राज्यात बीएस्सी कृषीची प्रवेश प्रक्रिया अधांतरी

यंदा कोरोनामुळे बीएससी कृषी प्रवेश प्रक्रिया अधांतरी लटकली आहे. दरवर्षी सीईटीच्या माध्यमातून होणारे प्रवेश यंदा कसे केले जाणार, याबाबत अद्याप कुठलीही स्पष्टता नसल्याने सर्वच जण प्रश्न उपस्थित करीत आहेत.
agri education
agri education

अकोला ः यंदा कोरोनामुळे बीएससी कृषी प्रवेश प्रक्रिया अधांतरी लटकली आहे. दरवर्षी सीईटीच्या माध्यमातून होणारे प्रवेश यंदा कसे केले जाणार, याबाबत अद्याप कुठलीही स्पष्टता नसल्याने सर्वच जण प्रश्न उपस्थित करीत आहेत. दरवर्षी बारावीच्या निकालानंतर विविध अभ्यासक्रमांच्या प्रवेशासाठी प्रक्रिया राबविली जाते. कृषी पदवीसाठी सीईटीच्या माध्यमातून प्रवेश दिले जात होते. यंदा कोरोना संक्रमणामुळे सर्व अभ्यासक्रम व प्रवेश ठप्प पडलेले आहेत. बारावीचा निकाल नुकताच लागला असून कृषी पदवी अभ्यासक्रमास प्रवेश घेऊ इच्छिणाऱ्या पालकांकडून सातत्याने विद्यापीठ तसेच कृषी महाविद्यालयांमध्ये चौकशी सुरु झालेली आहे. राज्यात बीएसस्सी पदवीच्या १५ हजारावर जागा आहेत. बीएस्सी कृषी, उद्यानविद्या, वनविद्या, सामाजिक विज्ञान, बीटेक अन्न तंत्रज्ञान, कृषी अभियांत्रिकी, जैव तंत्रज्ञान, बीएफएस्सी मत्स्यशास्त्र अशा अभ्यासक्रमांना प्रवेश दिले जातात. यात प्रामुख्याने बीएस्सी कृषीच्या सुमारे ९९०० पेक्षा अधिक जागा आहेत. यात सुमारे साडेबारा हजार जागा या खाजगी महाविद्यालयांमध्ये भरल्या जातात. यंदा कोरोनामुळे सर्वच शैक्षणिक सत्र प्रभावित झालेले आहेत. याचा फटका आता बीएस्सीला प्रवेश घेऊ इच्छिणाऱ्यांनाही बसण्याची चिन्हे तयार झाली आहेत. यंदाचे प्रवेश सीईटीच्या माध्यमातून केले जातील की, आणखी दुसरी काही प्रक्रिया राबवली जाते, याबाबत स्पष्ट धोरण जाहीर झालेले नसल्याने प्रश्न वाढतच आहेत.

सीईटीबाबत अस्पष्टता नीट परीक्षा सप्टेंबरमध्ये होऊ घातली आहे. त्यानंतरच सीईटीबाबत धोरण ठरू शकेल अशी अपेक्षा महाविद्यालय संचालकांना वाटत आहे. सीईटी न झाल्यास जुन्याच पद्धतीने प्रवेश प्रक्रिया राबविली तर पुन्हा अडचणी येतील, असाही एक सूर व्यक्त होत आहे. सध्याची कोरोना संक्रमणाची स्थिती पाहता यंदा बीएस्सी प्रवेश प्रक्रिया दिवाळीपर्यंत पूर्ण होईल की नाही, याबाबत शंका घेतल्या जात आहेत.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com