agriculture news in marathi, agitation of farmers for milk rate,buldhana, maharashtra | Agrowon

बुलडाण्यात दूध दरप्रश्नी आंदोलन पेटलेलेच

टीम अॅग्रोवन
बुधवार, 18 जुलै 2018

अकोला  ः दुधाला पाच रुपये दर वाढवून द्यावा किंवा अनुदान द्यावे, या मागणीसाठी स्वाभिमानी शेतकरी संघटनेने पुकारलेले दूध बंद अांदोलन दुसऱ्या दिवशीही (मंगळवारी) वऱ्हाडातील बुलडाणा जिल्ह्यात पेटलेले होते. मंगळवारी (ता. १७) सकाळपासून या जिल्ह्यात ठिकठिकाणी रस्त्यावर दूध अोतून देण्यात अाले. दुसरीकडे रविवारी (ता.१५) मध्यरात्रीनंतर दूध नेणाऱ्या वाहनाची तोडफोड करणाऱ्या स्वाभिमानी शेतकरी संघटनेच्या कार्यकर्त्यांविरुद्ध पोलिसांनी गुन्हे दाखल करीत धरपकड सुरू केली. काही कार्यकर्त्यांवर पोलिस प्रशासन करडी नजर ठेवून अाहे.

अकोला  ः दुधाला पाच रुपये दर वाढवून द्यावा किंवा अनुदान द्यावे, या मागणीसाठी स्वाभिमानी शेतकरी संघटनेने पुकारलेले दूध बंद अांदोलन दुसऱ्या दिवशीही (मंगळवारी) वऱ्हाडातील बुलडाणा जिल्ह्यात पेटलेले होते. मंगळवारी (ता. १७) सकाळपासून या जिल्ह्यात ठिकठिकाणी रस्त्यावर दूध अोतून देण्यात अाले. दुसरीकडे रविवारी (ता.१५) मध्यरात्रीनंतर दूध नेणाऱ्या वाहनाची तोडफोड करणाऱ्या स्वाभिमानी शेतकरी संघटनेच्या कार्यकर्त्यांविरुद्ध पोलिसांनी गुन्हे दाखल करीत धरपकड सुरू केली. काही कार्यकर्त्यांवर पोलिस प्रशासन करडी नजर ठेवून अाहे.

‘स्वाभिमानी’च्या अांदोलनाला सर्वाधिक प्रतिसाद रविकांत तुपकर यांच्या बुलडाणा जिल्ह्यातून मिळत अाहे. पहिल्याच दिवशी वाहनांची तोडफोड, रस्त्यावर दूध फेकणे, देवदेवतांना अभिषेक करणे असे अांदोलनाचे स्वरूप होते. वाशीम जिल्ह्यातील मालेगावमध्ये ट्रक पेटविण्याचा प्रकार घडला. मंगळवारी बुलडाणा जिल्ह्यात धाड, चिखली, बुलडाणा या ठिकाणी दूध पुरवठा बंद ठेवण्याचा प्रयत्न झाला.

धाडमध्ये ‘स्वाभिमानी’च्या कार्यकर्त्यांनी जळगाव जिल्ह्यातील अमर डेअरीसाठी दूध घेऊन जाणारे वाहन अडविले. त्यातील हजारो लिटर दूध रस्त्यावर अोतून दिले. बुलडाणा शहरात स्वाभिमानी शेतकरी संघटनेचे पश्चिम विदर्भ संघटक राणा चंद्रशेखर चंदन व त्यांच्या सहकाऱ्यांनी अांदोलन केले. शहरात रस्त्यावर दूध अोतले. शासनाने दूधाला पाच रुपये दर वाढवून द्यावा अशी घोषणाबाजी केली. पोलिसांना या अांदोलनाची कुणकुण लागताच घटनास्थळी पोचून सर्व कार्यकर्त्यांना स्थानबद्ध केले.

रविवारी मध्यरात्रीनंतर मोताळा तालुक्यातील वाघजाळ फाट्याजवळ दुधाचे टँकर अडवून ‘स्वाभिमानी’च्या कार्यकर्त्यांनी बुलडाणा जिल्ह्यात अांदोलनाचे  रणशिंग फुंकले होते. संतप्त कार्यकर्त्यांनी वाघजाळ फाट्यावर दुधाच्या टँकरच्या काचा फोडून काही पिशव्यातील दूध रस्त्यावर फेकले. याप्रकरणी ‘स्वाभिमानी’च्या १३ कार्यकर्त्यांवर बोराखेडी पोलिसांनी सोमवारी (ता.१६) रात्री गुन्हा दाखल केला.

