agriculture news in marathi after 10 day search Maneater leopard is missing | Agrowon

दहा दिवस झाले; नरभक्षक बिबट्या सापडेना..

टीम अॅग्रोवन
मंगळवार, 15 डिसेंबर 2020

गेल्या दहा दिवसांपासून शोध मोहीम राबवूनही करमाळा तालुक्‍यात धुमाकूळ घालणाऱ्या बिबट्याला अद्यापही जेरबंद करण्यात किंवा ठार मारण्यास वन विभागाला यश आलेले नाही.

सोलापूर : गेल्या दहा दिवसांपासून शोध मोहीम राबवूनही करमाळा तालुक्‍यात धुमाकूळ घालणाऱ्या बिबट्याला अद्यापही जेरबंद करण्यात किंवा ठार मारण्यास वन विभागाला यश आलेले नाही. त्यामुळे करमाळ्यातील शेळगाव, चिखलठाण, वांगी, बिटरगाव आदी परिसरात शेतकऱ्यांमध्ये दहशतीचे वातावरण निर्माण झाले आहे. बिबट्याच्या भीतीने शेताला जाण्यास शेतकरी धजावत नाहीत, परिणामी, शेतीची कामे रेंगाळली आहेत. 

करमाळा तालुक्‍यात आतापर्यंत तिघांचे बळी या बिबट्याने घेतले आहेत. पालकमंत्री दत्तात्रय भरणे यांनीही दोन दिवसापूर्वी करमाळ्यात आपतग्रस्त शेतकऱ्यांची भेट घेऊन गावकऱ्यांना दिलासा दिला. तसेच दोन दिवसात बिबट्याचा बंदोबस्त करू, असे आश्‍वासन दिले. पण अद्यापही तो काही हाती लागत नसल्याचे चित्र आहे.

गेल्या आठवड्यात शेळगाव आणि चिखलठाण येथे बिबट्याने हल्ला केल्यानंतर आणि त्याचे वास्तव्य एका उसाच्या फडात असल्याचे समजल्यानंतर हा ऊस पेटवून शार्पशुटरने नेम धरला. पण तो त्यातूनही निसटला. त्यानंतर पुन्हा शुक्रवार (ता.११) तो बिटरगाव (वा) येथेही आढळल्यानंतर त्याच्यावर फायर करण्यात आले,मात्र बिबट्या पुन्हा एकदा चलाखीने पळून गेला.

सलग दहा दिवसापासून त्याचा शोध घेतला जातो आहे. तसेच त्याच्यावर नेम धरला जातो आहे. पण तो हाती काही लागत नाही. शनिवार (ता.१२) दिवसभर वनविभागाचे अधिकारी व कर्मचाऱ्यांनी बिटरगाव (वा), सांगवी नं.२ परिसरात तळ ठोकून पहारा दिला. पण तो तिथे सापडला नाही. सध्या बिबट्याचा मुक्काम भिवरवाडी, ढोकरी, वांगी परिसरात असल्याचे सांगण्यात येत आहे. 

बिबट्याच्या शोधासाठी अशी आहे यंत्रणा 
करमाळा तालुक्‍यात सध्या वनविभागाचे सुमारे २०० हून अधिक अधिकारी, कर्मचारी पहाऱ्यावर आहोत. तसेच बिबट्याला पकडण्यासाठी २१ पिंजरे, ३ ड्रोन कॅमेरे, ४२ ट्रप कॅमेरे, ५ शार्पशुटर, बेशुद्ध करणारी २ पथके, १ श्‍वान पथक व १६ वन विभागाची पथके, राज्य राखीव दलाची एक तुकडी आणि ग्रामस्थ बिबट्याच्या शोधात आहेत. तरीही बिबट्या जेरबंद होत नाही किंवा त्याला ठार होऊ शकत नाही, याबाबत तर्कवितर्क लढवले जात आहेत.

