हिंगोली जिल्ह्यातील सुमारे दीड लाख शेतकऱ्यांना पीकविमा मंजूर

हिंगोली : पंतप्रधान पीकविमा योजनेंतर्गत २०१९ च्या खरीप हंगामातील सोयाबीन आणि ज्वारी या पिकांच्या नुकसानीबद्दल जिल्ह्यातील १ लाख ४९ हजार ३२९ शेतकऱ्यांना ११७ कोटी ६५ लाख १० हजार ४७८ रुपये पीकविमा परतावा मंजूर झाला आहे, अशी माहिती उपविभागीय कृषी अधिकारी बी. एस. कच्छवे यांनी दिली.

वसमत तालुक्यात पीकविमा लाभार्थींची संख्या सर्वाधिक ५१ हजार ५०० आहे. याच तालुक्यात सर्वाधिक ३५ कोटी ९४ लाख ३५ हजार ३७ रुपये एवढा विमा परतावा मंजूर झाला आहे. जिल्ह्यातील पाचपैकी हिंगोली, वसमत, ढा नागनाथ या तीन तालुक्यांतील शेतकऱ्यांना सोयाबीन आणि ज्वारी या पिकांच्या नुकसानीबद्दल पीकविमा परतावा मंजूर झाला आहे. कळमनुरी आणि सेनगाव तालुक्यातील शेतकऱ्यांना सोयाबीनच्या नुकसानीबद्दल पीकविमा परतावा मंजूर झाला आहे.

ऑक्टोबर महिन्यातील अतिवृष्टीमुळे काढणीस आलेले सोयाबीन, वेचणीस आलेली कपाशी, ज्वारी आदी पिकांचे मोठे नुकसान झाले होते. विमा कंपनीने सर्व पाच तालुक्यांतील ८३ हजार ९८५ हेक्टरवरील सोयाबीनच्या नुकसानीबद्दल १ लाख ३१ हजार ८० हजार ९१२ शेतकऱ्यांना ११४ कोटी ५३ लाख २९ हजार ५६६ रुपयांचा विमा परतावा मंजूर केला. तीन तालुक्यांतील ३ हजार ५२९ हेक्टरवरील ज्वारीच्या नुकसानीबद्दल १७ हजार ३६२ शेतकऱ्यांना ३ कोटी ११ लाख ८० हजार ९१२ रुपयांचा विमा परतावा मंजूर केला आहे. परताव्याची रक्कम थेट शेतकऱ्यांच्या खात्यावर जमा केली जाईल, असे सूत्रांनी सांगितले.

पीकविम्याचे तालुकानिहाय लाभार्थी