agriculture news in Marathi, agitation for crop insurance, Maharashtra | Agrowon

पीक विम्यासाठी भजन-भोजन आंदोलन

टीम अॅग्रोवन
मंगळवार, 11 जून 2019

औरंगाबाद : पीक विमा परतावाप्रकरणी सातत्याने कृषी विभाग, विमा कंपनी कार्यालय व जिल्हा प्रशासनाकडे न्यायासाठी याचना करणाऱ्या औरंगाबाद जिल्ह्यातील शेतकऱ्यांनी अखेर सोमवारी (ता. १०) औरंगाबादच्या जिल्हा अधीक्षक कृषी अधिकारी कार्यालयाच्या प्रवेशद्वारात ठाण मांडले. पंतप्रधान नरेंद्र मोदी यांचे छायाचित्र समोर ठेवून भजन व त्याच ठिकाणी भोजन करत याप्रश्नी तोडगा काढण्याची मागणी शेतकऱ्यांनी केली. महाराष्ट्र नवनिर्माण सेना, शेतकरी कामगार पक्ष, जनक्रांती संघटना आदींच्या प्रतिनिधींनी आंदोलनात सहभाग नोंदविला. 

औरंगाबाद : पीक विमा परतावाप्रकरणी सातत्याने कृषी विभाग, विमा कंपनी कार्यालय व जिल्हा प्रशासनाकडे न्यायासाठी याचना करणाऱ्या औरंगाबाद जिल्ह्यातील शेतकऱ्यांनी अखेर सोमवारी (ता. १०) औरंगाबादच्या जिल्हा अधीक्षक कृषी अधिकारी कार्यालयाच्या प्रवेशद्वारात ठाण मांडले. पंतप्रधान नरेंद्र मोदी यांचे छायाचित्र समोर ठेवून भजन व त्याच ठिकाणी भोजन करत याप्रश्नी तोडगा काढण्याची मागणी शेतकऱ्यांनी केली. महाराष्ट्र नवनिर्माण सेना, शेतकरी कामगार पक्ष, जनक्रांती संघटना आदींच्या प्रतिनिधींनी आंदोलनात सहभाग नोंदविला. 

एकीकडे दुष्काळाच्या झळा बसत आहेत; तर दुसरीकडे विमा रक्कम मिळाली असती तर आधार झाला असता. मात्र तीही न मिळाल्याने शेतकरी चांगलेच संतप्त झाले आहेत. ऑनलाइन विमा भरण्याची सूचना, मात्र ज्यांनी तसा विमा भरला त्यांना परतावा नाही. उलट ज्यांनी ऑफलाइन विमा उतरविला त्यांना विमा मिळतो, हा काय प्रकार, असा प्रश्न शेतकऱ्यांनी उपस्थित केला.

विमा परताव्यासाठी विमा वितरण कंपनी कार्यालय, कृषी विभागाचे कार्यालय, जिल्हा, तालुका प्रशासनाचे उंबरठे झिजवूनही उपयोग झाला नसल्याचे शेतकऱ्यांचे म्हणणे आहे. विमा परताव्यात कंपन्यांची मनमानी सुरू असून, विमा उतरविण्याचा सल्ला देणाऱ्या कृषी विभागाचा त्यांच्यावर अंकुश नसल्याचे शेतकऱ्यांनी सांगितले. त्यामुळे विमाप्रश्नी शेतकऱ्यांनी सोमवारी जिल्हा अधीक्षक कृषी अधिकारी कार्यालयाच्या प्रवेशद्वारावरच भजन - भोजन आंदोलन सुरू केले. जोपर्यंत मागण्या मान्य होत नाहीत, तोपर्यंत भजन करण्याची भूमिका शेतकऱ्यांनी घेतली. त्यानंतर जिल्हा अधीक्षक कृषी अधिकारी डॉ. तुकाराम मोटे यांनी शेतकऱ्यांशी संवाद साधला. 

