Agriculture news in marathi Affected farmers should cooperate for the survey: Totawar | Agrowon

नुकसानग्रस्त शेतकऱ्यांनी सर्वेक्षणासाठी सहकार्य करावे : तोटावार

टीम अॅग्रोवन
शुक्रवार, 22 ऑक्टोबर 2021

वाशीम : जिल्ह्यात २६ व २७ सप्टेंबर आणि २ व १७ ऑक्टोबर रोजी झालेल्या पावसामुळे सोयाबीन पिकाचे नुकसान झाले. २५ टक्क्यांपेक्षा जास्त नुकसान झालेल्या क्षेत्राचे २५ ते ३० टक्के रॅन्‍डम पद्धतीने सर्वेक्षण करण्याच्या सूचना आहेत.

वाशीम : जिल्ह्यात २६ व २७ सप्टेंबर आणि २ व १७ ऑक्टोबर रोजी झालेल्या पावसामुळे सोयाबीन पिकाचे नुकसान झाले. २५ टक्क्यांपेक्षा जास्त नुकसान झालेल्या क्षेत्राचे २५ ते ३० टक्के रॅन्‍डम पद्धतीने सर्वेक्षण करण्याच्या सूचना आहेत. त्यामुळे गावस्तरावर पीक नुकसानीच्या सर्वेक्षणाचे काम चालू आहे. त्यामुळे प्रत्येक शेतकऱ्यांच्या शेतावर जाऊन सर्वेक्षण करून पंचनामे करण्याची आवश्यकता नाही. शेतकऱ्यांनी पीक नुकसानीच्या पंचनाम्यासाठी कृषी सहायकांच्या संपर्कात राहून रॅन्डम सर्वेक्षणासाठी सहकार्य करावे, असे आवाहन जिल्हा अधिक्षक कृषी अधिकारी शंकर तोटावार यांनी केले.

तालुका कृषी अधिकारी व तालुका विमा प्रतिनिधी हे रॅन्डम पद्धतीने गावे व शेतकऱ्यांची नावे निश्‍चित करून पंचनाम्याची कामे करीत आहेत. काही शेतकऱ्यांचा पीक विम्याबाबत नुकसानीची पूर्वसूचना देऊनही पंचनामा झालेला नाही, असा गैरसमज निर्माण होण्याची शक्यता नाकारता येत नाही. जिल्ह्यात सोयाबीन पिकाचा एक लाख ४०  हजार ६५० शेतकऱ्यांनी एक लाख ५३ हजार १०२ हेक्टर क्षेत्राचा विमा संरक्षित केला. १५ ऑक्टोबरअखेर ९८ हजार १९७ शेतकऱ्यांनी सोयाबीन पिकाचे काढणीपश्‍चात नुकसान झाल्याचे विमा कंपनीस पूर्वसूचना दिल्या आहेत. सोयाबीनचे क्षेत्र तीन लाख हेक्टर आहे. १५ ऑक्टोबरअखेर २५ टक्क्यांपेक्षा जास्त म्हणजे एक लाख ६ हजार ३६२ हेक्टर क्षेत्राचे नुकसान झाल्याचे कळविले आहे.

१७ ऑक्टोबरच्या पावसामुळे सोयाबीन पिकाचे नुकसान झाले. त्यामुळे काढणीपश्‍चात नुकसानीची पूर्वसूचना कंपनीस ७२ तासांच्या आत कळवावी. यापूर्वी उभ्या पिकाचे नुकसान झालेल्या शेतकऱ्यांनी कंपनीस पूर्वसूचना दिली असेल, या पावसामुळे कापणीपश्‍चात पिकाचे नुकसान झाले असल्यास कंपनीकडे पुन्हा पूर्वसूचना द्यावी. काढणीपश्‍चात म्हणजेच कापणीनंतर एकदाच अर्ज करणे आवश्यक आहे.

