Agriculture news in marathi Accelerate summer soybean cultivation | Agrowon

उन्हाळी सोयाबीन लागवडीस गती

टीम अॅग्रोवन
गुरुवार, 21 जानेवारी 2021

 आगामी हंगामासाठी बियाणे उपलब्ध करण्याच्या उद्देशाने शेतकरी उन्हाळी सोयाबीन लागवडीस प्राधान्य देऊ लागले आहेत. महाबीजने अमरावती विभागातील पाच जिल्ह्यात ३०० हेक्टरवर अशा प्रकारच्या लागवडीचे नियोजन  आहे.

अकोला : यंदाच्या खरीप सोयाबीन काढणीच्या वेळेस झालेल्या पावसामुळे मालाचा दर्जा घसरला. अनेकांना उत्पादनही पुरेसे झालेले नाही. बीजोत्पादन कार्यक्रमालाही फटका बसला. त्यामुळे आगामी हंगामासाठी बियाणे उपलब्ध करण्याच्या उद्देशाने शेतकरी उन्हाळी सोयाबीन लागवडीस प्राधान्य देऊ लागले आहेत. महाबीजने अमरावती विभागातील पाच जिल्ह्यात ३०० हेक्टरवर अशा प्रकारच्या लागवडीचे नियोजन केले आहे. या साठी बियाणे वितरित केले जात आहे.

गेल्या खरीप हंगामात पीक काढणीच्या काळात परतीच्या पावसाने धुमाकूळ घातला होता. परिणामी सोयाबीनसारखे पीक काळवंडले. अनेकांना तर एकरी क्विंटल, दोन क्विंटल उत्पादन झाले. कंपन्यांच्या बीजोत्पादन कार्यक्रमावरही परिणाम झालेला आहे. यामुळे यंदा वाशीमसारख्या बाजारात उत्कृष्ट दर्जाचे सोयाबीन बियाण्यासाठी सातत्याने वाढीव दराने विकल्या जात आहे. अनेक कंपन्यांनी बाजारातील सोयाबीन खरेदी वाढवलेली आहे. कृषी यंत्रणा शेतकऱ्यांना घरचे बियाणे साठवून ठेवण्याचे सातत्याने आवाहन करीत आहे.

दुसरीकडे आता उन्हाळ्यात सोयाबीन लागवडीला प्रोत्साहन दिले जात आहे. महाबीजने अकोला, वाशीम, बुलडाणा, अमरावती, यवतमाळ या पाच जिल्ह्यात उन्हाळी सोयाबीन बीजोत्पादनाचे ३०० हेक्टरचे क्षेत्र निश्‍चित केले आहे. जेएस ३३५ व ९३०५ या सुधारित वाणांचे पायाभूत बियाणे बीजोत्पादक शेतकऱ्यांना उपलब्ध करून दिले जात आहे. 
सध्या या विभागात प्रत्येक तालुक्यात अशा लागवडीसाठी शेतकऱ्यांना समाज माध्यमातून आवाहन करण्यात येत आहे. लागवडीनंतर महाबीजचे तंत्रज्ञ प्रत्येक शेतकऱ्याच्या शेतांना भेटी देऊन मार्गदर्शनही करणार आहेत.

मुगाचीही लागवड
महाबीजने १०० हेक्टरवर उन्हाळी मुगाची लागवड करण्याचे नियोजन केले आहे. या वर्षात जिल्ह्यात मुगाचे संपूर्ण पीक शेतकऱ्यांच्या हातातून गेलेले आहे. त्यामुळे चांगल्या दर्जाचे बियाणे निर्माण करण्याच्या उद्देशाने मुगाचे बीजोत्पादन केले जाणार आहे. 