शुक्रवारी फायर केलेल्या ठिकाणावरून पाचशे ते सहाशे फूट अंतरावर शेतकऱ्यांना सायंकाळी सहाच्या सुमारास ढोकरी, भिवरवाडी भागात बिबट्या दिसला, पण वनविभागाची यंत्रणा येईपर्यंत तो पसार झाला. अद्यापही तो सर्वांनाच गुंगारा देऊन निसटतो आहे. पण या सगळ्यात शेतकऱ्यांमध्ये मात्र भीतीचे आणि दहशतीचे वातावरण तयार झाले आहे.

शेतात उसाला पाणी देणे, ऊसतोड करणे यासारखी कामेही रखडली आहेत. अनेक भागात जनावरांना शेतात चारायला न्यायचे म्हटले तरी भीती बसली आहे. त्यामुळे लवकरात लवकर हे ऑपरेशन पूर्ण करण्याची मागणी होते आहे. 


इतर ताज्या घडामोडी
सोयाबीन पेंडची आयात शुल्काविना करावीनागपूर : भारतात सोयाबीन पेंडचे दर गगनाला...
दूधदरात पुन्हा दोन रुपयांची कपातनगर ः कोरोना संसर्ग वरचेवर वाढत असल्याने लॉकडाउन...
देशातील पहिले कृषी निर्यात मार्गदर्शन...पुणे ः राज्यातील शेतकरी व उदयोन्मुख...
उत्तर भारतातील कापूस लागवड पूर्णत्वाकडेजळगाव ः देशात उत्तर भारतातील कापूस लागवडीने वेग...
कृषी खात्यातील बदल्या लांबणीवरपुणे ः ऐन कोरोना कालावधीत बदल्यांचा घाट रचलेल्या...
खाद्यतेल दरात गतवर्षीपेक्षा ८० टक्के वाढनागपूर : शेंगदाण्याची निर्यात तसेच पाम तेलावरील...
पूर्व विदर्भात ४५ लाख क्विंटल धान खराब...गोंदिया : भात उत्पादक पूर्व विदर्भातील पाच...
पशुवैद्यक करणार घरपोच सेवा बंदनागपूर : पशुवैद्यकांना फ्रंटलाइन वर्कर्स व कोरोना...
सोयाबीन बियाणे निर्बंध मध्य प्रदेशकडून...पुणे ः परराज्यांत सोयाबीन बियाणे विक्रीवर निर्बंध...
‘महाबीज’चे सोयाबीन बियाणे दर ‘जैसे थे’अकोला : खरीप हंगामासाठी ‘महाबीज’ने सोयाबीन...
देशाच्या तुलनेत निम्मी साखर एकट्या...कोल्हापूर : देशाच्या साखरनिर्यात कोट्यापैकी जवळ...
‘गोकुळ’चा कल सत्तांतराकडेकोल्हापूर : अत्यंत चुरशीने झालेल्या कोल्हापूर...
‘सह्याद्री’च्या पर्वतरांगेमधून...नाशिक : सह्याद्रीच्या पर्वतरांगेत पश्‍चिम घाट...
राज्यात आंब्याचा हंगाम ऐन बहरातअकोल्यात बदाम आंबा ४००० ते ४५०० रुपये क्विंटल...
सोशल मीडियाद्वारे ६५ टन कलिंगड विक्रीपुणे : कोरोनामुळे सलग दुसऱ्या वर्षी एप्रिल...
मध्य प्रदेश सरकारकडून बियाणे विक्रीवर...पुणे ः सोयाबीन बीजोत्पादनात देशात सर्वात मोठा...
पशुखाद्य निर्मितीचा कच्चा माल दुपटीने...सांगली : पशुखाद्य तयार करण्यासाठी लागणाऱ्या...
दक्षिण भागात गारपिटीची शक्यतापुणे :  गेल्या काही दिवसांपासून उन्हाचा चटका...
परभणी जिल्ह्यात कडक निर्बंध लागूपरभणी ः  कोरोनाचा प्रसार रोखण्यासाठी...
परभणी जिल्ह्यात लघु तलावांत सरासरी १९...परभणी ः वाढते तापमान, बाष्पीभवनाचा वाढलेला वेग,...