Agriculture news in marathi Acceleration of mango harvesting in Sindhudurg; Anxiety among gardeners due to rains | Page 2 ||| Agrowon

सिंधुदुर्गमध्ये आंबा काढणीला गती; पावसामुळे बागायतदारांमध्ये चिंता

टीम अॅग्रोवन
बुधवार, 12 मे 2021

सिंधुदुर्गनगरी जिल्ह्याच्या पूर्वपट्ट्यातील आंबा काढणीला गती आली आहे. परंतु सतत पडत असलेल्या पूर्वमोसमी पावसामुळे आंबा खराब होण्याची शक्यता असल्याने बागायतदारांमध्ये चिंतेचे वातावरण निर्माण झाले आहे.

सिंधुदुर्गनगरी : जिल्ह्याच्या पूर्वपट्ट्यातील आंबा काढणीला गती आली आहे. परंतु सतत पडत असलेल्या पूर्वमोसमी पावसामुळे आंबा खराब होण्याची शक्यता असल्याने बागायतदारांमध्ये चिंतेचे वातावरण निर्माण झाले आहे.

किनारपट्टीच्या देवगड, मालवण, वेंगुर्ला आणि कुडाळ तालुक्यांतील काही भागात हापूस आंबा हंगामाला डिसेंबर महिन्यापासून सुरुवात होते. बाजारपेठेत आंबा लवकर आंबा येण्यासाठी या भागातील काही शेतकरी बागांची विशेष काळजी घेतात. डिसेंबर महिन्यापासून आंबा येत असला तरी मुख्य हंगाम फेब्रुवारी महिन्यानंतरच सुरू होतो.

मार्च, एप्रिल आणि मे महिन्याच्या अखेरीपर्यंत या भागातील आंबा हंगाम सुरू होतो. अखेरीस येणारा आंबा येथील बागायतदार कॅनिंगसाठी उपयोगात आणतात. परंतु पूर्वपट्ट्यातील कणकवली, वैभववाडी, कुडाळ, सावंतवाडी तालुक्यातील आंबा हंगाम उशिराने सुरू होतो. सावंतवाडी, कुडाळ या तालुक्यातील आंबा हंगाम १५ एप्रिलनंतर सुरू होतो, तर कणकवली आणि वैभववाडी तालुक्यातील आंबा हंगाम एप्रिल अखेरीस सुरुवात होतो.

यावर्षी पूर्वपट्ट्यातील आंबा हंगामाला १ मेपासून सुरुवात झाली. परंतु आंबा हंगाम सुरू होण्यापूर्वीच पूर्वमोसमी पावसाचा तडाखा या भागाला बसला. २७ एप्रिलपासून या पूर्वपट्ट्यात सातत्याने पूर्वमोसमी पाऊस पडत आहे. या शिवाय वादळी वाऱ्यांचा तडाखा देखील या भागाला बसला. या वातावरणाची धास्ती बागायतदारांनी घेतली आहे. त्यामुळे गेल्या सात आठ दिवसांपासून आंबा बागायतदारांनी आंबा काढणीची गती वाढविली आहे. सततच्या पावसामुळे आंबा खराब होईल, अशी भीती बागायतदारांच्या मनात आहे. त्यामुळे झाडावर असलेला सर्व आंबा काढून घ्यावा, याची लगबग सध्या पूर्वपट्ट्यातील आंबा बागायतदारांमध्ये दिसून येत आहे.

पश्चिम पट्ट्याच्या तुलनेत पूर्वपट्ट्यात कमी प्रमाणात आंबा आहे. परंतु हा आंबा स्थानिक बाजारपेठांमध्ये विक्री होतो. कोरोनामुळे थेट विक्री करण्याचा प्रयत्न बागायतदारांकडून सुरू आहे. प्रति डझन २५० ते ३०० रुपयांप्रमाणे आंब्याची विक्री सुरू आहे. पावसाच्या धास्तीमुळे शेतकरी आंबा विक्री करण्याच्या प्रयत्नात आहेत.


इतर बातम्या
जीएम तंत्रज्ञानासाठी  गावांनी घ्यावेत...यवतमाळ : सर्वच क्षेत्रात नवनव्या तंत्रज्ञानाची...
फळगळ विषयक ‘त्या’ संदेशापासून राहा सावधनागपूर ः केंद्रीय लिंबूवर्गीय संशोधन संस्थेच्या...
विदर्भात पावसाने गाठली सरासरी नागपूर : सप्टेंबरच्या पूर्वार्धात वरुणराजाची...
प्रत्येक शाळेमध्ये उभारणार लोकसहभागातून...पुणे : वेगाने बदलत असलेल्या हवामानाची शाळेतील...
घरगुती नळजोडणीची  कामे कालमर्यादेत करा...पुणे : जलजीवन मिशन अंतर्गत पाणी पुरवठा योजना व...
सांगलीत वीजेची थकबाकी  ४२१ कोटी...सांगली : राज्यातील ऊर्जा विभागांतर्गत कार्यरत तीन...
खरीप पेरणी क्षेत्रात  १४ हजार हेक्टरने...पुणे : खरीप हंगामात सुरूवातीच्या काळात कमी...
नाशिक जिल्ह्यात लम्पी त्वचा रोगामुळे...नाशिक : जिल्ह्यातील जनावरांमध्ये लम्पी त्वचा...
बाधित शेतकऱ्यांना तत्काळ मदत देऊ : मलिकपरभणी : ‘‘जिल्ह्यात मागील आठवड्यात अतिवृष्टी व...
अमळनेरमधील पांणंद रस्त्यांचे प्रस्ताव...वावडे, ता. अमळनेर : ‘शेत तिथे पांदण रस्ता’ ही...
आंब्याच्या नुकसानीसाठी विमा भरपाई...हडोळती, ता. अहमदपूर ः सन २०१९ - २०२० साली आंबा...
जळगावात रब्बीचा पेरा दीड लाख हेक्टरने...जळगाव : जिल्ह्यात आतापर्यंत झालेल्या पावसाने...
सोलापूर जिल्ह्यात यंदा गाळपासाठी अडीच...सोलापूर ः जिल्ह्यात यंदाच्या ऊसगाळप हंगामाला...
दीड लाख शेतकऱ्यांची जिल्ह्यात ई-पीक...सोलापूर ः शासनाने यंदापासून नव्याने सुरु केलेल्या...
विमा कंपन्यांवर पूर्वसूचनांचा पाऊस !...पुणे : राज्याच्या विविध भागांत झालेल्या...
लाळ्या खुरकूत लसींची प्रतीक्षाच;...पुणे ः पावसाळा संपत आला तरी अद्याप राज्यातील दोन...
शेतीमाल, दुग्धजन्य पदार्थ निर्यात...पुणे : कृषी व प्रक्रियायुक्त अन्न उत्पादन निर्यात...
बुडताना दिसले अन् काही क्षणांत दिसेनासे...वरुड, जि. अमरावती : डोळ्यांसमोर सारे बुडताना दिसत...
‘जनधन’मुळे मदत गरजूंपर्यंत : केंद्रीय...औरंगाबाद : जनधन, आधार आणि बँक खात्याशी मोबाईल...
पूर्वसूचना अर्ज भरण्यासाठी निलंग्यात...निलंगा, जि. लातूर : ऑफलाइन पद्धतीने विमा कंपनीस...