agriculture news in marathi About the water of 'Vishnupuri' Order to take action | Page 2 ||| Agrowon

‘विष्णुपुरी’च्या पाण्याबाबत कार्यवाही करण्याचे आदेश

टीम अॅग्रोवन
शुक्रवार, 5 मार्च 2021

नांदेड : ‘‘विष्णुपुरी प्रकल्पाच्या लाभ क्षेत्रातील शेतकऱ्यांना पाच पाणी पाळ्या सोडण्याबाबत योग्य ती कार्यवाही करावी.’’ 

नांदेड : ‘‘विष्णुपुरी प्रकल्पाच्या लाभ क्षेत्रातील शेतकऱ्यांना पाच पाणी पाळ्या सोडण्याबाबत योग्य ती कार्यवाही करावी’’, अशी सूचना मुख्यमंत्री, उपमुख्यमंत्री कार्यालयाने जलसंपदा सचिवांना केली, अशी माहिती मराठवाडा शेतकरी प्रतिनिधी प्रा. शिवाजी मोरे यांनी दिली.  

जलसंपदा विभागाने विष्णुपुरी प्रकल्प, अंतेश्वर बंधारा व दिग्रस बंधारा असे तीन प्रकल्पाचे पाणी असूनही तीन पाणी पाळ्यांचे नियोजन केले होते. परंतु, तीन पाण्यावर खडकाळ जमिनीवरील रब्बी गहू व ज्वारी येऊ शकत नाही. म्हणून प्रा. शिवाजी मोरे यांनी ही बाब राज्याचे मुख्यमंत्री, उपमुख्यमंत्री, जलसंपदामंत्री, पालकमंत्री यांच्याकडे निवेदनाद्वारे केली होती. गोदावरी नदीवरील तिन्ही बंधारे पूर्ण क्षमतेने भरले आहेत. 

नांदेड शहरवासीयांना पिण्यासाठी ३५ दलघमी पाणी, तर उर्वरित १४४ दलघमी पाणी शेतीसाठी असे पाणी या तिन्ही प्रकल्पात उपलब्ध आहे. त्यापैकी फक्त तीन पाणी पाळ्या जाहीर करून १७ दलघमी पाण्याचाच उपयोग कालव्यांसाठी होत आहे. उर्वरित १०४ दलघमी पाणी कुठे मुरतेय, असा प्रश्न उपस्थित करून रब्बी पिकांसाठी कमीत कमी पाच पाणी पाळ्या कालव्यांना द्याव्यात, अशी मागणी प्रा. शिवाजी मोरे यांनी केली होती. 

लाभक्षेत्रातील शेतकऱ्यांनी दोन्ही पाणी पाळ्यावर गहू, ज्वारी, ऊस असे पीक घेतले आहेत. ‘विष्णुपुरी’चे एकूण लाभक्षेत्र २५ हजार हेक्टर आहे. लाभक्षेत्रात खडकाळ व उंचीवर जमीन असल्यामुळे गहू व ज्वारी या पिकांसाठी ५ पाणी पाळ्या लागतात. पहिल्या पाणी पाळीला सात दलघमी पाणी लागते. नंतरच्या प्रत्येक पाणी पाळीला पाच दलघमी पाणी लागते, असे एकूण पाच पाणी पाळ्याला २७ दलघमी पाणी लागते. परंतु, प्रशासनाने १७ दलघमी पाणी देऊन लाभार्थी शेतकऱ्यांवर अन्याय केला आहे. 

११ टीएमसी पाणी मान्य 

राष्ट्रीय जल आयोगाने ११ टीएमसी पाणी विष्णुपुरी खोऱ्यांना मान्य केले आहे. तरी पाच पाणी पाळ्या द्या, शेतकऱ्यांना न्याय द्या, नाहीतर नुकसान भरपाई द्यावी, अशी मागणीही करण्यात आली होती, याची दखल घेतली आहे.

