Agriculture news in marathi Action if other mangoes are sold as hapus | Page 2 ||| Agrowon

हापूस म्हणून इतर आंबा विक्री केल्यास कारवाई 

टीम अॅग्रोवन
शनिवार, 17 एप्रिल 2021

मुंबई कृषी उत्पन्न बाजार समितीने परिपत्रक काढून परराज्यांतील आंबा हापूस म्हणून विक्री करता येणार नाही, असे जाहीर केले आहे.

सांगली ः कर्नाटक आणि इतर राज्यांतून येणारा आंबा हापूस म्हणून राजरोसपणे विक्री केला जात आहे. त्यामुळे मूळ हापूस उत्पादकांचे नुकसान होत असून, ग्राहकांची फसवणूक होत आहे. मुंबई कृषी उत्पन्न बाजार समितीने परिपत्रक काढून परराज्यांतील आंबा हापूस म्हणून विक्री करता येणार नाही, असे जाहीर केले आहे. हापूस म्हणून परराज्यांतील आंबा विक्री केल्याची तक्रार आल्यास कायदेशीर कारवाई केली जाईल, असा इशारा दिला आहे. मुंबईच्या धर्तीवर सांगली बाजार समितीच्या विष्णूअण्णा फळ मार्केटमध्येही याप्रमाणे अंमलबजावणी गरजेची आहे. 

फळांचा राजा असलेला आंबा बाजारात दाखल झाला आहे. रत्नागिरी, सिंधुदुर्ग, रायगड, ठाणे, पालघर या पाच जिल्ह्यांतील हापूस आंबा उत्पादकांनी भौगोलिक निर्देशांक (जीआय मानांकन) मिळवला आहे. त्यामुळे या पाच जिल्ह्यांतील हापूस आंबा उत्पादकांनाच हापूस हा शब्द वापरून आंबा विक्री करण्याचा अधिकार प्राप्त झाला आहे. परंतु प्रत्यक्षात बाजारातील चित्र पाहिले, तर कोणताही आंबा हापूस म्हणून विक्री केला जात आहे. हापूस आंबा उत्पादन होण्यापूर्वी देवगड हापूस अशी अक्षरे असलेले पुठ्ठ्याचे लाखो बॉक्‍स छापले आहेत. कर्नाटक आणि इतर राज्यांतील कमी प्रतीचा आंबा या बॉक्‍समध्ये टाकून राजरोसपणे हापूसच्या दराने विक्री केली जाते. गेल्या काही वर्षांपासून हे चित्र दिसून येते. परंतु संबंधितांवर कोणतीही कारवाई होत नाही. 

हापूस म्हणून कर्नाटक व इतर राज्यांतील आंबा विक्री होत असल्यामुळे मूळ हापूस उत्पादकांचे मोठे नुकसान होत आहे. तर ग्राहकांची देखील राजरोस फसवणूक होत आहे. मुंबई कृषी उत्पन्न बाजार समितीच्या सचिवांनी नुकतेच परिपत्रक काढले आहे. त्यानुसार तेथील बाजार समिती आवारातील गाळाधारक, अडते, व्यापारी आदींना ‘हापूस’ आंबा म्हणून इतर राज्यांतील आंबा विक्री करण्यापासून सावध राहण्याच्या सूचना दिल्या आहेत. ज्या राज्यातून आंबा येतो, त्या राज्यातील आंब्याच्या जातीच्या नावानेच विक्री करावी. हापूस म्हणून इतर राज्यांचा आंबा विक्री करून ग्राहकांची फसवणूक करू नये. याबाबत तक्रार आल्यास संबंधितांवर कृषी उत्पन्न पणन अधिनियमातील तरतुदीनुसार कायदेशीर कारवाई केली जाईल, असा इशारा दिला आहे. 

