agriculture news in marathi, agitation of farmers for milk rate,pune, maharashtra | Agrowon

पुणे जिल्ह्यात दूध दरप्रश्नी आंदोलनाचे दुसऱ्या दिवशीही पडसाद
टीम अॅग्रोवन
बुधवार, 18 जुलै 2018

पुणे  ः स्वाभिमानी शेतकरी संघटनेच्या वतीने सुरू असेलल्या दूध दरप्रश्नी आंदाेलनाचे मंगळवारी (ता. १७) दुसऱ्या दिवशीही जिल्ह्यात पडसाद उमटले. विविध ठिकाणी शेतकऱ्यांनी दूध आेतून, मोफत दूध वाटप करून तर आंघाेळी करून सरकारचा निषेध केला.  

डोर्लेवाडी (ता. बारामती) आणि परिसरातील विविध ठिकाणी शेतकऱ्यांनी दूध ओतून सरकारचा निषेध केला. काही शेतकऱ्यांनी मोफत दूध वाटून एक वेगळा आदर्श निर्माण केला आहे. सोमवारी (ता. १६) आंदोलनाला सुरवात झाल्यानंतर एकाही शेतकऱ्यांनी येथील दूध संकलन केंद्रावर दूध घातले नाही.

पुणे  ः स्वाभिमानी शेतकरी संघटनेच्या वतीने सुरू असेलल्या दूध दरप्रश्नी आंदाेलनाचे मंगळवारी (ता. १७) दुसऱ्या दिवशीही जिल्ह्यात पडसाद उमटले. विविध ठिकाणी शेतकऱ्यांनी दूध आेतून, मोफत दूध वाटप करून तर आंघाेळी करून सरकारचा निषेध केला.  

डोर्लेवाडी (ता. बारामती) आणि परिसरातील विविध ठिकाणी शेतकऱ्यांनी दूध ओतून सरकारचा निषेध केला. काही शेतकऱ्यांनी मोफत दूध वाटून एक वेगळा आदर्श निर्माण केला आहे. सोमवारी (ता. १६) आंदोलनाला सुरवात झाल्यानंतर एकाही शेतकऱ्यांनी येथील दूध संकलन केंद्रावर दूध घातले नाही.

राष्ट्रवादी काँग्रेसच्या वतीने आवाहन करण्यात आल्यानंतर शेतकऱ्यांनी येथील वंचित असणाऱ्या वैदुवस्ती येथे जाऊन शेकडो लिटर दुधाचे मोफत वाटप केले. या वेळी पंचायत समितीचे माजी सभापती अशोक नवले सरपंच बाळासाहेब सलवदे अविनाश काळकुटे, दत्ता नवले, गुलाबराब कालगावकर, संपत कालगावकर, गोट्या भोपळे, राजेंद्र लोणकर आदी उपस्थित होते.
शिरूरच्या पूर्व भागात दुसऱ्या दिवशीही आंदोलन सुरू हाेते.

न्हावरे येथील दूध उत्पादक शेतकऱ्यांनी एकमेकांना दुधाने आंघाेळी घातल्या. त्याचबरोबर पूर्व भागातील दूध उत्पादकांनी रास्ता राेकाे, माेफत दूध वाटप करून आंदोलन केले. इनामगाव येथील शेतकऱ्यांनी वांगदरी(श्रीगोंद्याकडे) जाणाऱ्या रस्त्यावर ठिय्या देत आंदोलन केले. पशुसंवर्धन मंत्री महादेव जानकर व कृषी राज्यमंत्री सदाभाऊ खोत हे शेतकऱ्यांच्या विरोधात सातत्याने भूमिका घेत असल्याबद्दल यांच्या निषेधाचा ठराव घेऊन त्यांना शिरूर तालुक्यात फिरू न देण्याचा इशारा दिला. या वेळी श्रीगोंदा साखऱ कारखान्याचे संचालक श्रीनिवास घाटगे, सोसायटीचे अध्यक्ष बाळासाहेब गांधले, संजय घाडगे, राजाराम मचाले, महेश घाडगे आदी मान्यवर उपस्थित होते.

वडगाव रासाई येथे जिल्हा परिषदेच्या कृषी व पशुसंवर्धन समितीच्या सभापती सुजाता अशोक पवार यांनी त्यांच्या गोठ्यातील सुमारे ३०० लिटर दूध गावातील सर्वसामान्य नागरिकांना वाटले. उंडवडी सुपे (ता. बारामती) येथे दूध उत्पादक शेतकऱ्यांनी दुधाने अंघोळ करून सरकारचे लक्ष वेधण्याचा प्रयत्न केला. दरम्यान, काही शेतकऱ्यांनी दूध डेअरीला न घालता पेढे व खवा करणे पसंत केले. काही शेतकऱ्यांनी दूध डेअरीला घातले.

