agriculture news in marathi Abundant water reserves in drought prone areas of Khandesh | Agrowon

खानदेशात दुष्काळी भागात मुबलक जलसाठा

टीम अॅग्रोवन
रविवार, 25 ऑक्टोबर 2020

जळगाव ः खानदेशातील आवर्षप्रवण भागातील  प्रकल्प यंदाही बऱ्यापैकी भरले आहेत.  जळगाव जिल्ह्यातील एरंडोल तालुक्यातील अंजनी प्रकल्प १०० टक्के भरला आहे.

जळगाव ः खानदेशातील आवर्षप्रवण भागातील  प्रकल्प यंदाही बऱ्यापैकी भरले आहेत.  जळगाव जिल्ह्यातील एरंडोल तालुक्यातील अंजनी प्रकल्प १०० टक्के भरला आहे. नदीत प्रवाही पाणी असून, दोन दिवसांपूर्वी अंजनी नदीला चांगला पूर आला होता. तर पारोळा तालुक्यातील भोकरबारी प्रकल्पदेखील सुमारे ८६ टक्के भरला आहे. 

जामदा बंधाऱ्यातून या प्रकल्पात पाणी सोडण्यात आले होते. त्यासाठी एरंडोल व अमळनेर भागातील लोकप्रतिनिधींनी शासनाकडे पाठपुरावा केला होता. साक्री (जि.धुळे) तालुक्यातील बुराई प्रकल्पदेखील ९० टक्के भरला आहे. हा प्रकल्प गेल्या वर्षी सुमारे सात वर्षानंतर पूर्ण भरला होता. जूनमध्ये बुराई प्रकल्पात जेमतेम जलसाठा शिल्लक राहीला होता.

साक्री, धुळे भागात बऱ्यापैकी पाऊस झाला. परंतु हा प्रकल्प रिकामाच होता. हा प्रकल्प आवर्षणप्रवण भागात आहे. नंदुरबार व साक्री तालुक्याच्या सीमेनजीक हा प्रकल्प असून, त्याच्या लाभक्षेत्रात पाऊस जेमतेम होत असतो. परंतु त्यातही समाधानकारक जलसाठा आहे. अंजनी, भोकरबारी, बुराई या प्रकल्पांची साठवण क्षमता प्रत्येकी दोन, २.११, तीन टीएमसी एवढी आहे. 

तापी व गिरणा नदीत प्रवाही पाणी आहे. गिरणा नदीसह जामनेरातील वाघूर, शिरपूर (जि.धुळे) येथील अनेर, साक्री भागातून येणाऱ्या पांझरा, शहादा (जि.नंदुरबार) मधील सुसरी, गोमाई, तळोदा भागातील खरडी, रावेर (जि.जळगावमधील) सुकी, यावल (जि.जळगाव) मधील मोर, चोपडा (जि.जळगाव) मधील सातपुडा पर्वतातून येणारी गूळ या नद्यांना प्रवाही पाणी आहे. 

हे प्रकल्प १०० टक्के भरले 

जळगाव जिल्ह्यातील गिरणा, बहुळा, अग्नावती, हिवरा, तोंडापूर, सुकी, अभोरा, मंगरूळ, गारबर्डी, मोर, गूळ, तोंडापूर, अंजनी हे प्रकल्प १०० टक्के भरले आहेत. धुळ्यातील अनेर, पांझरा, कनोली, मालनगाव, सोनवद, नंदुरबारमधील दरा, रंगावली, सुसरी या प्रकल्पात १००टक्के जलसाठा आहे. तापी नदीवरील भुसावळ (जि.जळगाव) नजीकच्या हतनूर धरणातही १०० टक्के जलसाठा आहे. त्यात पाण्याची आवक सुरू असल्याने पाण्याचा विसर्ग सुरू आहे. पण हा विसर्ग पुढे बंद होण्याचे संकेत आहे.


इतर बातम्या
महाटीत उपसरपंचपदासाठी साडेदहा लाखांची...नांदेड ः ग्रामपंचायत निवडणुकीपूर्वी उपसरपंचपदाचा...
राज्यात शनिवारपासून ‘जनप्रबोधन यात्रा’नगर/पुणे ः शेतकरी आत्महत्येला कारणीभूत असलेल्या...
फळांपासून वाइननिर्मितीसाठी महाराष्ट्र...नाशिक : द्राक्षाबरोबर डाळिंब, जांभूळ,...
सोलापूर जिल्ह्यात ऊसदरासाठी शेतकरी...सोलापूर ः सोलापूर जिल्ह्यातील सर्व कारखानदार...
शेतकऱ्याने १८ एकरांतील कपाशीत घातली...अकोला ः जिल्ह्यातील कापूस क्षेत्र यंदा बोंड अळीने...
गोदावरी खोरे सिंचन आराखडा सरकारने...नांदेड : आपल्या शासनाच्या काळात मराठवाड्यातील...
शिराळा तालुक्यात गुऱ्हाळघरांना उशिरा...सांगली ः शिराळा तालुक्यात यंदा गूळ उत्पादनाचा...
केंद्रीय पथकाकडून कापूस पिकाची पाहणीआरेगाव, यवतमाळ ः गुलाबी बोंड अळीचा प्रादुर्भाव...
नाशिक बाजार समितीत व्यापाऱ्याकडून...नाशिक : येथील कृषी उत्पन्न बाजार समितीत...
धान उत्पादकांना प्रतिक्विंटल सातशे...मुंबई: आधारभूत किंमत खरेदी योजनेअंतर्गत खरीप पणन...
पंढरपुरात कार्तिकी वारीचा उद्या मुख्य...सोलापूर: कार्तिकी वारी यात्रेचा मुख्य सोहळा उद्या...
‘सौर कृषिपंपा’चा लक्ष्यांक संपल्याने...पुणे : मुख्यमंत्री सौर कृषिपंप योजनेसाठी मोठ्या...
आंतरराष्ट्रीय बाजारात साखरेला दराचा...कोल्हापूर : आंतरराष्ट्रीय बाजारात गेल्या पंधरा...
मराठवाडा, विदर्भात हलक्या पावसाची शक्यतापुणे ः बंगालच्या उपसागराच्या नैर्ऋत्य भागात ‘...
पीककर्जाची प्रकरणे तत्काळ मार्गी लावा...नाशिक ः ‘‘छत्रपती शिवाजी महाराज सन्मान...
नाशिक जिल्ह्यातील कांद्याच्या दरात...नाशिक : सोमवारी (ता. २३) जिल्ह्यातील प्रमुख बाजार...
कुरखेड्यात ‘महावितरण’वर शेतकऱ्यांचा...गडचिरोली : कृषी पंपाच्या फिडरवर सुरू असलेले...
बुलडाणा जिल्ह्यात गुलाबी बोंडअळीने...बुलडाणा : जिल्ह्यात सुमारे १७४ गावांत गुलाबी...
मठपिंपळगाव-गोलापांगरीत द्राक्षात खर्च,...अंबड, जि. जालना : मठपिंपळगाव-गोलापांगरी परिसरातील...
`नांदेड जिल्ह्यातील नुकसानग्रस्तांना...नांदेड : अतिवृष्टी तसेच परतीच्या पावसामुळे...