Agriculture news in marathi Abundant water reserves in Khandesh | Agrowon

खानदेशात जलसाठा मुबलक 

टीम अॅग्रोवन
शनिवार, 6 मार्च 2021

खानदेशात विविध प्रमुख सिंचन प्रकल्पांमध्ये मुबलक जलसाठा आहे. त्यामुळे टंचाई यंदा कमी असणार आहे. तसेच पाण्याचे तिसरे आवर्तनही मिळेल, असे निश्चित मानले जात आहे. 

जळगाव : खानदेशात विविध प्रमुख सिंचन प्रकल्पांमध्ये मुबलक जलसाठा आहे. त्यामुळे टंचाई यंदा कमी असणार आहे. तसेच पाण्याचे तिसरे आवर्तनही मिळेल, असे निश्चित मानले जात आहे. 

जळगाव जिल्ह्यातील हतनूर प्रकल्पातून दोनदा, गिरणातून दोनदा सिंचनासाठी पाणी सोडण्यात आले आहे. तसेच नदीकाठची गावे, विविध पालिका, प्रकल्पांसाठी देखील या धरणांमधून पाणी सोडण्यात आले आहे. गिरणा धरणावर चाळीसगाव, पाचोरा, भडगाव येथील पाणी योजनांचे स्त्रोत अवलंबून आहेत. तसेच शंभर गावांमधील टंचाई निवारणार्थ गिरणा धरणातून नदीच्या शेवटच्या टोकापर्यंत म्हणजेच कानळदा, नांद्रा बुदूकपर्यंत (ता. जळगाव) पाणी सोडावे लागते. हतनूर धरणावर भुसावळ, साकेगाव येथील पाणी योजनांचे स्त्रोत अवलंबून आहेत. तसेच आयुध निर्माणी, दीपनगर (ता. भुसावळ) येथील विद्युत प्रकल्पासाठी देखील या धरणातून पाणी सोडावे लागते. यापूर्वी रब्बीसाठी दोनदा आवर्तने प्रकल्पातून सोडलेली आहेत. तरीही सध्या ५६ टक्क्यांवर जलसाठा आहे. 

गिरणा धरणातील साठाही ५८ टक्क्यांवर आहे. वाघूर धरणातून रब्बीसाठी दोनदा आवर्तन सोडले आहे. काही गावांमध्ये मात्र पाणी प्रकल्पाच्या बांधकामाच्या अडचणीमुळे सोडले नाही. वाघूर धरणाच्या माध्यमातून जळगाव, भुसावळला पाणीपुरवठा केला जातो. तसेच पाइप कारखान्यासाठीदेखील पाणी सोडले जाते. हतनूर व गिरणातून या महिन्याच्या अखेरीस रब्बीसाठी तिसरे आवर्तन सोडले जाईल. तसेच पाणी योजनांसाठीदेखील नदीत पाणी सोडले जाणार आहे.

धुळ्यातील अनेर प्रकल्पातील जलसाठाही ५७ टक्क्यांवर आहे. यातूनही रब्बीसाठी दोनदा आवर्तन सोडले असून, तिसरे आवर्तन सोडले जाईल. तसेच उन्हाळी हंगामात भुईमूग, बाजरीसाठीदेखील पाणी सोडले जाईल. पांझरा प्रकल्पातूनही रब्बीसाठी एक आवर्तन सोडले जाणार आहे. या प्रकल्पातही सुमारे ५७ टक्के जलसाठा असल्याची माहिती मिळाली.

इतर मध्यम प्रकल्पांमध्येही खानदेशात मुबलक जलसाठा आहे. त्यात धुळ्यातील अमरावती, सोनवद, मालनगाव, बुराई या प्रकल्पांचा समावेश आहे. तसेच नंदुरबारमधील दरा, सुसरी प्रकल्पातही मुबलक पाणी आहे. खानदेशातील प्रकल्पांमधील जलसाठा एकूण ५३ टक्क्यांवर आहे. उन्हाळ्याचे तीन महिने राहिले आहेत. या स्थितीत पाणी मुबलक असल्याचे सांगण्यात येत आहे. 
 


इतर ताज्या घडामोडी
नगर : पीकविमा योजनेत शेतकऱ्यांचा सहभाग...नगर : नैसर्गिक संकटाने तसेच अन्य कारणाने...
`दहिगाव उपसा सिंचन योजना सौरऊर्जेवर...सोलापूर ः करमाळा तालुक्यातील दहिगाव उपसा सिंचन...
पुणे बाजार समिती चक्राकार पद्धतीने सुरू...पुणे : कोरोना विषाणू बाधित रुग्णाच्या झपाट्याने...
देशी सीताफळाच्या बियाण्याची चोरीसोलापूर ः देशी सीताफळाच्या बियाण्याची चोरी...
पाण्याच्या उपलब्धतेमुळे उन्हाळी...पुणे : गेल्या वर्षी झालेल्या चांगल्या पावसामुळे...
हिंगोली ः सोयाबीनची अडीच लाख हेक्टरवर...हिंगोली ः जिल्ह्यात यंदा खरीप हंगामात ३ लाख ५८...
अमरावतीत खरिपाचे ७ लाख हेक्टर क्षेत्र...अमरावती : कृषी विभागाच्या खरीप हंगाम २०२१...
नाशिक बाजार समितीच्या ‘त्या’ याचिका...नाशिक : नाशिक कृषी उत्पन्न बाजार समितीच्या सभापती...
बियाणे, खते, कीटकनाशक नियंत्रणासाठी...नाशिक : खरीप हंगामात बियाणे पेरणीचा कालावधी...
औरंगाबाद जिल्हाभरात फळे, भाजीपाला थेट...औरंगाबाद : शहरासह जिल्हाभरात राबविल्या जात...
लातूर जिल्ह्यात त्रेचाळीस हजार क्विंटल...लातूर: जिल्ह्यात कार्यान्वित १६ केंद्रांवरून २७५९...
अवैध दारू विक्रेत्यांना शासकीय योजनांचा...चंद्रपूर : अवैध दारू विक्रीमुळे सामाजिक स्वास्थ्य...
ऑक्सिजन प्रकल्प उभारणीचा अधिकार...मुंबई : कोरोना रुग्णांची वाढती संख्या व ऑक्सिजनची...
फळाचे ‘प्रमोशन’, मूल्यवर्धन होण्याची...चिकू बागायतदार संघाच्या वतीने राज्यातील चिकू...
अकोला जिल्हा परिषदेत खांदेपालटाची चर्चा अकोला : जिल्हा परिषदेत सत्तारूढ असलेल्या वंचित...
प्रक्रिया उद्योगाला चालना देणारनारळ लागवडीचे क्षेत्र वाढविताना शेतकऱ्यांच्या...
सामूहिक प्रयत्नातून काजू उत्पादकांची...जागतिक बाजारपेठेत वैशिष्ट्यपूर्ण चव असलेल्या...
क्षेत्र वाढ, प्रक्रियेसाठी सरकारी...देशात पेरू लागवडीचे सुमारे तीन लाख हेक्टर आणि...
दुर्लक्षित पिकांनाही येत्या काळात संधीद्राक्ष, डाळिंब, आंबा, केळी, संत्रा ही राज्याच्या...
आधुनिक फुलशेती संशोधन, निर्यात...गेल्या काही वर्षांत व्यावसायिक आणि उद्योगाचा...