Agriculture News in Marathi According to the FRP 80-20 formula If given, the factory benefits the farmers | Page 2 ||| Agrowon

‘एफआरपी’ ८०-२०च्या सूत्रानुसार  दिल्यास कारखाना, शेतकऱ्यांचा फायदा 

टीम अॅग्रोवन
सोमवार, 18 ऑक्टोबर 2021

त्या त्या वर्षाच्या साखर उताऱ्याच्या आधारे ‘एफआरपी’ ८०-२०च्या सूत्रानुसार दिल्यास व्याजात मोठी बचत होऊन शेतकऱ्यांना अधिकचे दोन पैसे मिळू शकतात. या धोरणामुळे गुजरातमधील शेतकऱ्यांना प्रतिटन तीनशे रुपये अधिकचे मिळतात.

माळेगाव, जि. पुणे : ‘‘केंद्र व राज्य सरकारने यंदा उसाची एफआरपी एकरकमी देण्याबाबत अद्याप निर्णय जाहीर केला नाही. परंतु त्या त्या वर्षाच्या साखर उताऱ्याच्या आधारे ‘एफआरपी’ ८०-२०च्या सूत्रानुसार दिल्यास व्याजात मोठी बचत होऊन शेतकऱ्यांना अधिकचे दोन पैसे मिळू शकतात. या धोरणामुळे गुजरातमधील शेतकऱ्यांना प्रतिटन तीनशे रुपये अधिकचे मिळतात. या बाबत आम्ही मुख्यमंत्र्यांशी चर्चा केली आहे. अर्थात, या सकारात्मक बाबींचा गांर्भीयाने विचार शेतकरी संघटनांसह सभासदांनी केला पाहिजे,’’ असे आवाहन उपमुख्यमंत्री अजित पवार यांनी केले. 

माळेगाव सहकारी साखर कारखान्याचा ६५व्या गळीत हंगामाच्या प्रारंभ प्रसंगी उपमुख्यमंत्री अजित पवार बोलत होते. राज्यमंत्री दत्तात्रय भरणे कार्यक्रमाच्या अध्यक्षस्थानी होते. 

अजित पवार म्हणाले, ‘‘ब्राझीलमध्ये साखरेचे उत्पादन घटल्याने साखरेचे दर वाढीस लागले आहेत. महाराष्ट्रातील कारखानदारांनी या स्थितीचा आतापासून विचार करावा. यापुढे साखरेबरोबर आता इथेनॉल, वीजनिर्मिती करण्याचे अचूक धोरण कारखांदारांनी राबविले पाहिजे. साखर उत्पादन खर्चाच्या तुलनेत केंद्राने साखरेची किमान आधारभूत किंमत वाढविली नाही. केंद्र सरकारने साखरेची किमान आधारभूत किंमत ३१०० रुपयांवरून ३६०० रुपयांपर्यंत केंद्राने वाढवावी. कारखानदारांना एफआरपीची रक्कम देण्यासाठी व्याजाचा मोठा भुर्दंड सोसावा लागतो.’’ 

माळेगाव कारखाना विरोधकांच्या ताब्यात असताना मोठे अर्थिक नुकसान झाल्याचे उघड्या डोळ्यांनी पाहावे लागले. विस्तारीकरणात यंत्रसामग्री निकृष्ट बसविल्याने साखर उतारा घसरला, डिस्टिलरी, विजेचे उत्पन्न घटले, कर्जाचा बोजा वाढल्याने शेतकऱ्यांना गेली दोन वर्षे कमी दर मिळाला. परंतु बाळासाहेब तावरेंच्या संचालक मंडळाने मागील दीड वर्षात कर्जाची परतफेड करीत कारखाना सुस्थितीत आणला आहे.

त्यामुळे माळेगाव यापुढे ऊस दराच्या बाबतीत सोमेश्‍वरसह अग्रगण्य ऊसदराची बरोबरी करेल, असा विश्‍वासही पवार यांनी बोलून दाखविला. माळेगावने पाच कोटी रुपये खर्च करून सांडपाणी प्रक्रिया प्रकल्प (ईटीपी प्लांट) उभा केला आहे, त्यामुळे शेतकऱ्यांच्या जमिनीमध्ये होणारे प्रदूषण थांबले आहे. अर्थात, कारखान्याच्या निवडणुकीत हा प्रश्‍न सोडविण्याचा दिलेला शब्द खरा केल्याचे पवार यांनी आवर्जून सांगितले. 

