agriculture news in marathi, agitation for debt recovery issue, nashik, maharashtra | Agrowon

`स्वाभिमानी`चे नाशिक जिल्हा बॅंकेसमोर ठिय्या आंदोलन

टीम अॅग्रोवन
मंगळवार, 16 जुलै 2019

नाशिक : जिल्हा बँक ही शेतकऱ्यांची बँक आहे. ती जगावी; मात्र आम्हालाही जगू द्यावे. जिल्हा बँकेवर ज्यांची सत्ता आहे, त्यांचेच राज्यात सरकार आहे. सहकारमंत्री, मुख्यमंत्र्यांकडे मदत मागावी, याबाबत जिल्हा बँकेच्या पदाधिकाऱ्यांनी सरकारकडे आमचा आक्रोश मांडावा अन् शेतकऱ्यांना मदत मिळवून द्यावी, अशी मागणी स्वाभिमानी शेतकरी संघटनेच्या पदाधिकाऱ्यांनी जिल्हा बँकेचे अध्यक्ष केदा आहेर यांच्याकडे केली. 

नाशिक : जिल्हा बँक ही शेतकऱ्यांची बँक आहे. ती जगावी; मात्र आम्हालाही जगू द्यावे. जिल्हा बँकेवर ज्यांची सत्ता आहे, त्यांचेच राज्यात सरकार आहे. सहकारमंत्री, मुख्यमंत्र्यांकडे मदत मागावी, याबाबत जिल्हा बँकेच्या पदाधिकाऱ्यांनी सरकारकडे आमचा आक्रोश मांडावा अन् शेतकऱ्यांना मदत मिळवून द्यावी, अशी मागणी स्वाभिमानी शेतकरी संघटनेच्या पदाधिकाऱ्यांनी जिल्हा बँकेचे अध्यक्ष केदा आहेर यांच्याकडे केली. 

जिल्हा बँकेकडून सुरू असलेले शेतीलिलाव आणि सक्तीची कर्जवसुली थांबवण्यासाठी जिल्हा बँकेसमोर सोमवारी (ता. १५) ठिय्या आंदोलन करण्यात आले. या वेळी ‘स्वाभिमानी’च्या कार्यकर्त्यांनी बॅंकेच्या जुना आग्रा रोडवरील कार्यालयाच्या मुख्य प्रवेशद्वारावर घोषणाबाजी केली. नंतर पोलिस प्रशासन व जिल्हा बँकेच्या पदाधिकऱ्यांनी मुख्य सभागृहात त्यांना म्हणणे मांडण्यासाठी पाचारण केले. या वेळी जिल्हा बँकेचे अध्यक्ष केदा आहेर, संचालक संदीप गुळवे, माजी आमदार व ज्येष्ठ संचालक शिरीष कोतवाल, मुख्य कार्यकारी अधिकारी सतीश खरे आदी उपस्थित होते. 

‘स्वाभिमानी’चे युवक प्रदेशाध्यक्ष हंसराज वडघुले म्हणाले, की आम्ही शेतकऱ्यांची बाजू मांडण्यासाठी आलो आहोत; विरोध करण्यासाठी नाही. आमच्या व्यथा मांडत आहोत. बँकेने सकारात्मक भूमिका घेऊन शेतकरी जगवावा आणि सक्तीची कर्जवसुली थांबवावी. आमच्या संघटनेने सातत्याने भूमिका मांडल्या, जिल्हा बँकेकडे आक्रोश केला. मात्र आजपर्यंत कोणीही दखल घेतली नाही. शासनाने दुष्काळग्रस्त मंडळे घोषित केली. तेथे कर्जवसुली थांबविण्यात आलेली नाही. सर्वसामान्य शेतकऱ्यांना जगवा व योग्य पद्धतीने वसुलीचे धोरण ठरवा, अशी मागणी बँकेच्या अध्यक्षांकडे केली. बँकेने न्यायालयाचा अवमान केल्याचा आरोप स्वाभिमानी शेतकरी संघटनेच्या पदाधिकाऱ्यांनी केला.

बँकेच्या वतीने मुख्य कार्यकारी अधिकाऱ्यांनी आंदोलनकर्त्यांसमोर बँकेची वस्तुस्थिती मांडली. माजी आमदार शिरीष कोतवाल यांनी मध्यस्थी करत सहकार टिकला तर शेतकरी टिकेल, आंदोलन करा मात्र बँकेला सहकार्य करा अशी विनंती केली. यावर जिल्हा बँकेचे अध्यक्ष केदा आहेर यांनी सर्व बाजू ऐकून घेत शासनाकडे पाठपुरावा करून मदत मिळवू देऊ अन शेतकऱ्यांना सहकार्य करू असे आश्वासन दिले. 

