agriculture news in marathi, activist arrested for security, nashik, maharashtra | Agrowon

शरद जोशीप्रणीत शेतकरी संघटनेच्या जिल्हाध्यक्षांसह कार्यकर्त्यांना ठेवले नजरकैदेत

टीम अॅग्रोवन
मंगळवार, 23 एप्रिल 2019

कांदा उत्पादकांचे मोठे नुकसान मागील चार-पाच वर्षे झाले. याचा निषेध आम्ही करीत आहोत. शेतकऱ्यांच्या समस्यांबाबत चर्चा व्हावी, म्हणूनच आम्ही मोदी यांच्या सभेवर बहिष्कार टाकण्याचे आवाहन शेतकऱ्यांना केले होते. पोलिसांनी आम्हाला नजरकैदेत ठेवून व्यक्तिस्वातंत्र्यावर गदा आणली आहे. 
- अर्जुनतात्या बोराडे, जिल्हाध्यक्ष, शरद जोशीप्रणीत शेतकरी संघटना, नाशिक

जळगाव   ः लोकसभा निवडणुकीसाठी नाशिक जिल्ह्यातील पिंपळगाव बसवंत येथे सोमवारी (ता.२२) आयोजिण्यात आलेल्या पंतप्रधान नरेंद्र मोदी यांच्या जाहीर सभेत आंदोलकांनी व्यत्यय आणू नये यासाठी शरद जोशी शेतकरीप्रणित शेतकरी संघटनेचे नाशिक जिल्हाध्यक्ष अर्जुनतात्या बोराडे व अन्य तीन ते चार कार्यकर्त्यांना एका द्राक्षाच्या मळ्यात निफाड पोलिसांनी सकाळीच नजरकैदेत ठेवले. 

बोराडे यांनी मोदी यांच्या सभेवर बहिष्कार टाकण्याचे आवाहन रविवारी (ता.२१) शेतकऱ्यांना केले होते. लागलीच रविवारी बोराडे यांच्याकडे निफाड पोलिस दाखल झाले. सोमवारी (ता.२२) आम्ही तुम्हाला ताब्यात घेऊ, असे बोराडे यांना पोलिसांनी सूचित केले. त्यानुसार सोमवारी सकाळीच एक पोलिस कर्मचारी बोराडे यांच्या थेरगाव (जि. नाशिक) येथील निवासस्थानी दाखल झाला.

अर्जुनतात्या बोराडे व कार्यकर्ते संतू पाटील, केदू पाटील बोराडे, शंकर पुरकर यांना घेऊन संतू पाटील यांच्या द्राक्षाच्या मळ्यात पोलिस दाखल झाले. या मळ्यात या सर्वांना सभा संपेपर्यंत नजरकैदेत ठेवण्यात आले; तसेच १२ ते १५ कार्यकर्त्यांना निफाड पोलिसांनी ताब्यात घेतले. सभेनंतर त्यांना सोडून देण्यात आले. 

अहिंसेच्या मार्गाने आंदोलन, निषेध करण्याचा अधिकारही सरकारने हिसकावून घेतला आहे. आमच्या कार्यकर्त्यांना ताब्यात घेण्याचा प्रकार हा लोकशाहीच्या तत्त्वांच्या विरोधातला आहे, असे संघटनेचे पदाधिकारी  शशिकांत भदाणे, कडूअप्पा पाटील यांनी सांगितले.