प्रतिक्रिया

उन्हाळ्यात बीजोत्पादन चांगल्या प्रकारे घेता येते. या बाबत कृषी विद्यापीठ, कृषी विभागाने कृती कार्यक्रम निश्‍चित केलेला आहे. उन्हाळयात लागवड होत असल्याने पुढील हंगामासाठी चांगल्या उगवण क्षमतेचे बियाणे तयार होईल. या दृष्टीने महाबीजने ३०० हेक्टरवर सोयाबीन आणि १०० हेक्टरवर मूग पिकाचे नियोजन केले आहे. याची अंमलबजावणी सुरू झाली आहे.
-जगदीशसिंग खोकड, विभागीय व्यवस्थापक, महाबीज, अकोला


इतर ताज्या घडामोडी
निफाडच्या दोन शेतकऱ्यांची ७४ हजारांची...नाशिक : जिल्ह्यात द्राक्ष, कांदा या शेतीमालाबाबत...
`कृषी`च्या असहकार्यामुळे समिती...नगर  : जलयुक्‍त शिवार योजनेतून केलेल्या...
सांगलीच्या पशुसंवर्धन विभागात ५१ पदे...सांगली : जिल्हा परिषदेकडील पशुसंवर्धन विभागात ८६...
खानदेशात तुरीच्या खरेदीला शून्य प्रतिसादजळगाव ः खानदेशात तूर खरेदीसाठी यंदा खरेदी...
अवैध बोअरवेलप्रकरणी प्रशासनाकडून कारवाईअमरावती ः ड्रायझोन जाहीर करण्यात आल्याने मोर्शी,...
खानदेशात कांद्याच्या दरातील घसरण सुरूचजळगाव ः खानदेशात लाल कांद्याच्या दरात गेल्या...
काजू बी १५० रुपये हमीभावाने खरेदी करावीरत्नागिरी ः काजू बी ला महाराष्ट्र सरकारने १५०...
जळगाव जिल्ह्यात गहू, हरभरा काढणीस वेगतांदलवाडी, जि. जळगाव :  सध्या गहू व हरभरा...
‘गोकुळ’बाबत मुंबईत खलबतेकोल्हापूर : जिल्हा दूध उत्पादक संघाच्या (गोकुळ)...
जवस पिकाकडे वळा : डॉ. झाडे औरंगाबाद : ‘‘एकरी लागवड खर्च ५ ते ६ हजार करून २५-...
वाशीममध्ये कोरोना रोखण्यासाठी सरपंच...वाशीम : जिल्ह्यातील ग्रामीण भागात कोरोना विषाणूचा...
‘विष्णुपुरी’च्या पाण्याबाबत कार्यवाही...नांदेड : ‘‘विष्णुपुरी प्रकल्पाच्या लाभ...
कलंबरमध्ये महिला शेतीशाळेस प्रतिसादनांदेड : लोहा तालुका कृषी विभागाच्या कृषी...
‘पीएम किसान’ योजनेच्या कामास तलाठ्यांचा...नाशिक : पंतप्रधान किसान सन्मान योजनेशी संबंधित...
चाऱ्यासाठी वनशेतीमध्ये अंजन, निवडुंगदीर्घकाळ दुष्काळ सहन करण्याची अंजन या चारा...
शेतकरी उत्पादक कंपन्यांचे बळकटीकरण महाराष्ट्र सहकार विकास महामंडळ आणि नाबार्डच्या...
केसर आंबा व्यवस्थापनया वर्षी आंबा झाडांना मोहोर आला. सध्या...
फ्लॉवर ‌जांभळा-गुलाबी‌ होण्याची समस्याआनुवांशिकदृष्ट्या‌,‌ फ्लॉवर ‌पांढऱ्या,‌ ‌जांभळ्या...
पुणे जिल्ह्यात उन्हामुळे धरणांतील...पुणे ः उन्हाचा चटका वाढल्याने धरणांतील पाण्याचा...
म्हसवड येथे शेतकरी आंदोलन सुरूचम्हसवड, जि. सातारा : शेतजमीन कब्जे वहिवाटीत...