agriculture news on Marathi, Abundant urea available in state, Maharashtra | Agrowon

राज्यात मुबलक युरिया

टीम अॅग्रोवन
सोमवार, 20 ऑगस्ट 2018

राज्यात सर्वात जास्त युरियाचा पुरवठा ‘आरसीएफ’कडून होतो. आम्ही यंदा साडेसहा लाख टनाच्या आसपास युरिया पुरविणार असून, आतापर्यंत चार लाख टन पुरवठा केलेला आहे. पावसामुळे काही भागात पुरवठा करण्यात अडचणी आल्या होत्या. मात्र, आता राज्यात भरपूर युरिया असून उलट पाऊस नसल्यामुळे विक्रीवर परिणाम झालेला आहे. 
- अतुल पाटील, उपमहाव्यवस्थापक, ‘आरसीएफ’

पुणे: राज्याच्या काही भागात अपेक्षित पाऊस नसल्यामुळे शेतकऱ्यांकडून युरियाची खरेदी मंदावली आहे. त्यामुळे मराठवाड्यात हजारो टन युरिया पडून आहे. अशीस्थिती असूनही पुढील ४५ दिवसांत अजून पावणेचार लाख टन युरिया राज्यभर पाठविला जाईल, अशी माहिती सूत्रांनी दिली. तसेच कोणत्याही भागात टंचाई, लिंकिंग किंवा काळा बाजार होत असल्यास तातडीने कळवावे, असे आवाहन कृषी विभागाने केलेले आहे. 

राज्यात मॉन्सून वेळेत पोचण्याचे संकेत मिळत असल्यामुळे नगदी पिकांचे क्षेत्र वाढण्याची चिन्हे होती. त्यामुळे गेल्या हंगामाच्या तुलनेत यंदा युरियाचा वापर पाच टक्क्यांपेक्षाही जादा वाढू शकतो, असा अंदाज वर्तविला गेला होता. प्रत्यक्षात अनेक जिल्ह्यांमध्ये युरियाचे साठे पडून असल्याचे कृषी खात्याचे म्हणणे आहे. केंद्र शासनाने राज्यासाठी १५ लाख टन युरिया मंजूर केला आहे. मात्र, मुंबईत झालेल्या मुसळधार पावसामुळे तीन दिवस रेल्वे रेक वाहतुकीत अडथळे आले होते. त्यामुळे आठवडाभर राज्यात खताचे रेक वेळेत गेले नाही. यामुळे खताची टंचाई तयार झाली होती.

कृषी विभागाच्या म्हणण्यानुसार, टंचाईचा आता कुठेही प्रश्नच उरलेला नाही. रेल्वे प्रशासनाने युद्धपातळी दाखवत बहुतेक भागात रेक पाठविले. मालवाहतूकदारांचा संप सुरू असताना काही भागात जिल्हाधिकाऱ्यांना खताचा आढावा घेत खतांचे ट्रक रवाना केले. नंदूरबारला रेल्वेचा ट्रॅक खचल्यामुळे तयार झालेली समस्यादेखील दूर झाली आहे. त्यामुळे खानदेशातील पुरवठादेखील सुरळीत झालेला आहे. 

‘‘राज्यात सध्या हिंगोली, नांदेडला थोडी मागणी आहे. सोलापूरला अजिबात मागणी नाही. तसेच, नगर, नाशिक, सातारा, पुण्याच्या काही तालुक्यांमध्ये युरियाला अजिबात मागणी नाही. केवळ कोकण व विदर्भाच्या काही जिल्ह्यांमध्ये मागणी असून तेथे आम्ही मुबलक युरिया पाठवून दिला आहे,’’ असे कृषी विभागाने स्पष्ट केले. 

मराठवाड्यात हजारो टन युरिया पडून असला तरी पाऊस झाल्यास पुन्हा शेतकऱ्यांची गर्दी उसळू नये, याकरिता कृषी विभागाकडून युरिया पुरवठ्याचे पुढील वेळापत्रकदेखील पाळले जाणार आहे. या वेळापत्रकानुसार ३० ऑगस्टपर्यंत सव्वा लाख टन आणि पुन्हा सप्टेंबरमध्ये अडीच लाख टन युरिया राज्यभर पाठविला जाईल. 