हंगाम सुरू होण्यापूर्वीच पोलिस अधीक्षक तथा सदस्य जिल्हा ग्राहक संरक्षण परिषद यांना निवेदन पाठवले आहे. देवगड व रत्नागिरी हापूस आंबा म्हणून कमी प्रतीचा आंबा विक्री करून उत्पादक शेतकरी व ग्राहकांची फसवणूक करणाऱ्यांवर कारवाईची मागणी केली आहे. परंतु अद्यापही कोणावर कारवाई केली जात नाही.' 
- डॉ. ज्ञानचंद्र पाटील, जिल्हा कार्यकारिणी अध्यक्ष, ग्राहक पंचायत 


इतर ताज्या घडामोडी
नाशिक जिल्ह्यात बाजार समित्यांमध्ये...नाशिक : पणन विभागाच्या परिपत्रकात सलग ३...
नाशिक : 'ऑक्सिजन एक्स्प्रेस'द्वारे २७....नाशिक : ‘‘जिल्ह्यातील प्राणवायूची तूट भरून...
सांगलीत केळीच्या क्षेत्रात घट होण्याची...सांगली ः जिल्ह्यात गेल्या दोन वर्षात झालेल्या...
रत्नागिरीत ३७ टन काजू बी तारणरत्नागिरी ः काजूचे बाजारातील दर घसरल्यानंतर...
आदिवासी विकास मंडळ करणार गव्हाची खरेदीयवतमाळ : आदिवासी विकास महामंडळाकडून राज्यात...
परभणीत सोयाबीनचे दीड हजार क्विंटल...परभणी ः परभणी तालुक्यात यंदा ११० हेक्टरवर उन्हाळी...
भुईमुगाचे वाण निकृष्ट, कंपन्यांवर...यवतमाळ : जिल्ह्यात भुईमुगाच्या शेंगा न धरण्याचे...
नगरमध्ये महावितरणच्या पायाभूत सुविधांचे...नगर : कृषिपंप वीज धोरण २०२०च्या अंमलबजावणीमुळे...
धान चुकाऱ्याअभावी शेतकऱ्यांची आर्थिक...गोंदिया : गेल्यावर्षी आधारभूत दराने धान विक्री...
सांगलीत खरिपासाठी हवे ३३ हजार ६९०...सांगली  : यंदाच्या खरीप हंगामाची तयारी कृषी...
औरंगाबादमध्ये खरबुजाला सरासरी १०००...औरंगाबाद : येथील कृषी उत्पन्न बाजार समितीमध्ये...
तुलनेत यंदा दुपटीने गाळपकोल्हापूर : गेल्या हंगामापेक्षा यंदाच्या हंगामात...
कृषी सल्ला : कापूस, भुईमूग, कांदा, फळ...जमिनीची खोल नांगरट करावी. त्यामुळे जमिनीत...
अस्वलाकडून होणाऱ्या नुकसानीमुळे शेतकरी...भंडारा : जंगलालगत असलेल्या शेतीत वन्यप्राण्यांचा...
अनिल देशमुख यांच्यावर गुन्हा दाखल, ‘...मुंबई : माजी गृहमंत्री अनिल देशमुख यांच्यावर...
अति उष्ण, ढगाळ हवामानआठवडा अखेरपर्यंत ते १००६ हेप्टापास्कल इतके राहतील...
पुणे-नाशिक सेमी हायस्पीड रेल्वेचे...पुणे ः बहुप्रतीक्षित पुणे-नाशिक सेमी हायस्पीड...
नाशिक : माथाडी युनियनकडून ‘काम बंद’नाशिक : राज्य शासनाच्या विविध माथाडी मंडळातील...
पुणे ‘जि.प.’तर्फे कर्मचाऱ्यांना मिळणार...पुणे ः ‘‘जिल्हा परिषदेच्या बक्षिस योजनेतून आता...
‘खरिपात सोयाबीनचे घरचेच बियाणे वापरा’सातारा : येत्या खरीप हंगामात  सोयाबीनचे...