साताऱ्यातील धरणांमध्ये समाधानकारक पाणीसाठा 

सातारा: सध्या जिल्ह्यात पावसाने दडी मारली असली तरी प्रमुख धरणांत समाधानकारक पाणीसाठा आहे. तारळी धरणाचा अपवाद वगळता कोयना, धोम, कण्हेर, उरमोडी, धोम-बलकवडी या प्रमुख पाच धरणांत गतवर्षीच्या तुलनेत १८.६७ टीएमसी अधिक पाणीसाठा आहे.  ‘निसर्ग’ चक्रीवादळामुळे पावसाने दमदार हजेरी लावली. जिल्ह्यातील धरणांमध्ये समाधानकारक पाणीसाठा आहे. तारळी धरणाचा अपवाद वगळता प्रमुख पाच धरणांत गतवर्षी याच कालावधीत ३४.६१ टीएमसी पाणीसाठा शिल्लक होता. यंदा ५३.२८ टीएमसी पाणीसाठा शिल्लक आहे. गतवर्षीच्या तुलनेत १८.६७ टीएमसी पाणीसाठा अधिक आहे. राज्याच्या वीजनिर्मितीच्या दृष्टीने महत्त्वपूर्ण असलेल्या कोयना धरणातील पाणीसाठ्याची स्थिती चांगली आहे. कोयना धरणात गतवर्षी एकूण २४.२० टीएमसी; तर यंदा ३५.६१ टीएमसी पाणीसाठा आहे. गतवर्षीच्या तुलनेत ११.४१ टीएमसी पाणीसाठा अधिक आहे. या धरणाच्या पाणलोट क्षेत्रात पाऊस सुरू असल्याने पाण्याची आवक होत आहे; तसेच धोम, धोम-बलकवडी व उरमोडी या धरणांत गतवर्षीच्या तुलनेत दुप्पट पाणी शिल्लक आहे. त्याचबरोबर कण्हेरमध्ये गतवर्षीपेक्षा अधिक पाणी शिल्लक असून, तारळी धरणात गतवर्षीच्या तुलनेत कमी पाणीसाठा आहे.   धरणांमधील तुलनात्मक पाणीसाठा (टीएमसी)