शेतकऱ्यांनी ४५ किलोची निमकोटेड युरियाची गोणी २६७ रुपये किमतीला विकत घ्यावी. कोणत्याही भागात टंचाई, लिंकिंग किंवा काळा बाजार होत असल्यास कृषी विभागाला किंवा आयुक्तालयाला तातडीने कळवावे, असे आवाहन कृषी विभागाने केलेले आहे. 


इतर अॅग्रो विशेष
राज्यात पावसाचा कमीअधिक जोर राहणारपुणे ः राज्यातील अनेक भागात पावसाने काहीशी उघडीप...
पणन सुधारणा कायदे शेतकरी हिताचेच!शेतीमालाच्या मार्केटमध्ये दराच्या बाबतीत कधीही...
रिसोर्स बॅंक ः स्तुत्य उपक्रमहवामान बदलाच्या चरम सीमेवर आता आपण आहोत. खरे तर...
कांदा दर नियंत्रणासाठी केंद्र सरकारचा...मुंबई : कांदा दर नियंत्रणासाठी केंद्र सरकारचा...
‘बायोमिक्स’ विक्रीतून कृषी विद्यापीठाला...परभणी ः वसंतराव नाईक मराठवाडा कृषी विद्यापीठातील...
जरासं पहा ना साहेब, पाणीच पाणी वावरात...परभणी ः सदोष बियाण्यांमुळे दुबार, तिबार पेरणी...
परतीचा मॉन्सून राज्यातून चार दिवसांत...पुणे ः परतीच्या पाऊस सुरू असताना बंगालच्या...
कृषी कायद्यांविरोधात पंजाबकडून स्वतंत्र...चंडीगड : केंद्र सरकारने मंजूर केलेल्या तीन...
खारपाणपट्ट्यातील समस्यांवर...दापुरा (ता. जि. अकोला) येथील स्वप्नील व संदीप या...
सुर्डीतील तरुणांनी तेरा पाझर तलावांना...वैराग, जि. सोलापूर ः ‘वॉटर कप’ स्पर्धेत राज्यात...
कापूस विक्रीसाठी नोंदणी थांबविलीजळगाव ः शासकीय केंद्रात कापूस विक्रीसाठी बाजार...
प्रयोगशील दुग्ध व्यवसायातून पुढारले...माळीसागज (जि. औरंगाबाद) गावात कोरडवाहू क्षेत्र...
पाच हजार शेतकऱ्यांची ‘रिसोर्स बॅंक’कऱ्हाड, जि. सातारा ः शेतकऱ्यांवर सातत्याने...
राज्यात तुरळक ठिकाणी पावसाचा दणका पुणे ः राज्यात गेल्या दोन दिवसांपासून कोकणातही...
‘जीआय’प्राप्त शेतकरी ‘वापरकर्ते’ करणारपुणे: राज्यातील पिकांना भौगोलिक निर्देशांक मिळाले...
तीन दिवसांत मदतीबाबत निर्णय: मुख्यमंत्रीसोलापूर ः हवामान विभागाने आणखी दोन-तीन दिवस...
राज्यात पावसासाठी पोषक स्थिती पुणे ः बंगालचा उपसागर व दक्षिण आंध्रप्रदेश...
शेतकऱ्यांना मदतीसाठी कर्जाशिवाय गत्यंतर...तुळजापूर, जि. उस्मानाबाद: स्थानिक लोकांशी...
कोरोनामुळे वाढल्या कृषी व्यापार संधीचीनच्या तुलनेत आपली अर्थव्यवस्था मजबूत करायची...
कृषी ‘समृद्धी’चा मार्गबाळासाहेब ठाकरे मुंबई-नागपूर समृद्धी महामार्गालगत...