तत्पूर्वी अध्यक्ष बाळासाहेब तावरे यांनी आपल्या भाषणात प्राप्तिकर विभागाच्या नोटिसाचा मुद्दा उपस्थित करीत पवारांचे याकडे लक्ष वेधले. तसेच त्यांनी गतवर्षी विक्रमी १२ लाख ६८ हजार गाळप करून साखर उतारा ११.७५ टक्के इतका मिळविल्याने पुढील वर्षाची एफआरपी प्रतिटन २ हजार ७८० पर्यंत जाईल, असे सूचित केले. या वेळी जिल्हा बॅंकेचे अध्यक्ष रमेश थोरात, विश्‍वास देवकाते, संभाजी होळकर, मदनराव देवकाते, तानाजी कोकरे, योगेश जगताप, नितीन सातव, केशवराव जगताप, अनिल तावरे, सुरेश खलाटे, राजेंद्र ढवाण, कार्यकारी संचालक राजेंद्र जगताप आदी उपस्थित होते. 

विरोधी संचालकांचा प्रवेश 
माळेगाव कारखान्याच्या निवडणुकीत विरोधी पॅनेलमधून निवडून आलेले संचालक प्रताप जयसिंग आटोळे यांनी अजित पवार यांच्या उपस्थितीत राष्ट्रवादी काँग्रेसमध्ये प्रवेश केला. अर्थात, हा प्रवेश अचानक जाहीर झाल्याने सभास्थानी एकच खळबळ उडाली. आटोळे यांनी विरोधी पार्टीचे संचालक चंद्रराव तावरे, रंजन तावरे यांना रामराम करीत पवारांचे नेतृत्व स्वीकारले. त्यामुळे विरोधी पार्टीत आता गुलाबराव गावडेंसह तीन संचालक उरले आहेत.

 


इतर बातम्या
सिंधुदुर्ग जिल्हा परिषद कृषी समितीच्या...सिंधुदुर्गनगरी ः ‘‘बियाणे किट वितरण आणि...
सांगली जिल्ह्यात ‘किसान सन्मान’ची वसुली...सांगली : पंतप्रधान किसान सन्मान योजनेतील अपात्र...
सिद्धेश्‍वर कारखान्याच्या चिमणी ...सोलापूर ः कुमठे येथील श्री सिद्धेश्‍वर सहकारी...
औरंगाबाद, जालना, बीड जिल्ह्यात गाळपात...औरंगाबाद : ‘‘मराठवाड्यातील औरंगाबाद, जालना व बीड...
मराठवाड्यातील ८७५ मोठ्या, मध्यम, लघू...औरंगाबाद : मराठवाड्यातील ८७५ मोठ्या, मध्यम, लघू...
नाशिक ः सिन्नरच्या पाणी प्रकल्पाचा...नाशिक : नाशिक व सिन्नरच्या विकासासाठी आवश्यक पाणी...
जळगाव जिल्ह्यात १७ हजार बेडची सज्जता जळगाव ः जिल्ह्यात कोरोनाच्या तिसऱ्या लाटेच्या...
नांदेड जिल्ह्यात पाच लाख खातेदारांना ‘...नांदेड जिल्ह्यात : पंतप्रधान किसान सन्‍मान निधी (...
निविष्ठा परवान्यांमधील ‘दुरूस्ती’ आता...पुणे ः गुणनियंत्रण विभागातील गैरव्यवहाराला आळा...
ऊसतोड वजावट रद्द करावी पुणे : राज्यात यंत्राच्या साहाय्याने होणारी...
कोकण, मध्य महाराष्ट्रात विजांसह पावसाची...पुणे : किमान तापमानाचा पारा घसरल्याने गारठा वाढला...
गोदावरी-वैनगंगा नदीजोड प्रकल्प अद्याप...नागपूर : महागाई आणि भूखंडाच्या दरापेक्षाही वेगाने...
आंदोलनातील मृत शेतकऱ्यांच्या...नवी दिल्ली : कृषी कायदे रद्द झाल्यानंतर आता मोदी...
कृषी कायदे मागे घेण्यावर संसदेचे...नवी दिल्ली ः संसद अधिवेशनाच्या पहिल्याच दिवशी...
वीजजोड जबरदस्तीने तोडल्यास जशास तसे...सांगली ः महावितरण कंपनीने शेतीपंपांची वीजबिल वसूल...
राजस्थानमधील शेतकऱ्यांची  मोहरी आणि...पुणे ः रब्बी हंगाम २०२०-२१ मधील मोहरी आणि गव्हाला...
गोदावरी, पैनगंगा उपखोऱ्याची तूट भरून...औरंगाबाद ः ‘‘गोदावरी, पैनगंगा उपखोऱ्याची तूट भरून...
कृषी विजबिले अवास्तवअकोला ः ग्रामीण भागात सध्या एकीकडे रब्बीची लगबग...
खानदेशात अनेक गावांमधील शिवारात वीज बंद जळगाव ः  खानदेशात जळगाव, धुळे, नंदुरबारमधील...
अवकाळीच्या सावटामुळे द्राक्ष पट्ट्यात...नाशिक : गेल्या काही वर्षांपासून पूर्वहंगामी...