मुख्यमंत्री व उपमुख्यमंत्री कार्यालयाने विष्णुपुरीच्या पाण्यासंदर्भात जलसंपदा सचिवांना योग्य ती कार्यवाही करावी, अशा सूचना केल्याने लाभ क्षेत्रातील शेतकऱ्यांना पाण्याच्या पाच पाळ्या मिळतील, अशी आशा आहे.
- प्रा. शिवाजी मोरे, मराठवाडा शेतकरी प्रतिनिधी, नांदेड


इतर ताज्या घडामोडी
खरीप हंगामाच्या तोंडावर ...यवतमाळ : गेल्या दशकात जिल्ह्यातील शेतकरी कधी...
अमरावतीत शासकीय दूध योजनेच्या संकलनात ...अमरावती : कोरोनामुळे हॉटेल आणि दुग्धजन्य पदार्थ...
‘आंबेओहोळ’ची घळभरणी अंतिम टप्यात उत्तूर, जि. कोल्हापूर : आरदाळ-उत्तूर (ता. आजरा)...
म्हैसाळ योजनेतून सांगोल्यासाठी पाणी...सांगोला, जि. सोलापूर : सांगोला वितरिका क्रमांक...
सहा कारखान्यांनी उरकले गाळप; ९७ लाख ३८... सातारा : जिल्ह्यातील साखर हंगाम अंतिम टप्प्यात...
खरिपासाठी नगरमध्ये साडेसहा लाख हेक्टर...पुणे नगर : नगर जिल्ह्यात यंदा खरिपासाठी यंदा ६...
परभणीतील शेतकऱ्यांना ८३ कोटींचा विमा...परभणी : पंतप्रधान पीकविमा योजनेअंतर्गंत सन...
ग्रामसभा करणार तेंदुपत्याची विक्री गडचिरोली : पेसा (पंचायत एक्स्टेंशन टू शेडूल...
ग्रामीण रुग्णांसाठी जिल्हा परिषद...सोलापूर ः जिल्ह्याच्या ग्रामीण भागामध्ये कोरोनाचा...
कृषी पणन मंडळाकडून आॅनालाइन आंबा...पुणे ः कोरोना संकटातही आंबा उत्पादक शेतकऱ्यांच्या...
अखेर मोसंबी उत्पादकांना विमा परतावा...जालना : जिल्ह्यातील सहा हजारांवर मोसंबी...
राहीबाई पोपेरे यांची वनस्पती संरक्षण...नाशिक : भारत सरकारच्या कृषी व शेतकरी कल्याण...
डाळिंब अंबिया बहरातील कीड- रोग...डाळिंब बागेत विविध कीड-रोगांचा प्रादुर्भाव मोठ्या...
कोरोनाबाबत डाॅ. सिंग यांनी सूचवलेला...नांदेड : कोरोनाविरूद्ध लढण्यासाठी माजी पंतप्रधान...
कोरोना व्हॅक्सिनसाठी वयाची अट शिथिल...कोल्हापूर : भाजीपाला, दूध उत्पादक तसेच...
पुणे बाजार समितीत गर्दीला बसणार लगामपुणे : शहरात कोरोना संसर्गामुळे लावण्यात आलेल्या...
गोसीखुर्द धरणाच्या पाण्याचे ...चंद्रपूर : प्रकल्पाच्या पाणलोट क्षेत्रात झालेल्या...
पुणे जिल्ह्यातील धरणांत ७८ टीएमसी...पुणे : गेल्या दीड महिन्यापासून उन्हाच्या झळा...
कोट्यवधींच्या कर्जवसुलीसाठी स्थापन...नांदेड : जिल्हा मध्यवर्ती बँकेची आर्थिक परिस्थिती...
पालखेडच्या आवर्तनाने शेतीसह पिण्याच्या...येवला, जि. नाशिक : पालखेड डाव्या कालव्यातून...