पंतप्रधान पीकविमा योजनेचा आणि शासनाच्या नैसर्गिक आपत्तींबाबत झालेल्या सर्वेक्षणाचा काहीही संबंध नाही. पंतप्रधान पीक विमा योजनेअंतर्गत वैयक्तिक नुकसानीचा अर्ज दिला जातो. त्यामुळे या सर्वेक्षणाचा व अतिवृष्टीमुळे नुकसान झालेल्या पंचनाम्याचा काहीही संबंध येत नाही, अशी माहितीही तोटावार यांनी दिली.


इतर बातम्या
‘तहसील’चा वीजपुरवठा खंडित;  थकबाकी न...नंदुरबार ः वेळोवेळी तगादा लावून व अखेर थकबाकी...
हळदीचे दर स्थिर सांगली ः सध्या देशभरात देशात हळदीची ३७ लाख पोती...
ऊस पाचट वजावटीपोटी  २२५ कोटींवर डल्ला पुणे ः यंत्राने होणाऱ्या ऊसतोडीत पाचटाच्या...
उत्तर कोकण, उत्तर महाराष्ट्रात जोरदार...पुणे : अरबी समुद्रात तयार होत असलेल्या कमी दाब...
देशातील ७२ गावे होणार ‘व्हिलेज ऑफ एक्‍...नागपूर ः केंद्र सरकार, राज्य सरकार आणि इस्राईल...
राज्य, परराज्यातील मजुरांचा  कडवंची...जालना : जिल्ह्यातील द्राक्षाचे आगार म्हणून...
निसर्गाच्या साक्षीने रंगली गोष्ट एका...अकोला ः सातपुड्याच्या डोंगरदऱ्यांमध्ये वसलेल्या...
शेततळ्याच्या अनुदानासाठी नगरला सर्वाधिक...नगर ः नगर जिल्ह्यातील शेतकऱ्यांनी केलेल्या...
शिरूरमध्ये दोन हजार रोहित्रे बंद पुणे : वीजबिल थकल्याने महावितरण शिरूर उपविभागातील...
साडेपाच लाख टन सोयापेंड  आयातीसाठी...पुणे ः केंद्रीय पशुसंवर्धन मंत्री पुरुषोत्तम...
तुरीच्या पिकाकडून तूट भरून निघण्याची आशासाखरखेर्डा, जि. बुलडाणा ः यंदा या परिसरात तुरीचे...
जालन्यात विम्यासाठी ‘स्वाभिमानी’चे...जालना : मोसंबीचा विमा संरक्षण कालावधी १५ सप्टेंबर...
कृषिपंपांची वीजतोडणी मोहीम तत्काळ...हिंगणा, जि. नागपूर : महावितरण कंपनीने कृषिपंपाचे...
सरकारी अनुदान नसतानाही  यंदा साखर...पुणे ः भारतात उपलब्ध असलेला जादा ऊस लक्षात घेता...
मालेगाव बाजार समितीत बेकायदा अडत वसुली...नाशिक : मालेगाव कृषी उत्पन्न बाजार समितीत...
कृषिपंपांचा वीजपुरवठा तोडू नये, अन्यथा...कोल्हापूर : कृषिपंपाचे रात्रीचे १० तास...
नुकसानग्रस्त शेतकऱ्यांना भरीव मदत...जलालखेडा, जि. नागपूर : खरीप हंगाम सन २०२१-२२ ला...
सिंधुदुर्ग जिल्हा बँकेची निवडणूक अखेर...सिंधुदुर्गनगरी ः कोरोनाचा प्रादुर्भाव आणि...
कृषिपंपाचे तोडलेले वीजकनेक्शन पूर्ववतबुलडाणा ः शेतकऱ्यांच्या कृषिपंपाचे तोडलेले...
जळगाव जिल्ह्यातील ४९ हजार शेतकऱ्यांने...जळगाव : जळगाव जिल्ह्यात यावर्षी पंधरा तालुक्यातील...