इफ्को टोकियो कंपनीचे प्रतिनिधीही त्यांच्यासोबत होते, परंतु विमा उतरविणाऱ्या सीएससी सेंटरच्या प्रमुखांनी चर्चेसाठी येणे का टाळले, यासह विमा परताव्यातील अनेक रंजक किस्से कागपत्रासह डॉ. मोटे व विमा कंपनीच्या प्रतिनिधींसमोर मांडत शेतकऱ्यांनी त्यांच्यावर प्रश्नांचा भडीमार केला. 

मनसेचे अण्णासाहेब जाधव, ‘अन्नदाता’चे अध्यक्ष जयाजीराव सूर्यवंशी, शेतकरी कामगार पक्षाचे भाई महेश गुजर आदींनी या आंदोलनाचे नेतृत्व केले. सायंकाळी ४.३० वाजेपर्यंत सुरू असलेल्या चर्चेत कोणताही तोडगा न निघाल्याने शेतकरी अधीक्षक कृषी अधिकाऱ्यांच्या कार्यालयासमोर ठाण मांडून होते. 


इतर अॅग्रो विशेष
पदवीच्या दुसऱ्या वर्षाच्या प्रवेश...पुणे ः कृषी व मत्स्य विद्याशाखेच्या पदवी...
दुर्गम भागातील गावकऱ्यांनी स्वतःच केला...जामली, जि. अमरावती ः चिखलदरा तालुक्‍यातील...
बारदान्याच्या ६५ कोटींची शेतकऱ्यांना...भंडारा: गेल्या खरीप व रब्बी हंगामात स्वतःचा...
ढगाळ वातावरणामुळे द्राक्ष उत्पादक...सांगली ः : मागील दोन दिवसांतील थंड वारे, ढगाळ...
ऊस तोडणीसाठी हार्वेस्टरला पसंती पुणे : मजूर टंचाईमुळे राज्यातील साखर...
‘ऑपरेशन ग्रीन’ डिसेंबरपर्यंत चालणार पुणे : ‘ऑपरेशन ग्रीन’अंतर्गत भाजीपालावर्गीय...
शासकीय केंद्रातं खरेदीत कापूस कटतीतून...जळगाव ः शासकीय कापूस खरेदीने शेतकऱ्यांना आधार...
गगनबावड्यात यंदा सर्वाधिक पाऊस पुणे ः देशात यंदा परतीचा मॉन्सून अधिक काळ...
ढगाळ वातावरणामुळे आंबा, काजू बागायतदार...सिंधुदुर्ग : जिल्ह्यात ढगाळ वातावरण निर्माण झाले...
आश्वासक रब्बीही ठरतोय आव्हानात्मकखरीप हंगामात झालेली अतिवृष्टी आणि लांबलेल्या...
खासगीकरणाचा वारू किती उधळणार?सरकारने उद्योगधंद्यात सामील असता कामा नये, अशी...
खानदेशात पपई दराचा पुन्हा तिढाजळगाव : खानदेशात पपईचे पीक बऱ्यापैकी काढणीवर आले...
आंदोलक शेतकऱ्यांचा दिल्लीत तळनवी दिल्ली  : दिल्ली पोलिसांनी परवानगी...
राज्यातील आठ जिल्ह्यांत बिबट्याची दहशतनगर : कोरोनामुळे, त्यानंतर पावसाने अडचणीत आलेल्या...
आई-वडिलांकडे दुर्लक्ष केल्यास ३० टक्के...नगर ः आई-वडिलांचा सांभाळ न करणाऱ्या जिल्हा परिषद...
कापूस गाठींच्या दरात सुधारणाजळगाव ः जगातील वस्त्रोद्योग ९५ ते ९७ टक्के...
सोयाबीनचे ३६ लाख क्विंटल बियाणे...पुणे : राज्यातील शेतकरी बाजारातून दहा लाख क्विंटल...
काही ठिकाणी हलक्या सरी पुणे : निवार चक्रिवादळ निवळत असताना जमिनीवरून...
सामाजिक दायीत्वातून जीवनात फुलले ‘...आत्महत्याग्रस्त शेतकऱ्यांच्या विधवा पत्नी आणि...
सोयाबीन दरात मंदीची शक्यता नाही पुणे ः केंद्र सरकारने गुरुवारी (ता.२७) कच्च्या...