करमाळा, जि. सोलापूर : करमाळा तालुक्यातील आदिनाथ सहकारी साखर कारखान्याच्या मालकीची २०० एकर जमीन आणि कारखान्याच्या परिसरात लाखो मेट्रिक टन ऊस उपलब्ध असतानाही हा कारखाना भाडेतत्त्वावर चालवायला देण्याच्या हालचाली सुरू झाल्या आहेत.
आदिनाथ कारखाना तालुक्याची अस्मिता आहे. तालुक्याची अस्मिता भाड्याने देणे सभासद मान्य करतील का? हा प्रश्न आहे. संचालक मंडळाच्या १८ जुनच्या संचालक मंडळाच्या बैठकीत याबाबतचा ठराव घेण्यात आला आहे.
आदिनाथ साखर कारखाना आर्थिक अडचणीत आहे. कोणतीही बॅंक कारखान्यास कर्ज देण्यास तयार नाही. कारखान्याकडे राज्य सहकारी बॅंकेचे कर्ज थकीत आहे. याविषयी १८ जून रोजी झालेल्या संचालक मंडळाच्या बैठकीत चर्चा करण्यात आली. कारखाना सक्षम व्यक्ती किंवा कंपनीस भाडेतत्त्वावर चालविण्यास देण्याचा निर्णय यावेळी घेण्यात आला आहे.
कारखान्याचे उपाध्यक्ष रमेश कांबळे यांच्या हिवरवाडी येथील निवासस्थानी संचालक मंडळाची ही बैठक घेण्यात आली. कारखान्यांचे अध्यक्ष धनंजय डोंगरे बैठकीच्या अध्यक्षस्थानी होते. यावेळी बागल गटाच्या नेत्या व आदिनाथच्या संचालिका रश्मी बागल, मकाईचे अध्यक्ष दिग्विजय बागल, आदिनाथचे उपाध्यक्ष रमेश कांबळे, माजी अध्यक्ष संतोष पाटील, संचालक नानासाहेब लोकरे, डॉ. हरिदास केवारे, चंद्रहास निमगिरे, नितीन जगदाळे, बापुराव देशमुख, प्रकाश झिंजाडे, अविनाश वळेकर, अशिष गायकवाड, कार्यकारी संचालक अरूण बागनवर उपस्थित होते.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.