऊस पडण्याची शक्यता ४७ टक्के, तर सरासरी इतका (९४ ते १०६ टक्के) पावसाची शक्यता ४१ टक्के आणि सरासरीपेक्षा अधिक (१०६ टक्क्यांपेक्षा अधिक) पाऊस पडण्याची शक्यता १२ टक्के असल्याचेही हवामान विभागातर्फे सांगण्यात आले. 

जुलैअखेर देशात चांगला पाऊस 
मॉन्सून हंगामाच्या पहिल्या टप्प्यात बिहार, झारखंड आणि ईशान्य भारतातील राज्य वगळता उर्वरित देशात सर्वदूर चांगला पाऊस पडल्याचे सांगण्यात आले. उर्वरित दोन महिन्यांतही पावसाच्या वितरणाची हीच स्थिती कायम राहणार असून, शेतीसाठी २०१८ चा मॉन्सून कृषी क्षेत्राला लाभदायक ठरणार असल्याचे आयएमडीने म्हटले आहे. ३१ जुलैपर्यंत ईशान्य भारतातील मणिपूरमध्ये सर्वांत कमी म्हणजेच सरासरीच्या अवघा ३६ टक्के पाऊस पडला आहे. मेघालयमध्ये सरासरीच्या ५७ टक्के, अरुणाचल प्रदेशात ६३ टक्के, आसाममध्ये ७३ टक्के, नागलॅंडमध्ये ८० टक्के पाऊस झाला अाहे. तर पूर्व भारतातील बिहार राज्यात सरासरीच्या ७७ टक्के आणि झारखंडमध्ये ७६ टक्के पावसाची नोंद झाली. लक्षद्वीप बेटांवरही ५७ टक्के पाऊस पडला आहे. 

महाराष्ट्रात सर्वसाधारण हजेरी 
महाराष्ट्रात जुलै अखेरपर्यंतची सरासरी ५४३.८ आहे. त्या तुलनेत ६१३.८ मिलिमीटर म्हणजेच सरासरीपेक्षा १३ टक्के अधिक पाऊस पडला आहे. सरासरीच्या उणे किंवा अधिक १९ टक्के पाऊस सर्वसाधारण मानला जातो. विभागनिहाय पावसाचा विचार करता सर्वाच विभागात सर्वसाधारण पाऊस असून, मराठवाड्यात इतर विभागापेक्षा कमी (९१ टक्के) पाऊस पडला आहे. विदर्भ आणि मध्य महाराष्ट्रात सरासरीच्या १११ टक्के, तर कोकणात १२३ टक्के पावसाची नोंद झाली आहे. 

राज्यात जुलैअखेर पडलेला पाऊस

विभाग सरासरी पडलेला टक्केवारी
काेकण १८०९.१ २२१९.७ १२३
मध्य महाराष्ट्र ३८७.८ ४२८.९ १११
मराठवाडा ३३०.५ ३०१.१ ९१
विदर्भ ४७९.९ ५३३.४ १११

 


इतर अॅग्रो विशेष
७२ तासांची सक्ती नको ः आयुक्तपुणे ः विमा कंपन्यांनी कामकाजात तातडीने सुधारणा...
पीकविमा योजनेच्या मूळ उद्देशालाच हरताळपुणे ः पंतप्रधान पीकविमा योजनेच्या माध्यमातून...
अखेर ‘इफ्को टोकियो’ विरोधात गुन्हा दाखलअमरावती : राज्य शासनाने केलेल्या करारानुसार इफ्को...
पळवाटांमुळे पीकविमा भरपाई दुरापास्तशेतकऱ्यांकडून पीकविम्याचा हप्ता भरतेवेळी...
विमा कंपन्यांबाबत सरकारची बोटचेपी भूमिकापीकविमा योजनेमुळे शेतकऱ्यांऐवजी पीकविमा कंपन्याच...
मराठवाड्यात एक लाख हेक्टरवर पीकनुकसानऔरंगाबाद : मराठवाड्यातील आठपैकी सहा जिल्ह्यांत...
पावसाची उसंत, सावरण्याची धडपड सुरु पुणे : पावसासाठी पोषक वातावरण नसल्याने पावसाचा...
विमा कंपन्यांचा राज्यभर सावळागोंधळ पुणे ः पंतप्रधान पीकविमा योजनेतील खासगी विमा...
कोकणात मुसळधारेची शक्यता पुणे : कोकणसह संपूर्ण राज्यात पावसाचा जोर कमी...
सोयाबीनने गाठला दहा हजारांचा ऐतिहासिक...अकोला/लातूर ः गेले काही महिने सोयाबीनला चांगला दर...
विदर्भात कृषी अधिकाऱ्यांनीच घेतले विमा...नागपूर ः जिल्हास्तरावर आमचे कार्यालय आहे, हे...
मराठवाड्यात पीकविम्याबाबत शेतकऱ्यांसमोर...औरंगाबाद : पीकविमा उतरविण्याची सोय त्यासाठी जागर...
खानदेशात पीकविमा कंपनीचे कार्यालयच नाही जळगाव : खानदेशात पंतप्रधान पीकविमा योजनेंतर्गत...
केव्हीकेने दाखवली ‘वीडर’ची पॉवर, छोट्या...मजूरटंचाई व वाढलेले मजूरदर लक्षात घेऊन ममुराबाद (...
दिशा कार्यक्षम पूर व्यवस्थापनाची!महाराष्ट्र देशी सध्या अतिवृष्टी आणि ...
लातूरला सोयाबीन ९१४१ रुपये !लातूर ः येथील लातूर उच्चत्तम कृषी उत्पन्न  ...
कोकण, मध्य महाराष्ट्रात मुसळधार पावसाचा...पुणे : बंगालच्या उपसागराच्या उत्तर भागात चक्रिय...
पीक विम्यात चुकीचे प्रकार खपवून घेणार ...नाशिक: पीकविमा कंपन्यांकडून पाच पाच जिल्ह्यांसाठी...
केंद्राच्या काळ्या कायद्यांची आम्हाला...नवी दिल्ली ः कायद्याच्या प्रक्रियेतून न आलेल्या...
धरण क्षेत्रात पावसाची हजेरी पुणे : तीन दिवसांपासून राज्यातील धरणक्षेत्रात...