नगर : मक्‍याला हमीभावापेक्षा कमी दर दिल्यास कारवाई

नगर ः रब्बी हंगामामध्ये शासनाच्या किमान आधारभूत किंमत योजनेंतर्गत मक्‍याचा हमीभाव जाहीर करण्यात आला आहे.  हमीभावापेक्षा कमी दराने मक्याचे व्यवहार होता कामा नयेत, याची दक्षता बाजार समितीने घेणे आवश्‍यक आहे, अन्यथा नियमांचे उल्लंघन करणाऱ्यांवर कारवाई करण्याचा इशारा जिल्हा प्रशासनाने बाजार समित्या व व्यापाऱ्यांना दिला आहे.   किमान आधारभूत किंमत योजनेअंतर्गत जाहीर केलेल्या धान्याचा दर्जा, किमतीबाबतचे फलक ठळक अक्षरात दर्शनी भागात लावण्यासाठी कृषी उत्पन्न बाजार समित्यांना सक्त सूचना देण्यात आल्या आहे. बाजार समित्यांनी त्याची काटेकोर अंमलबजावणी करावी. कृषी उत्पन्न बाजार समित्यांनी त्यांच्या कार्यक्षेत्रामध्ये खरेदीसाठी सर्व आवश्‍यक सुविधा पुरविणे बंधनकारक राहील,असे जिल्हा प्रशासनाने सांगितले आहे. हमीभावापेक्षा कमी दराने मक्याचे व्यवहार होता कामा नये, याची दक्षता बाजार समितीने घेणे आवश्‍यक आहे, अन्यथा नियमांचे उल्लंघन करणाऱ्यांवर कारवाई करण्याचा इशारा जिल्हा प्रशासनाने बाजार समित्या व व्यापाऱ्यांना दिला आहे.