Agriculture news in Marathi Aadhaar certification balance of sixteen thousand farmers | Agrowon

परभणीत सोळा हजार शेतकऱ्यांचे आधार प्रमाणीकरण शिल्लक

टीम अॅग्रोवन
सोमवार, 3 ऑगस्ट 2020

महात्मा जोतिराव फुले शेतकरी कर्जमुक्ती योजनेच्या पात्र लाभार्थ्यांनी शुक्रवार (ता. ७) पूर्वी आधार प्रमाणीकरण करुन घ्यावे. तसेच मृत खातेदारांच्या नातेवाइकांनी संबंधित बँकेत वारस लावण्याची प्रक्रिया पूर्ण करावी, असे आवाहन जिल्हा उपनिबंधक (सहकारी संस्था) मंगेश सुरवसे यांनी केले आहे.

परभणी ः महात्मा जोतिराव फुले शेतकरी कर्जमुक्ती योजनेच्या पात्र लाभार्थ्यांनी शुक्रवार (ता. ७) पूर्वी आधार प्रमाणीकरण करुन घ्यावे. तसेच मृत खातेदारांच्या नातेवाइकांनी संबंधित बँकेत वारस लावण्याची प्रक्रिया पूर्ण करावी, असे आवाहन जिल्हा उपनिबंधक (सहकारी संस्था) मंगेश सुरवसे यांनी केले आहे.

कर्जमुक्ती योजनेअंतर्गत आजपर्यंत बँकांमार्फत या योजनेच्या पोर्टलवर अपलोड करण्यात आलेल्या २ लाख ४३२ शेतकऱ्यांपैकी १ लाख ८२ हजार ६३३ लाभार्थ्यांच्या एकूण पाच याद्या प्रसिद्ध झालेल्या आहेत. शुक्रवार (ता. ३१) अखेर एकूण १ लाख ६६ हजार २९४ लाभार्थींनी आधार प्रमाणीकरण पूर्ण केले आहे. त्यापैकी १ लाख ३६ हजार ३९६ लाभार्थ्यांच्या खात्यात ८७९ कोटी ३१ लाख रुपये जमा करण्यात आलेले आहेत. परंतु कर्जमुक्ती योजनेस पात्र ठरुनही, आधार प्रमाणीकरण नसल्याने जिल्ह्यातील १६ हजार ३३९ शेतकऱ्यांना या योजनेचा लाभ मिळालेला नाही.

पात्र लाभार्थी शेतकऱ्यांनी विनाविलंब आपले सरकार केंद्र, जनसुविधा केंद्र (सीएससी) किंवा बॅंक शाखेत जाऊन आधार प्रमाणीकरण करून घ्यावे. आधार प्रमाणीकरण पूर्ण केलेल्या शेतकऱ्यांना संबंधित बँकांमार्फत या योजनेचा लाभ देण्याची कार्यवाही करणे शक्य होईल. संपूर्ण कर्जमुक्त झालेले शेतकरी सन २०२०-२१ या हंगामामध्ये पीककर्ज घेण्यासाठीही पात्र ठरणार आहेत. त्यासाठी शुक्रवार (ता. ७) पूर्वी आपले आधार प्रमाणीकरण पूर्ण करून घ्यावे.

पात्र लाभार्थ्यांच्या यादीतील आधार प्रमाणीकरण शक्य नाही (Unable to Authenticate) हा पर्याय निवडून तक्रार केलेल्या शेतकऱ्यांनी आधार कार्डाची स्व-साक्षांकित छायाप्रत तक्रार नांेदणीच्या पावती, बँकेचे पासबुकाचे पहिल्या पानाचे छायांकित प्रतीसह संबंधित तहसील कार्यालय अथवा साहाय्यक निबंधक सहकारी संस्था कार्यालयास संपर्क साधून संबंधित तालुका स्तरीय समितीकडून आपले तक्रार निवारण करून घ्यावे. आधार क्रमांक अमान्य अशी तक्रार नोंदविलेल्या शेतकऱ्यांनी  आधारकार्डची स्व-साक्षांकित छायाप्रत तक्रार नोंदणीच्या पावती व बँकेचे पासबुकाचे पहिल्या पानाची छायांकित प्रतिसह संबंधित बॅंक शाखेत गटसचिव यांच्याकडे किंवा संबंधित सहायक निबंधक सहकारी संस्था यांच्या कार्यालयात जमा करावी.

