पाथरूड, जि. उस्मानाबाद : येथील दुधना नदीवर साखळी सिमेंट बंधारे आभियानाअंतर्गत चार सिमेंट बंधारे मागील पाच - सहा वर्षापूर्वी बांधण्यात आले. गत काही दिवसांपासून दररोज चांगला पाऊस होत आहे. यामुळे बंधाऱ्यांत मुबलक पाणीसाठा जमा झाले. त्यामुळे रब्बी हंगामातील पिकांना त्याचा फायदा होईल.
पाथरूड परिसरातील दुधना नदीवरती शासनाच्या साखळी सिमेंट बंधारे आभियानाअंतर्गत चार सिमेंट बंधारे बांधण्यात आले होते. परंतु, मागील काही वर्षांपासून सातत्याने दुष्काळ पडत आहे. त्यामुळे ह्यामध्ये पाणीसाठा दिसून येत नव्हता. चालू वर्षात सुरुवातीपासून पावसाने चांगली साथ दिली. नदी, नाले - ओढ भरून वाहत आहेत. शिवारातील पाथरूड, दुधोडी, उमाचीवाडी, सावरगाव, बागलवडी, वडाचीवाडी, बेदरवाडी परिसरात चांगला पाऊस झाला. नदी, नाले, ओढे यांना पाणी वाहत असल्याचे दिसून येते आहे.
पाथरुड येथील नदिवर वैजीनाथ मंदिर, विठ्ठल मंदिर, ईट रस्ता व कडानीचा डोह या भागात सिमेंट बंधारे आहेत. पाण्याने तुडूंब भरून वाहत आहेत. नदी परिसरातील विहिरी व कूपनलिकेच्या पाणीपातळीत चांगली वाढ होऊ लागली आहे. या पाण्याचा फायदा रब्बी हंगामातील ज्वारी, गव्हू, हरभरा, ऊस, पाले-भाज्यांना झाला आहे. तलाव क्षेत्रात ऊस व फळबाग लागवडीचे प्रमाण वाढले आहे. निर्माण झालेल्या पाणीसाठ्याचा उपयोग रब्बी हंगामातील पिकांना होणार आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.