agriculture news in Marathi, advance pattern of silk department waiting for permission, Maharashtra | Agrowon

रेशीम विभागाचा सुधारित आकृतीबंध मंजुरीच्या प्रतीक्षेत

टीम अॅग्रोवन
मंगळवार, 17 सप्टेंबर 2019

जालना: झपाट्याने वाढत असलेल्या रेशीम उद्योग व रेशीम विभागाकडे असलेली तोकडी यंत्रणा पाहता ८६७ पदांचा सुधारित आकृतीबंध प्रस्ताव रेशीम विभागाकडून शासनाकडे जवळपास वर्षभरापूर्वीच सादर करण्यात आला आहे. त्या सुधारित प्रस्तावाला मंजुरीची प्रतीक्षा आहे.  

जालना: झपाट्याने वाढत असलेल्या रेशीम उद्योग व रेशीम विभागाकडे असलेली तोकडी यंत्रणा पाहता ८६७ पदांचा सुधारित आकृतीबंध प्रस्ताव रेशीम विभागाकडून शासनाकडे जवळपास वर्षभरापूर्वीच सादर करण्यात आला आहे. त्या सुधारित प्रस्तावाला मंजुरीची प्रतीक्षा आहे.  

रेशीम दिनाच्या निमित्ताने नुकताच जालना येथे दोन दिवसीय रेशीम महोत्सव आयोजित करण्यात आला होता. या महोत्सवाच्या निमित्ताने रेशीम संचालनालयाच्यावतीने राज्यातील रेशीम उद्योगाच्या झपाट्याने होत असलेल्या विस्ताराची माहिती एका टिपणीद्वारे देण्यात आली. महा रेशीम अभियान २०१७ ते २०१९ ला राज्यात मोठा प्रतिसाद मिळाला. ४९८२ गावांतील १ लाख २२ हजार २३१ शेतकऱ्यांपर्यंत पोचत रेशीम विभागाने रेशीम उद्योगाची, योजनांची माहिती पोचविली.

३८ हजार ९२६ शेतकऱ्यांनी अभियानात  प्रत्यक्ष नोंदणी केली. महारेशीम अभियानांतर्गत २०१९ मध्ये १० हजार शेतकरी लक्षांक नोंदणीच्या तुलनेत १५ हजार ९४ शेतकऱ्यांनी तुतीसाठी तर ३६५  शेतकऱ्यांनी टसरसाठी नोंदणी केल्याने लक्षांक पूर्तीच्या पुढे जावून राज्यात काम झाले आहे. 

नोंदणी झालेल्या शेतकऱ्यांकडून तुती व टसरची लागवड सुरू असून सप्टेबर २०१९ पर्यंत ही लागवड सुरू राहणार आहे. रेशीम संचालनालयाची निर्मिती झाली त्या वेळी ३७९ पदांचा आकृतीबंध होता. परंतु, गेल्या अनेक वर्षांत रेशीम उद्योगामध्ये झालेली व होत असलेली मोठी वाढ पाहता २७ मार्च २०१८ रोजी ८६७ पदांचा सुधारित आकृतीबंध प्रस्ताव सादर करण्यात आला आहे. वाढत असलेला उद्योग पाहता या प्रस्तावाला मंजुरी मिळणे आवश्‍यक असल्याचे रेशीम संचालनालयाच्यावतीने टिपणीत नमूद केले आहे. 

रेशीम संचालनालय नागपूरअंतर्गत एकूण ३३ कार्यालये असून त्यापैकी ६ कार्यालयांमध्ये लिपिकवर्गीय कर्मचारी नाहीत. इकूण ३७९ पदे मंजूर असून त्यापैकी १३६ पदे रिक्‍त आहेत. त्यामधील ९२ पदे सरळ सेवेची रिक्‍त आहेत. ८९ पदे भरण्यासाठी शासनाला प्रस्ताव सादर करण्यात  आला असून त्यालाही मान्यता मिळणे अत्यंत आवश्‍यक असल्याचे रेशीम विभागाच्यावतीने स्पष्ट‌ करण्यात आले आहे. सर्व योजनांचा समावेश असलेली रेशीम शेती विकास योजना ही नवी योजना राज्य योजनेमधून प्रस्तावित करण्यात आल्याचे रेशीम विभागाने कळविले आहे.