त्याचप्रमाणे कर्जमुक्तीच्या यादीतील मृत खातेदारांच्या नातेवाईक अथवा कायदेशीर वारसाने आधार प्रमाणीकरण न करता प्रथम कायदेशीर वारसाने त्याची संपूर्ण माहिती शुक्रवार (ता. ७) पर्यंत संबंधित बॅंक शाखेस सादर करावी. बँकेच्या नियमाप्रमाणे वारस लावण्याची प्रक्रिया पूर्ण करून त्याची नोंद कर्ज खात्यास करून घ्यावी. वारसाच्या नोंदीची माहिती बँका शुक्रवार (ता. ७) ते शुक्रवार (ता. १४) या कालावधीतच पोर्टलवर भरू शकणार असल्याने या बाबतीत मृत खातेदारांच्या वारसाने विहित मुदतीतच कार्यवाही पूर्ण करणे आवश्यक आहे.

बँकांनी त्यांच्या स्तरावर देखील वारस लावून घेण्याच्या बाबतीत विहित मुदतीत दुरुस्त केलेली माहिती पोर्टलवर अपलोड करण्याच्या बाबतीत विहित मुदतीत कार्यवाही करणे आवश्यक आहे. या योजनेअंतर्गत कर्जमुक्तीचा लाभ मिळालेल्या पात्र शेतकऱ्यांनी नवीन पीककर्ज घेण्यासाठी गावातील गट सचिव, संबंधित बॅंक शाखेशी आवश्यक त्या कागदपत्रासह संपर्क साधावा, असे आवाहन सुरवसे यांनी केले आहे.

शेतकऱ्यांची बॅंकनिहाय संख्या
बॅंक शेतकरी संख्या
स्टेट बॅँक ऑफ इंडिया ८०१४
जिल्हा मध्यवर्ती सहकारी बॅंक ५७५३
महाराष्ट्र ग्रामीण बँक १०५३
बॅंक ऑफ बडोदा ६२०
बॅंक ऑफ महाराष्ट्र ६०९

 


इतर अॅग्रो विशेष
निर्यातीसाठी संत्रा आंबटच!  सुमारे पाच वर्षांपूर्वी बांगलादेशने...
हळद लागवडीसाठी ट्रॅक्टरचलित यंत्रात...नांदेड जिल्ह्यात हळदीकडे नगदी पीक म्हणून शेतकरी...
फळपीक विमा योजनेत त्रुटी, गोंधळसोलापूर ः पुनर्रचित हवामान आधारित फळपीक विमा...
खर्च, जोखीम करणारे नागरे यांचे तीनमजली...शिवणी आरमाळ (जि.. बुलडाणा) येथील कैलास नागरे...
पूर्वहंगामी द्राक्षाचे विमा कवच चारपट...नाशिक : गेल्या काही वर्षांत नैसर्गिक आपत्तीमुळे...
‘एचटीबीटी’ बियाण्याची पाळेमुळे...पुणे ः देशात अवैध तणनाशक सहनशील ‘एचटीबीटी’ कापूस...
डाळिंब विमा अर्जासाठी १४ जुलैपर्यंत...सांगली : पंतप्रधान पीकविमा योजनेअंतर्गत पुनर्रचित...
कांदा व्यापाऱ्याकडून शेतकऱ्याला मारहाण नाशिक : जिल्ह्यातील बाजार समित्यांमध्ये कांद्याची...
संत्रा आयात शुल्क कपातीसाठी प्रयत्न करा...नागपूर : विदर्भाचे मुख्य फळपीक असलेल्या...
राज्यात आठवडाभर हलक्या पावसाची शक्यतापुणे : कोकणसह राज्यातील काही भागांत पावसाने...
देशात सव्वादोन लाख हेक्टरवर हळद लागवडसांगली ः यंदा देशात हळदीची लागवड अंतिम टप्प्यात...
आयातशुल्क वाढीचा संत्रा निर्यातीवर...अमरावती : संत्र्याचा मुख्य आयातदार असलेल्या...
मध्य प्रदेशात सोयाबीनचे क्षेत्र कमी...नागपूर : मध्य प्रदेशात पिवळं सोनं म्हणून ओळखल्या...
प्रक्रिया उद्योगातून ‘सूर्या’ची झळाळी तेलगाव (ता. वसमत. जि. हिंगोली) येथील सूर्या...
संकटांमधून जांभूळ शेती उद्योगाची वाटचालसिंधुदुर्ग जिल्ह्यातील निरुखे येथील अनिरुद्ध...
पावसाचा जोर कमी होणार पुणे : कोकण, कोल्हापूर, सातारा, सांगली, पुणे व...
कोकणात पावसाचा जोर ओसरला पुणे : कोकणात धुमाकूळ घातलेल्या पावसाचा जोर...
सोसायट्यांवर बॅंकिंग सुधारणांचा परिणाम...पुणे ः बॅंकिंग नियमन कायद्यात झालेल्या...
राज्यात ‘एचटीबीटी’च्या ७५ लाख पाकिटांची...पुणे ः बंदी असूनही देशात कपाशीच्या तणनाशक सहनशील...
राज्यातील धरणांत २३४ टीएमसी पाणीसाठानगर ः राज्याच्या एकूण सहा महसूली विभागांतील...