‘बँकेचे अधिकारी दादागिरी करतात’
शेतकऱ्यांना शासनाकडून कुठलीही मदत मिळत नाही. आमच्या शेतीमालाला भाव नाही. आम्ही पैसे भरणार आहोत; मात्र मुदत द्या, अशी विनंती शेतकऱ्यांनी केली. बँकेच्या कामकाजाबाबत आल्यानंतर काही अधिकारी दादागिरी करतात, अरेरावीची भाषा वापरतात, असा आरोप काही शेतकऱ्यांनी केला. ही दादागिरी खपवून घेतली जाणार नाही, असा इशारा ‘स्वाभिमानी’च्या कार्यकर्त्यांनी दिला. काही थकीत कर्जदारांनी कागदपत्रे सादर करून बँकेच्या पदाधिकाऱ्यांची कोंडी केली. या वेळी जिल्हाध्यक्ष सुधाकर मोगल, कुबेर जाधव, नाना बच्छाव, ‘प्रहार’चे विनोद पाटील आदी उपस्थित होते. 


इतर ताज्या घडामोडी
पुणे बाजार समितीत कांद्याची विक्रमी ३२५...पुणे ः नागरिकत्व सुधारणा कायदा, राष्ट्रीय नागरिक...
नियोजनात हिवरे बाजार देशाचे मॉडेल ः डॉ...नगर ः हिवरे बाजार हे दूरदृष्टी नियोजनाचे देशाचे...
वऱ्हाडात रब्बीत हरभऱ्याचे क्षेत्र...अकोला  ः यंदा वऱ्हाडात रब्बीची लागवड बुलडाणा...
राज्यात आर. आर. पाटील स्मार्ट ग्राम...मुंबई : ग्रामविकास विभागामार्फत राज्यात कै. आर....
हृदयविकारामुळे होणारे मृत्यू...मुंबई : हृदयाला रक्तपुरवठा कमी झाल्याच्या...
दूधदरवाढीसाठी ‘स्वाभिमानी’चे परभणीत...परभणी ः मराठवाड्यात शासकीय दूध योजनेअंतर्गंत...
सोलापुरात कांद्यासह सर्व व्यवहार ठप्पसोलापूर : केंद्र सरकारने आणलेल्या सीएए आणि एनआरसी...
चार प्रकल्पातून मराठवाड्यात पावणेतीन...औरंगाबाद : औरंगाबाद, जालना, परभणी, बीड,...
‘विठ्ठल’च्या कारभाराची स्वतंत्र चौकशी...पंढरपूर, जि. सोलापूर : विठ्ठल साखर कारखान्याच्या...
परभणीत फ्लॉवर ६०० ते १००० रुपये...परभणी : येथील पाथरी रस्त्यावरील फळे भाजीपाला...
आव्हानाला सामोरे जाण्यासाठी शेतकरी...हवामान बदलाच्या समस्येला सामोरे जाण्यासाठी शेतकरी...
खानदेशात कमाल तापमानात ९ अश सेल्सिअसने...जळगाव  : भर दुपारीही अंगात हुडहुडी भरविणारी...
फ्लॉवर रोपांना कंदच आले नाही;...नाशिक : ‘‘नाशिक शहराजवळील विविध गावांमध्ये...
'जलयुक्त शिवार' सामूहिक चळवळीतून...जळगाव : ‘महाराष्ट्र शासनाने सुरू केलेली...
वाशीममध्ये मूग, उडीद नुकसानग्रस्तांना...वाशीम  ः जिल्ह्यात या खरीप हंगामात नुकसान...
औरंगाबाद, जालना जिल्ह्यांत केंद्रांवरील...औरंगाबाद : बाजारात हमी दरापेक्षा कमी दराने तुरीची...
ग्रामीण भागात आरोग्यसेवा द्या : भगतसिंह...नाशिक : महाराष्ट्र आरोग्य विज्ञान...
रत्नागिरी दूध संघाकडून १ कोटी २० लाख...रत्नागिरी : जिल्ह्यातील दूध उत्पादक शेतकऱ्यांसाठी...
नांदेड, परभणी जिल्ह्यांतील चाळीस...नांदेड : महात्मा जोतिराव फुले शेतकरी कर्जमुक्ती...
सांगली, कोल्हापूरसाठी विशेष पॅकेज : डॉ...सांगली : ‘‘महापूराने सांगली, कोल्हापूर जिल्ह्याचे...