agriculture news in marathi, agitation for crop insurance issue, mumbai, maharashtra | Agrowon

पीकविम्याचे पैसे पंधरा दिवसांत न दिल्यास तीव्र आंदोलन करू : उध्दव ठाकरे

टीम अॅग्रोवन
गुरुवार, 18 जुलै 2019

मुंबई  : कर्जमाफी दिलेल्या शेतकऱ्यांची नावे जिल्ह्यातील शिवसैनिकांनी बँकांकडून मागवून घ्यावीत. शेतकऱ्यांनी मते दिली असतील तर त्यांना न्याय देण्याचे काम केलेच पाहिजे. शेतकऱ्यांचे रखडवलेले पैसे त्यांना १५ दिवसांत परत द्या, अन्यथा आज शांत असलेला मोर्चा १५ दिवसांनंतर बोलायला लागेल, अशा शब्दांत शिवसेना पक्षप्रमुख उद्धव ठाकरे यांनी पीकविमा कंपन्या आणि बँकांना इशारा दिला. 

मुंबई  : कर्जमाफी दिलेल्या शेतकऱ्यांची नावे जिल्ह्यातील शिवसैनिकांनी बँकांकडून मागवून घ्यावीत. शेतकऱ्यांनी मते दिली असतील तर त्यांना न्याय देण्याचे काम केलेच पाहिजे. शेतकऱ्यांचे रखडवलेले पैसे त्यांना १५ दिवसांत परत द्या, अन्यथा आज शांत असलेला मोर्चा १५ दिवसांनंतर बोलायला लागेल, अशा शब्दांत शिवसेना पक्षप्रमुख उद्धव ठाकरे यांनी पीकविमा कंपन्या आणि बँकांना इशारा दिला. 

मुंबईतील बीकेसी परिसरातील ‘भारती अॅक्सा’ कंपनीच्या कार्यालयावर शिवसेनेने बुधवारी (ता. १७) मोर्चा काढला होता. या वेळी शिवसेना खासदार विनायक राऊत, अनिल देसाई, आमदार अनिल परब, शिवसेना सचिव आदेश बांदेकर तसेच मोठ्या संख्येने शिवसैनिक या मोर्चात सहभागी झाले होते. 

या वेळी श्री. ठाकरे म्हणाले, की मोठमोठे लोक चुना लावून देश सोडून गेले, माझा शेतकरी देह सोडून जातो. फसवाफसवी खूप झाली. १५ दिवसांत मला शेतकऱ्यांची कर्जमाफीची नावे बँकांच्या दरवाजावर दिसली पाहिजेत. शेतकऱ्यांना दिलेल्या कर्जमाफीचे पैसे अडकवून ठेवले असतील, तर १५ दिवसांत त्यांना परत द्या. हे मी हात जोडून सांगतो. शिवसैनिकांना आक्रमक व्हायला लावू नका. 

मुंबईत शेतकऱ्यांचा मुद्दा घेऊन करणार काय, असा अनेकांना प्रश्‍न पडला. शेतकऱ्यांसाठी काढलेल्या या मोर्चाला नौटंकी म्हणणारे नालायक आहेत, अशी टीका उद्धव ठाकरे यांनी विरोधकांवर केली. सरकारने कर्जमाफीचे पैसे बँकाना दिले तर ते पैसे गेले कुठे? पीकविमा कंपनी, बँकांचे अधिकारी आणि राज्य सरकारने एकत्र येऊन बैठक घ्यावी. जी अडचण असेल त्यांनी बैठकीत मांडावी मात्र शेतकऱ्यांची फसवणूक करू नये. हजारो कोटी रुपये पीकविमा कंपन्यांनी खाल्ले, पंतप्रधान पीकविमा योजना ही पीकविमा कंपन्यांसाठी आणली नाही, तर शेतकऱ्यांसाठी आणली आहे. केंद्र आणि राज्य सरकारला शेतकऱ्यांची जाणीव असेल तर पीक विमा कंपन्यांना का नाही, असा सवाल श्री. ठाकरे यांनी केला.

