agriculture news in marathi, Action on the headmasters if nutrition is found to be poor | Agrowon

पोषण आहार खराब आढळल्यास मुख्याध्यापकांवर कारवाई
टीम अॅग्रोवन
मंगळवार, 7 ऑगस्ट 2018

जळगाव : जिल्हा परिषद शाळांमध्ये पुरविण्यात येणाऱ्या पोषण आहारातील तांदूळ, डाळ आदी धान्य उतरविताना त्याची तपासणी करण्याची जबाबदारी मुख्याध्यापकांवर आहे. त्यामुळे स्वीकारलेले ध्यान्य खराब आढळून आल्यास त्यास मुख्याध्यापक जबाबदार राहतील. त्यासंबंधी कारवाईदेखील केली जाईल, अशा सूचना शिक्षण समितीच्या सभेत करण्यात आल्या.

जळगाव : जिल्हा परिषद शाळांमध्ये पुरविण्यात येणाऱ्या पोषण आहारातील तांदूळ, डाळ आदी धान्य उतरविताना त्याची तपासणी करण्याची जबाबदारी मुख्याध्यापकांवर आहे. त्यामुळे स्वीकारलेले ध्यान्य खराब आढळून आल्यास त्यास मुख्याध्यापक जबाबदार राहतील. त्यासंबंधी कारवाईदेखील केली जाईल, अशा सूचना शिक्षण समितीच्या सभेत करण्यात आल्या.

या सभेत सभापती पोपट भोळे, समिती सदस्य गजेंद्र सोनवणे, विजया पाटील, रवींद्र पाटील, प्रमिला पाटील, हरीश पाटील, शिक्षणाधिकारी बी. जे. पाटील उपस्थित होते. मुलांना योग्य आहार देण्यासाठी चांगले धान्य स्वीकारण्याच्या सूचना देण्यात आल्या. हे धान्य खराब, वजन तपासणीत कमी आढळले किंवा मुदत संपलेले धान्य असल्यास त्यास परत करावे, असेही सांगण्यात आले.

जीर्ण, धोकादायक शाळा निर्लेखित करण्याबाबत चर्चा झाली. त्यानंतर ५१ जिल्हा परिषद शाळांमधील २०६ खोल्यांचे निर्लेखन करण्याचे आदेश दिले आहेत. यामध्ये ३४ शाळा पूर्ण झाल्या असून, २७ शाळा बाकी आहेत, अशी माहिती अधिकाऱ्यांनी दिली. यावर ३६ शाळांचे १९० वर्ग तातडीने निर्लेखित करण्याच्या सूचना सभापती भोळे यांनी दिल्या.

ओपन जिमसाठी मागविले प्रस्ताव
क्रीडा विभागाकडून सहावी ते आठवीचे वर्ग भरणाऱ्या शाळांना मैदान, व्यायाम शाळा किंवा ओपन जिम उपलब्ध करून देण्यात येणार आहेत. ग्रामपंचायतींकडे तीन एकरपर्यंत जागा उपलब्ध असल्यास, त्या आपल्या गावातील संस्था, शाळांच्या माध्यमातून माध्यमिक शिक्षण विभागाकडे प्रस्ताव पाठवू शकतील. तसेच ज्या विद्यार्थिनी पाच किलोमीटर अंतरापर्यंत माध्यमिक शाळांमध्ये जातात. त्यांना मानव विकास मिशनअंतर्गत सायकलवाटप केले जाईल. संबंधितांनी प्रस्ताव सादर करण्याचे आवाहन या वेळी करण्यात आले.

प्राथमिक उपचारासाठी ११ लाखांची तरतूद
राष्ट्रीय बालस्वास्थ्य कार्यक्रमांतर्गत २०१३ ते जून २०१८ पर्यंत ० ते १८ वयोगटातील ३४३ मुलांवर हृदयविकाराच्या शस्त्रक्रिया करण्यात आल्या आहेत. तर ९३७ विद्यार्थ्यांवर इतर शस्त्रक्रिया करण्यात आलेल्या आहेत. शिवाय शाळेत मुलांना खेळताना काही जखमा झाल्यास प्राथमिक उपचारासाठी जिल्हा परिषदेच्या सर्व शाळांमध्ये प्राथमिक उपचार पेटी लावण्यात येणार आहे. याकरिता ११ लाखांची तरतूद असून, या संदर्भात नियोजनाची चर्चा सभेत करण्यात आली.
 

इतर ताज्या घडामोडी
लातूर, उस्मानाबाद, नांदेड, हिंगोली,...उस्मानाबाद : मराठवाड्यातील लातूर, उस्मानाबाद...
धुळे : कांदा दरप्रश्‍नी शेतकरी संघटनेचे...धुळे  ः कांद्याचे दर बऱ्यापैकी वाढल्याने...
शिराळा तालुक्यात भाताचे उत्पादन २०...सांगली : शिराळा पश्‍चिम भाग हा भातपिकाचे माहेरघर...
शेतकऱ्यांना दरवर्षी दहा हजार देणारच :...इस्लामपूर, जि. सांगली  : ‘‘ गेल्या पाच...
उत्पादन खर्चावर आधारित दर हवेत :...भारत हा शेतीप्रधान देश असे आपण म्हणत असतो. मात्र...
शेतकऱ्यांचा सातबारा कोरा करणारच : उध्दव...सोलापूर : ‘‘शिवसेना बोलते ते करते, आम्ही...
अकोला जिल्ह्यात शासनाच्या हमीभाव...अकोला ः शेतमालाला किमान आधारभूत किंमत मिळवून...
पीकविम्याबाबत असुरक्षिततेचीच भावना...केंद्र सरकारने मोठा गाजा-वाजा करीत जाहीर केलेल्या...
`चासकमान`मधील आवर्तन तब्बल ८९...चास, जि. पुणे  ः चासकमान (ता. खेड) धरणातून...
पाण्याची कार्यक्षमता वाढविण्यावर भर...आपला देश सध्या आर्थिक संकटातून जात आहे. हे संकट...
परभणीत सरासरीपेक्षा जास्त क्षेत्रावर...परभणी : जिल्ह्यातील यंदाच्या रब्बी हंगामातील...
पाच जिल्ह्यात पीकविमा योजनेत ४५ लाख ९०...लातूर : खरीप हंगाम २०१९ मध्ये लातूर,...
नांदेड : पावसात भिजल्यामुळे पिकांचे...नांदेड : गेल्या आठवड्यात नांदेड, परभणी, हिंगोली...
जळगावात कोबी १५०० ते २८०० रुपये...जळगाव : कृषी उत्पन्न बाजार समितीत मंगळवारी (...
नारळ बागेत आंतरपिके फायदेशीरसुरवातीच्या काळात नारळ बागेत भाजीपाला, केळी, अननस...
मेहकर तालुक्यात कृषी कर्मचाऱ्यांनी...अकोला ः मेहकर तालुक्यात यावर्षी समाधानकारक...
खामगावात टेक्सटाइल पार्क होणारच ः...बुलडाणा  ः तरुणांना रोजगार उपलब्ध करून...
खारपाण पट्ट्यात रब्बीत हजार हेक्टरवर...अकोला  ः जिल्ह्यात असलेल्या खारपाण पट्ट्यात...
जळगाव जिल्ह्यात हमीभाव खरेदी केंद्रांत...जळगाव  ः जिल्ह्यात शासकीय हमीभाव कडधान्य व...
वाघाच्या दहशतीखालील गावे टाकणार...वर्धा  ः कारंजा घाडगे तालुक्‍यातील अनेक...