शेतकऱ्यांना उद्योगासाठी कायम मजुरी द्या
रेशीम महोत्सवात राज्याचे वस्त्रोद्योग राज्यमंत्री अर्जुन खोतकर यांनी मनरेगांतर्गत रेशीम कोष उत्पादक शेतकऱ्यांना मिळणारी मजूरी तीन वर्षांपर्यंत न मिळता ती मजुरी जोवर शेतकरी रेशीम उद्योग करेल तोवर देण्याची अपेक्षा व्यक्‍त केली. त्यासाठी केंद्रीय राज्यमंत्री रावसाहेब पाटील दानवे यांनी केंद्रात पाठपुरावा करण्याचा आग्रह धरला. रेशीम उद्योगासाठी शेड उभारणी केल्यानंतर त्यासाठीच्या अनुदानापासून अजूनही वंचित असेलेल्या शेतकऱ्यांचा प्रश्न तातडीने मार्गी लावण्याची सूचना त्यांनी या वेळी वस्त्रोद्योग सचिव डॉ. के. एच. गोविंदराज यांना केली.


इतर अॅग्रो विशेष
नवी बाजार व्यवस्था नवी आव्हानेसध्यातरी बाजार समितीचा कर नाही म्हणून व्यापारी...
आकडे, आरोग्य अन् आयातखाद्यतेलावरील आयातशुल्कात वाढ करून आयातीवर...
पंतप्रधान किसान ट्रॅक्टर योजना... पुणे : ‘पंतप्रधान किसान ट्रॅक्टर योजना...
द्राक्ष पीककर्ज कर्जमाफीत बसेना आणि...नाशिक : द्राक्षासाठी घेतलेले पीककर्ज  ...
कर्जमाफीसाठी दीड हजार कोटीमुंबई: महात्मा जोतिराव फुले शेतकरी कर्जमुक्ती...
जैविक खतांचा वापर सक्तीचा होणार पुणे: युरिया विकत घेताना जैविक खते देखील विकत...
राज्यातील पंधरा जिल्हा बँकांना ...लातूर ः राज्यातील अनेक जिल्हा मध्यवर्ती सहकारी...
राज्यात पावसाची रिपरिप सुरुच पुणे ः कोकण व मध्य महाराष्ट्रात रिमझिम असून...
निकृष्ट बियाणेप्रकरणी ४० न्यायालयीन खटलेवाशीम ः यंदाच्या हंगामात निकृष्ट बियाण्यामुळे...
चांदोली धरणग्रस्त विस्थापीतांनी केली २५...मांगले, जि. सांगली ः  चांदोली धरणग्रस्तामधील...
लोकसहभागातून शेती अन् ग्रामविकासाला...उंबरीवाडी (ता.जावली,जि.सातारा) हे लहानसे गाव....
जलसंधारण मोहिमेतून पाणी टंचाईवर मातआजही माण, खटाव हे  दुष्काळी तालुका म्हणून...
पावसाचा जोर कायम राहणार पुणे: गुजरातच्या दक्षिण भागात चक्राकार...
कृषी अधीक्षक, उपसंचालकांच्या बदल्यापुणे : कोविड १९ रोगाच्या पार्श्वभूमीवर कार्यरत...
मका विक्रीचे चुकारे ४० दिवसांनंतरही थकितजळगाव ः जिल्ह्यातील सुमारे साडेतीन हजार मका...
कोकणात मुसळधारेचा अंदाजपुणे ः  उत्तर प्रदेशचा नैऋत्य भाग ते...
राज्यात सर्वदूर हलका पाऊसपुणे ः राज्यातील बहुतांशी भागात हलका ते मध्यम...
सोयाबीनचे एकरी ५१.७७ क्विंटल उच्चांकी...जॉर्जिया येथील व्होलदोस्ता प्रांतामधील रॅंडी...
शेतकऱ्यांचे वनौषधी अनुदान पुन्हा रखडलेपुणे: राज्यात वनौषधी उत्पादन करणाऱ्या शेतकऱ्यांचे...
दुर्गम शेतकऱ्यांसाठी जलकुंडे ठरली वरदानठाणे जिल्ह्यातील मोखाडा तालुक्यातील दुर्गम...