`अनुचित प्रकार घडू नये म्हणून प्रतिबंधात्मक कारवाई`
निफाड तालुक्यातील थेरगाव येथील शरद जोशीप्रणीत शेतकरी संघटनेचे नाशिक जिल्हाध्यक्ष अर्जुन बोराडे यांना त्यांच्या निवासस्थानी नजरकैदेत ठेवले होते.पंतप्रधान नरेंद्र मोदी यांच्या सभेदरम्यान कुठलाही अनुचित प्रकार घडू नये यासाठी ही प्रतिबंधात्मक कारवाई करण्यात आली. अनेक आंदोलनात श्री. बोराडे सहभागी असतात. त्यांच्याकडून किंवा संघटनेकडून आंदोलन करण्याबाबत पोलिस यंत्रणेला समजले असता त्यांना नजरकैदेत ठेवले. सभा संपल्यानंतर त्यांच्या घरून पोलिस कर्मचारी निघून आले, अशी माहिती पोलिस सूत्रांनी दिली.

 


इतर ताज्या घडामोडी
‘भरड धान्य खरेदी केंद्रांसाठी तातडीने...जळगाव  ः जिल्ह्यात रब्बी हंगामात फक्त मका...
तापमानात वाढ होण्यास सुरुवातमार्च महिन्याच्या सुरुवातीपासूनच महाराष्ट्रावरील...
तेलकट डाग रोग व्यवस्थापनाच्या सहा...तेलकट डाग रोग (बॅक्टेरियल ब्लाइट किंवा बीबीडी)...
‘जलयुक्त’च्या कामाची धारवाडी, चिचोंडीत...नगर : जलयुक्त शिवार अभियानातील तक्रारी असलेल्या...
अकोला जिल्हा परिषदेत ओबीसी सदस्यांवर...अकोला : इतर मागास प्रवर्गासाठी (ओबीसी) असलेल्या...
उत्तर सोलापुरात २३ गावांचे होणार...सोलापूर : ‘‘गावठाणातील जमिनींचे ड्रोनद्वारे...
सूक्ष्म अन्न प्रक्रिया उद्योगांना...औरंगाबाद : ‘‘असंघटित क्षेत्रातील सूक्ष्म अन्न...
खानदेशात जलसाठा मुबलक जळगाव : खानदेशात विविध प्रमुख सिंचन...
हरभरा दर सुधारल्याने नांदेडचे शेतकरी...नांदेड : ‘‘केंद्र शासनाच्या किमान हमी दरानुसार...
परभणी जिल्ह्यात तुती लागवडीसाठी ५८५...परभणी ः ‘‘महारेशीम अभियानांतर्गत रेशीम शेती...
साताऱ्यात ४३१ कुटुंबांच्या घराचे स्वप्न...कऱ्हाड : ग्रामविकास मंत्री हसन मुश्रीफ यांनी १००...
सामूहिक गट शेतीतील ऊस तोडणीस सुरुवात नाशिक : सटाणा तालुक्यातील शेवरे येथील द्वारकाधीस...
परभणी जिल्ह्यातील हरभऱ्याचा पीकविमा...परभणी ः लिमला (ता. पूर्णा) तसेच परिसरात यंदा...
ओबीसी आरक्षणाच्या संरक्षणासाठी शासनाची...मुंबई : राज्यातील धुळे, नंदुरबार, नागपूर, अकोला,...
खानदेशात १७ लाख टन ऊसगाळपजळगाव : खानदेशात ऊस गाळप हंगाम अंतिम टप्प्यात आहे...
लॉकडाउन काळात कृषी सेवा केंद्रांना...अमरावती ः लॉकडाउन काळात अत्यावश्यक सेवा म्हणून...
अकोल्यात शनिवार, रविवारी भाजीपाला...अकोला ः कोरोनाचा वाढता प्रादुर्भाव लक्षात...
सागंली जिल्ह्यातील पाणीसाठ्यात...सांगली : गेल्या वर्षी चांगले पाऊसमान झाल्याने...
तरंगणारे‌ ‌म्यानमारी‌ ‌टोमॅटो‌!‌ ‌भल्या मोठ्या तळ्यामध्ये पाणगवतांवर थोडीशी माती,...
निफाडच्या दोन शेतकऱ्यांची ७४ हजारांची...नाशिक : जिल्ह्यात द्राक्ष, कांदा या शेतीमालाबाबत...