जालना : जिल्ह्यात कर्जमाफी योजनेअंतर्गत एकूण १ लाख ७१ हजार ६२५ इतक्या पात्र कर्जखात्यांच्या याद्या विशिष्ट क्रमांकासह प्राप्त झाल्या आहेत. त्यापैकी एकूण १ लाख ६७ हजार ६२९ खातेदारांनी आधार प्रमाणीकरण केले आहे. जवळपास ३९९५ खातेदारांचे आधार प्रमाणीकरण होणे बाकी आहे.
शासन निर्णय २७ डिसेंबर २०१९ नुसार ०१.०४.२०१५ ते ३१.०३.२०२१ या कालावधीमध्ये पीककर्ज घेतलेल्या शेतकऱ्यांसाठी महात्मा जोतिराव फुले शेतकरी कर्जमुक्ती योजना सुरू करण्यात आली. जालना जिल्ह्यात योजनेतील ३९९५ पात्र कर्ज खात्यांना विशिष्ट क्रमांक प्राप्त असतानाही संबंधित लाभार्थ्यांनी अद्याप आधार प्रमाणीकरण केलेले नाही. त्यामुळे त्यांना कर्जमुक्ती योजनेचा लाभ मिळालेला नाही. त्या अनुषंगाने आधार प्रमाणीकरण व तक्रार निराकरण विशेष मोहीम राबविण्याच्या सूचना देण्यात आल्या आहेत.
१५ ऑक्टोबर २०२१ ते १५ नोव्हेंबर २०२१ या कालावधीत जिल्ह्यात विशेष मोहीम राबविण्यात येत आहे.
आधार प्रमाणीकरण बाकी असलेल्या शेतकऱ्यांच्या याद्या बँक शाखा, संस्था कार्यालय व ग्रामपंचायत कार्यालय या ठिकाणी प्रसिद्ध करण्यात येतील. या विशेष मोहिमेअंतर्गत आधार प्रमाणीकरण करणे बंधनकारक आहे. ही अंतिम संधी आहे. या कालावधीत आधार प्रमाणीकरण न केल्यास कर्जमुक्ती योजनेचा लाभ मिळू शकणार नाही. यासाठी सर्व संबंधित लाभार्थ्यांनी आधार प्रमाणीकरण करून घ्यावे. त्यासाठी तालुका सहायक निबंधक, सहकारी संस्था व जिल्हा उपनिबंधक, सहकारी संस्था यांचे कार्यालय व बँक शाखेशी संपर्क साधावा, असे आवाहन जिल्हा उपनिबंधक बाळासाहेब चव्हाण यांनी केले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.