आजवर लाखों शेतकऱ्यांनी न्याय मिळत नाही म्हणून आत्महत्या केल्या आहेत. आम्ही माणुसकी मानणारी लोकं आहोत. सरकार कोणाचेही असले तरी माणुसकी ही महत्वाची आहे. शेतकऱ्याला जेव्हा चहूबाजूने संकट ग्रासते तेव्हा तो आत्महत्या करतो. दोन घास ज्याच्यामुळे येतात, तो शेतकरी उन्हापावसाचा विचार न करता राबत असतो. ही ऑफिसेस बघून ठेवा, कधी ना कधी यांच्यावर धडकण्याची वेळ येणार आहे, असेही त्यांनी शिवसैनिकांना बजावले. 


इतर ताज्या घडामोडी
सोयाबीन बियाणे निर्बंध मध्य प्रदेशकडून...पुणे ः परराज्यांत सोयाबीन बियाणे विक्रीवर निर्बंध...
‘महाबीज’चे सोयाबीन बियाणे दर ‘जैसे थे’अकोला : खरीप हंगामासाठी ‘महाबीज’ने सोयाबीन...
देशाच्या तुलनेत निम्मी साखर एकट्या...कोल्हापूर : देशाच्या साखरनिर्यात कोट्यापैकी जवळ...
‘गोकुळ’चा कल सत्तांतराकडेकोल्हापूर : अत्यंत चुरशीने झालेल्या कोल्हापूर...
‘सह्याद्री’च्या पर्वतरांगेमधून...नाशिक : सह्याद्रीच्या पर्वतरांगेत पश्‍चिम घाट...
राज्यात आंब्याचा हंगाम ऐन बहरातअकोल्यात बदाम आंबा ४००० ते ४५०० रुपये क्विंटल...
सोशल मीडियाद्वारे ६५ टन कलिंगड विक्रीपुणे : कोरोनामुळे सलग दुसऱ्या वर्षी एप्रिल...
मध्य प्रदेश सरकारकडून बियाणे विक्रीवर...पुणे ः सोयाबीन बीजोत्पादनात देशात सर्वात मोठा...
पशुखाद्य निर्मितीचा कच्चा माल दुपटीने...सांगली : पशुखाद्य तयार करण्यासाठी लागणाऱ्या...
दक्षिण भागात गारपिटीची शक्यतापुणे :  गेल्या काही दिवसांपासून उन्हाचा चटका...
परभणी जिल्ह्यात कडक निर्बंध लागूपरभणी ः  कोरोनाचा प्रसार रोखण्यासाठी...
परभणी जिल्ह्यात लघु तलावांत सरासरी १९...परभणी ः वाढते तापमान, बाष्पीभवनाचा वाढलेला वेग,...
नाशिक जिल्ह्यात बाजार समित्यांमध्ये...नाशिक : पणन विभागाच्या परिपत्रकात सलग ३...
नाशिक : 'ऑक्सिजन एक्स्प्रेस'द्वारे २७....नाशिक : ‘‘जिल्ह्यातील प्राणवायूची तूट भरून...
सांगलीत केळीच्या क्षेत्रात घट होण्याची...सांगली ः जिल्ह्यात गेल्या दोन वर्षात झालेल्या...
रत्नागिरीत ३७ टन काजू बी तारणरत्नागिरी ः काजूचे बाजारातील दर घसरल्यानंतर...
आदिवासी विकास मंडळ करणार गव्हाची खरेदीयवतमाळ : आदिवासी विकास महामंडळाकडून राज्यात...
परभणीत सोयाबीनचे दीड हजार क्विंटल...परभणी ः परभणी तालुक्यात यंदा ११० हेक्टरवर उन्हाळी...
भुईमुगाचे वाण निकृष्ट, कंपन्यांवर...यवतमाळ : जिल्ह्यात भुईमुगाच्या शेंगा न धरण्याचे...
नगरमध्ये महावितरणच्या पायाभूत सुविधांचे...नगर : कृषिपंप वीज धोरण २०२०च्या अंमलबजावणीमुळे...