Agriculture news in Marathi Accreditation of 'ICAR' to Baramati Agricultural College | Agrowon

बारामती कृषी महाविद्यालयाला ‘आयसीएआर’ची अधिस्वीकृती

टीम अॅग्रोवन
शनिवार, 6 मार्च 2021

भारतीय कृषी संशोधन परिषदेने आता देशातील खासगी महाविद्यालयांना थेट अधिस्वीकृती देण्याचा निर्णय घेतला आहे. पहिल्या टप्प्यात राज्यातून अधिस्वीकृती मिळवण्याचा मान फक्त बारामती कृषी महाविद्यालयास मिळाला आहे.

पुणे : भारतीय कृषी संशोधन परिषदेने आता देशातील खासगी महाविद्यालयांना थेट अधिस्वीकृती देण्याचा निर्णय घेतला आहे. पहिल्या टप्प्यात राज्यातून अधिस्वीकृती मिळवण्याचा मान फक्त बारामती कृषी महाविद्यालयास मिळाला आहे.

कृषी विज्ञान केंद्रामार्फत शेतकऱ्यांना मार्गदर्शन तसेच कृषी शिक्षण व संशोधनाबाबत विविध देशांसोबत झालेल्या करारामुळे बारामती कृषी महाविद्यालयाने एक वेगळा कृषी शिक्षण पॅटर्न देशात तयार केला. अधिस्वीकृतीमुळे त्यावर शिक्कामोर्तब झाले आहे, असे बारामती अॅगरिकल्चरल डेव्हलमेंट ट्रस्टचे अध्यक्ष राजेंद्र पवार यांनी म्हटले आहे. अधिस्वीकृतीसाठी गेल्या दोन वर्षांपासून महाविद्यालयाचे प्रयत्न सुरू होते. माजी केंद्रीय कृषिमंत्री व ट्रस्टचे अध्यक्ष शरद पवार व अध्यक्ष राजेंद्र पवार यांच्याकडून कृषी शिक्षण उपक्रमाचा सातत्याने आढावा घेतला जात होता. पदवी अभ्यासक्रमाबाबत आंतरराष्ट्रीय शिक्षण संस्थांशी करार कसे करावेत, याविषयी ‘रोल मॉडेल’ म्हणून बारामती महाविद्यालयाचे नाव केंद्रीय शिक्षण मंत्रालयाने पुढे केले आहे.

बारामतीमधील कृषी शिक्षण पद्धतीचे मूल्यांकन करण्यासाठी तीन महिन्यांपूर्वी एका विशेष समितीने अभ्यास केला होता. विविध देशांसोबत झालेले करार, देशातील पहिले भाजीपाला गुणवत्ता केंद्र, देशी गोवंश सुधारणा प्रकल्प, उतिसंवर्धन प्रयोगशाळा याबाबी नावीन्यपूर्ण असल्याचा अहवाल ‘आयसीएआर’ला सादर केला होता.

कृषी महाविद्यालयातील सुसज्ज मनुष्यबळ, प्रयोगशाळा, स्मार्ट क्लासरूम, वसतिगृह, क्रीडा, शैक्षणिक उपक्रमातील सुविधा यांचीही पाहणी या समितीने केली होती. विशेष म्हणजे राज्यातील एकाही खासगी महाविद्यालयाला अद्याप अधिस्वीकृती मिळालेली नाही.

बारामतीमधील कृषी शिक्षण राज्यात नव्हे, तर देशातही वैशिष्ट्यपूर्ण ठरणारे असावे यासाठी आम्ही गेल्या ११ वर्षांपासून दिवसरात्र मेहनत घेत आहोत. अधिस्वीकृती म्हणजे या मेहनतीचे फळ आहे. या वाटचालीत देशी-विदेशी संस्थांची मदत, राज्य व केंद्राची मदत घेतली गेली आहे. आम्ही दर्जा व गुणवत्तेसाबतच शेतकऱ्यांची समृद्धी आणि त्यांच्या मुलांच्या शैक्षणिक सुविधांना सतत प्राध्यान्य दिले आहे.
- प्राचार्य नीलेश नलावडे, मुख्य कार्यकारी अधिकारी, बारामती अॅग्रिकल्चरल डेव्हलमेंट ट्रस्ट


इतर अॅग्रो विशेष
खतांची दरवाढ नाहीपुणे : रासायनिक खतांच्या किमतींमध्ये कोणत्याही...
खरिपाचे गावनिहाय नियोजन ः कृषिमंत्रीकोल्हापूर ः खरिपाचे नियोजन गावातच करण्यासाठी...
केळीला विक्रमी १६०० रुपये दरजळगाव ः  खानदेशात चांगल्या दर्जाच्या केळीला...
राज्यात कृषिपंपधारकांकडून १,१६० कोटींचा...कोल्हापूर : कृषिपंप वीज धोरण योजनेअंतर्गत ११ लाख...
‘रोहयो’ शेततळ्यात प्लॅस्टिक...पुणे : रोजगार हमी योजनेतून शेततळे खोदण्यासाठी...
जोरदार पावसाची शक्यतापुणे : ढगाळ वातावरणामुळे उकाडा वाढला आहे. तसेच...
प्राधान्यक्रम एका बाबीला, निवड दुसऱ्याच... नगर : कृषी विभागाच्या राष्ट्रीय कृषी...
म्यानमारी शेतकऱ्याची जीवनदायिनी : इरावडीइरावडी ही म्यानमारमधील सर्वांत मोठी आणि देशातील...
फुलशेतीतून सुखाचा बहर जिद्द, चिकाटी, मेहनत, ज्ञान व व्यावसायिक...
तळलेले गरे, फणसाची फ्रोझन भाजी, फणसाचे...फणस हे कोकणातील महत्त्वाचे मात्र दुर्लक्षित पीक...
अवकाळीचा आजपासून अंदाजपुणे : दोन दिवसांपासून राज्यातील काही भागांत ढगाळ...
लातूर, अकोल्यात तुरीने ओलांडला सात...लातूर/अकोला ः राज्यात काही दिवसांपासून तूर, हरभरा...
गावरानपेक्षा ब्रॉयलर चिकनला अधिक दरनगर ः राज्यात पहिल्यांदाच गावरान कोंबडीपेक्षा...
पशू बाजार बंद; शेतकरी बैल खरेदीसाठी...जळगाव ः खानदेशात गेल्या काही दिवसांपासून पशुधनाचे...
‘इफ्को’कडून खतांच्या किमतीत वाढपुणे : आंतरराष्ट्रीय बाजारात कच्च्या मालाच्या...
खरीप, रब्बी पिकांसाठी पीककर्ज निश्चितीअमरावती : यंदाच्या खरीप व रब्बी हंगामासाठी...
बाजार समित्या टाकणार ‘कात’पुणे : पणन सुधारणांमुळे होणाऱ्या संपूर्ण...
ओल्या काजूगरासाठी प्रसिद्ध कुणकवणसिंधुदुर्ग जिल्ह्यातील कुणकवण (ता. देवगड) हे गाव...
‘बोअरवेल’ संकटाच्या खाईत नेणारी ः...पुणे : श्रीमंतीच्या हव्यासाने आपण जमिनीवरचे पाणी...
बीड जिल्हा बँकेवर अखेर पाच जणांचे...बीड : जिल्हा मध्यवर्ती सहकारी बँकेवर अखेर बुधवारी...