agriculture news in Marathi, action on defolder by state bank, Maharashtra | Page 2 ||| Agrowon

थकबाकीदार सूतगिरणीच्या संचालकांवर राज्य बँकेचा बडगा

टीम अॅग्रोवन
मंगळवार, 17 सप्टेंबर 2019

मुंबई: कोट्यवधींचे कर्ज थकवल्याप्रकरणी राज्य सहकारी शिखर बँकेने बुलडाणा जिल्ह्यातील काँग्रेस आमदार राहुल बोंद्रे चेअरमन असलेल्या ''श्री मुंगसाजी महाराज सहकारी सूतगिरणी''च्या १६ संचालकांना नोटीस बजावली आहे. या नोटिशीवर ठरावीक मुदतीत समाधानकारक उत्तर आले नाहीतर बँकेकडून संबंधितांविरुद्ध फौजदारी कारवाई केली जाणार आहे. 

मुंबई: कोट्यवधींचे कर्ज थकवल्याप्रकरणी राज्य सहकारी शिखर बँकेने बुलडाणा जिल्ह्यातील काँग्रेस आमदार राहुल बोंद्रे चेअरमन असलेल्या ''श्री मुंगसाजी महाराज सहकारी सूतगिरणी''च्या १६ संचालकांना नोटीस बजावली आहे. या नोटिशीवर ठरावीक मुदतीत समाधानकारक उत्तर आले नाहीतर बँकेकडून संबंधितांविरुद्ध फौजदारी कारवाई केली जाणार आहे. 

महाराष्ट्र राज्य सहकारी शिखर बँकेतील कथित घोटाळ्याप्रकरणी माजी उपमुख्यमंत्री अजित पवार, विजयसिंह मोहिते-पाटील, हसन मुश्रीफ, शिवसेनेचे माजी खासदार आनंदराव अडसूळ यांच्यासह ३१ जणांविरोधात फौजदारी गुन्हे दाखल करण्याचे आदेश मुंबई उच्च न्यायालयाने दिल्यानंतर राज्य सहकारी बँकेच्या प्रशासक मंडळाने इतर थकबाकीदारांविरुद्ध कायदेशीर कारवाईच्या हालचाली तीव्र केल्या आहेत.

राज्य सहकारी बँकेच्या तत्कालीन संचालक मंडळाने नाबार्डच्या सूचनांची पायमल्ली करून ९ साखर कारखान्यांना तब्बल ३३१ कोटी रुपयांचे बेकायदेशीर कर्ज वाटले. २४ कारखान्यांना २२५ कोटींचे विनातारण कर्जवाटप झाले असून सूतगिरण्यांकडे ६० कोटींचे कर्ज थकीत आहे. कर्जवसुलीसाठी मालमत्ता विक्री करूनही सुमारे ४७८ कोटींची थकबाकी आहे. त्यामुळे अशा थकबाकीदार साखर कारखाने, सूत गिरण्यांवर बँकेच्या प्रशासक मंडळाने सक्त कारवाईचा बडगा उगारला आहे. 

पहिल्या टप्प्यात बुलडाणा जिल्ह्याच्या चिखली मतदारसंघातील काँग्रेसचे आमदार राहुल बोंद्रे चेअरमन असलेल्या ''श्री मुंगसाजी महाराज सहकारी सूतगिरणी''च्या सर्व १६ संचालकांविरुद्ध शिखर बँकेने नोटीस बजावली आहे. या नोटिसीमध्ये सूतगिरणीने १९९२ मध्ये राज्य बँकेतून घेतलेले ४ कोटी ४० लाखांचे थकीत कर्ज आणि बुलडाणा जिल्हा सहकारी बँकेतून उचललेल्या ३ कोटी ७ लाख ५० हजार रुपयांच्या कर्ज वसुलीबाबत विचारणा केली आहे.

श्री मुंगसाजी महाराज सूतगिरणीची संपूर्ण मालमत्ता गहाण ठेवली असताना आमदार राहुल बोंद्रे यांच्यासह १६ संचालकांनी बुलडाणा जिल्हा सहकारी बँकेतून बेकायदेशीरपणे कर्ज लाटल्याचा त्यांच्यावर आरोप आहे. सूतगिरणीची गहाण मालमत्ता भीमाशंकर ऊर्फ आप्पा खाडे यांना भाड्याने देऊन संचालक मंडळाने कर्जमंजुरीवेळी राज्य बँक आणि जिल्हा बँकेसोबत झालेल्या त्रिपक्षीय करारातील अटी शर्तींचे उल्लंघन केल्याचा ठपकाही नोटिसीमध्ये ठेवण्यात आला आहे. ही नोटीस जारी झाल्यानंतर सूतगिरणीच्या संचालक मंडळाने बँकेचा विश्वासभंग केल्याप्रकरणी योग्य तो खुलासा करावा, अन्यथा सर्वांवर कडक फौजदारी कारवाई करण्याचा इशाराही राज्य बँकेने आपल्या नोटिसीतून दिला आहे. 