रविवारी (ता.१५) रात्री १२ वाजेच्या सुमारास विकास डेअरीचे दूध घेऊन वाहन बुलडाण्याकडे जात होते. मोताळा-बुलडाणा मार्गावरील वाघजाळ फाट्यानजीक संतप्त कार्यकर्त्यांनी हे वाहन अडवून काचा फोडल्या. यात तीन ते चार हजार रुपयांचे नुकसान झाले. याप्रकरणी बोराखेडी पोलिस ठाण्याचे पोलिस कान्स्टेबल संतोष सुरडकर यांच्या तक्रारीवरून बोराखेडी पोलिसांनी स्वाभिमानी शेतकरी संघटनेचे मोताळा तालुकाध्यक्ष सय्यद वसीम, राणा चंद्रशेखर चंदन, प्रदीप शेळके, विजय बोराडे, शेख रफीक यांच्यासह सात ते आठ जणांविरुद्ध विविध कलमानुसार गुन्हा दाखल केला आहे.

स्वाभिमानी शेतकरी संघटनेने पुकारलेल्या दूध आंदोलनाअंतर्गत वाशीम जिल्ह्यात मालेगावमध्ये दुधाचा टँकर पेटविण्याचा प्रयत्न झाला होता. याप्रकरणी पोलिसांनी चार कार्यकर्त्यांवर जिवे मारण्याचा प्रयत्न केल्याचा गुन्हा दाखल केला आहे. मालेगाव येथील शेलू चौकात स्वाभिमानी शेतकरी संघटनेने पुकारलेल्या दूध आंदोलनाची सुरवात झाली होती. कार्यकर्त्यांनी दुधाचा टँकर पेटविण्याचा प्रयत्न केला असता मालेगाव पोलिसांनी चार कार्यकर्त्यांवर कलम ३०७ नुसार गुन्हे दाखल केले आहेत.   


इतर ताज्या घडामोडी
पुढील हंगामासाठी सोयाबीन बियाणे राखून...वाशीम : जिल्ह्यात ऑक्टोबर महिन्यात अवेळी पाऊस...
कांदा बियाण्याचे दर कडाडलेसातारा ः कांद्याचे दर आठ हजारापर्यंत पोचले आहे....
नगर जिल्ह्यात कांद्याच्या दरात घसरणनगर : आठ दिवसांपूर्वी वाढ झालेल्या कांद्याच्या...
हळद पीक लागवडीसाठी सहकार्य ः कुलगुरू डॉ...दापोली, जि. रत्नागिरी ः कोकणातील हवामान हळद...
केळीचे दर घसरल्याने शेतकरी अडचणीतनांदेड : चांगल्या पावसामुळे यंदा खरीप हंगाम बहरला...
शाहू कृषी महाविद्यालयाच्या...कोल्हापूर : सातव्या वेतन आयोगाच्या मागणीसाठी...
खर्चाच्या तुलनेत दिलेली मदत तोकडी ः...औरंगाबाद : महाआघाडी सरकारने राज्यातील अतिवृष्टी,...
परभणी कृषी विद्यापीठ कर्मचाऱ्यांचे...परभणी ः राज्यातील सर्व कृषी विद्यापीठातील अधिकारी...
पीक नुकसानप्रश्नी शेतकरी संघर्ष समितीचा...परभणी ः परतीच्या मॉन्सून पावसामुळे, धरणातील पाणी...
हापूस विक्री, निर्यातीला प्रोत्साहनपर...रत्नागिरी ः कोकणच्या हापूसला भौगोलिक मानांकन (...
तुरीवरील शेंग पोखरणाऱ्या अळीचे एकात्मिक...तुरीवरील शेंग पोखरणाऱ्या अळीची अन्य पर्यायी नावे...
सांगलीत गूळ सरासरी ३६३३ रुपये...सांगली : येथील बाजार समितीत मंगळवारी (ता. २७)...
गिरणा, हतनूरमधून मिळणार रब्बीसाठी...जळगाव ः जिल्ह्यासाठी महत्त्वाच्या असलेल्या गिरणा...
खानदेशात कांदा लागवडीवर परिणाम होणारजळगाव ः खानदेशात उन्हाळ किंवा रब्बी हंगामातील...
उत्पादन घटल्याने झेंडूच्‍या फुलांनी...नाशिक : दसरा सणाच्या पार्श्वभूमीवर झेंडू फुलांना...
महाबीजच्या सौर ऊर्जाचलित गोदामाचे...अकोला ः महाराष्ट्र राज्य बियाणे महामंडळाद्वारे...
बॅलन्सशीट डोळ्यांसमोर ठेवून दिवाळी...माळेगाव, जि. पुणे ः माळेगाव कारखाना प्रशासनाने...
कृषी अधिकाऱ्यांनी मुख्यालय सोडू नये ः...अमरावती : मोर्शी तालुक्‍यात जून ते ऑगस्ट या...
नांदेडमधील शेतकऱ्यांचा अतिवृष्टीने...नांदेड : जिल्ह्यात यंदा सप्टेंबर महिन्यात...
नगरमध्ये कापसाची व्यापाऱ्यांकडून अल्प...नगर ः कापसाला पाच हजार आठशे पन्नास रुपयांचा हमीदर...