सूतगिरणीच्या संचालक मंडळाने बँकेशी संपर्क साधून मुदतीत खुलासा केला नाही तर त्यांच्याविरुद्ध भारतीय दंडसंहितेच्या कलम ४०६, ४१८, १२० ब आणि ३४ अंतर्गत फौजदारी गुन्हे दाखल केले जाणार असल्याची माहिती महाराष्ट्र राज्य सहकारी बँकेच्या वकील वर्षा पालव यांनी दिली. टप्प्याटप्प्याने इतरही थकबाकीदार साखर कारखाने आणि सूतगिरणीच्या संचालकांवर गुन्हे दाखल करण्याची प्रक्रिया सुरू केली असल्याचे त्यांनी सांगितले.


इतर अॅग्रो विशेष
राज्यात सर्वदूर हलका पाऊसपुणे ः राज्यातील बहुतांशी भागात हलका ते मध्यम...
सोयाबीनचे एकरी ५१.७७ क्विंटल उच्चांकी...जॉर्जिया येथील व्होलदोस्ता प्रांतामधील रॅंडी...
शेतकऱ्यांचे वनौषधी अनुदान पुन्हा रखडलेपुणे: राज्यात वनौषधी उत्पादन करणाऱ्या शेतकऱ्यांचे...
दुर्गम शेतकऱ्यांसाठी जलकुंडे ठरली वरदानठाणे जिल्ह्यातील मोखाडा तालुक्यातील दुर्गम...
बाजार समिती कर्मचाऱ्यांना शासन सेवेत...यावल, जि. जळगाव: केंद्राने ‘एक देश एक बाजार समिती...
‘एचटीबीटी’मुळे कपाशीतील आंतरपिके...पुणे : काळ्याबाजारातून आलेल्या तणनाशक सहनशील (...
केळी पिकात तयार केली ओळखमोहित्यांचे वडगाव (ता. कडेगाव,जि.सांगली) येथील...
बंदीची प्रक्रिया हवी  सुटसुटीत अन्...केंद्र सरकारने १८ मे रोजी २७ कीडनाशकांच्या बंदीचा...
कृषिसेवक भरतीतील गैरव्यवहारावर पांघरूण...पुणे : राज्यात २०१६ मध्ये झालेल्या कृषिसेवक भरती...
कोकण, विदर्भात मुसळधारेचा इशारा पुणे ः मध्य प्रदेश व परिसराच्या वायव्य भागात कमी...
संपूर्ण नियमनमुक्तीची अंमलबजावणी करापुणे:  सर्वच शेतमालाच्या संपूर्ण...
बाजार समिती कायद्यात बदल करण्याची मागणीपुणे: शेतमालाच्या संपूर्ण नियमनमुक्तीच्या...
भाजपच्या दूध आंदोलनापासून ‘संघर्ष समिती...नगर ः दुधाच्या दरासाठी सातत्याने आग्रही राहून...
मागण्या मान्य होईपर्यंत आंदोलन सुरु...मुंबई: दूध उत्पादकांच्या मागण्या मान्य होईपर्यंत...
बीटी कपाशी बियाणे अप्रमाणित ...अकोला ः या हंगामात बाजारपेठेत विक्रीसाठी आणलेल्या...
'नाबार्ड’चा व्यवस्थापक नसल्यास अग्रणी...पुणे: कृषी पायाभूत निधी योजनेला प्रत्येक...
देशातील जलसंपत्तीची माहिती आता एका...पुणे ः केंद्रीय जलशक्ती मंत्रालयाने देशभरातील...
भाजीपाला रोपांच्या मागणीत वाढकोल्हापूर: कोविडच्या संकटामुळे थांबलेल्या नव्या...
वऱ्हाडात जोरदार, मराठवाड्यात सर्वदूर...पुणे ः राज्यात पावसाने पुन्हा जोर धरण्यास सुरुवात...
`सीसीआय`कडून सहा कोटी क्विंटल कापूस...नागपूर : कॉटन असोसिएशन ऑफ इंडियाकडून (सीसीआय)...