सरकारने दुधाला दरवाढ देणे आवश्यक आहे. परंतु, ती दिली जात नसल्याने स्वाभिमानी शेतकरी संघटना रस्त्यावर उतरली आहे. मात्र, केवळ संघटना काम करत आहे म्हणून स्वस्थ बसून चालणार नाही. दुधाला दरवाढ मिळाल्यास सर्वच दूध उत्पादक शेतकऱ्यांचा फायदा होणार आहे. आजही काहीजण प्रकल्पांना दूध घालत आहेत.

संघटना आंदोलन करणार आहे हे जाहीर केल्यावर लगेच सरकारला पावले उचलावी लागली व ३ रुपयांची दरवाढ जाहीर करण्यात आली. दूध उत्पादक शेतकऱ्यांनी ही गोष्ट लक्षात घेणे गरजेचे असून दूध घालणे बंद करावे. अशा पद्धतीने नाक दाबल्याशिवाय सरकारचे तोंड उघडणार नाही, असे आवाहन स्वाभिमानी शेतकरी कृती समितीचे जिल्हाध्यक्ष सतीश काकडे यांनी दूध उत्पादक शेतकऱ्यांना केले.

इतर ताज्या घडामोडी
तुरुंगात गेलेल्यांनी विचारू नये, की...सोलापूर ः ‘‘मी घरच्यांना सांगून आलो आहे, आता...
मराठवाडा दुष्काळमुक्‍तीसाठी सरकारचे...औरंगाबाद : वॉटर ग्रिड, गोदावरीच्या तुटीच्या...
साताऱ्यातील धरणांमध्ये ९८ टक्‍क्‍यांवर...सातारा : जिल्ह्यातील प्रमुख धरणांच्या पाणलोट...
नियोजनशून्य कारभारामुळे ६० टक्केच निधी...मुंबई ः भाजप-शिवसेना युती सरकारची पाच वर्षांतील...
अकोल्यात उडीद प्रतिक्विंटल सरासरी ४६००...अकोला ः येथील कृषी उत्पन्न बाजार समितीत आवक...
खानदेशात मुगाचे दर स्थिर, उडदाच्या...जळगाव ः खानदेशातील प्रमुख बाजार समित्यांमध्ये...
नाशिकमध्ये कांद्याची आवक घटली; दरात वाढनाशिक : नाशिक कृषी उत्पन्न बाजार समितीमध्ये चालू...
औरंगाबादेत कोबी १००० ते १२०० रुपये...औरंगाबाद : येथील कृषी उत्पन्न बाजार समितीमध्ये...
परतीच्या मॉन्सूनसाठी अनुकूल वातावरणमहाराष्ट्राच्या उत्तरेकडील भागावर १००६...
मानधनवाढीसाठी आशा कर्मचाऱ्यांचे मूक...नाशिक : आशा व गटप्रवर्तकांचे मानधन तिप्पट...
अकोल्यात पावसाळी वातावरणामुळे मूग...अकोला  ः गेल्या १५ दिवसांपासून कुठे रिमझिम...
ग्रामसेवकांच्या माघारीने...पुणे : राज्य शासनाकडून ग्रामसेवक संघटनेच्या...
हिंगोलीत खरिपात केवळ अकरा टक्के पीक...हिंगोली ः हिंगोली जिल्ह्यातील सर्वच बॅंकांनी यंदा...
नरोटेवाडीतील कालव्यातून हिप्परगा...सोलापूर  : शिरापूर उपसा सिंचन योजनेमधून...
रेशीम अळ्यांचे शास्त्रोक्‍त संगोपन आवश्...जालना : ‘‘चॉकी रेअरिंग सेंटरमुळे शेतकऱ्यांना...
परभणीत ८४९ कोटी ५६ लाख रुपयांची...परभणी ः छत्रपती शिवाजी महाराज शेतकरी सन्मान...
‘कडकनाथ’प्रकरणी ‘स्वाभिमानी’ आक्रमकसातारा : कडकनाथ घोटाळ्याप्रकरणी तिघांना आरोपीऐवजी...
पुराचे पाणी दुष्काळी भागाला देणार ः...कऱ्हाड, जि. सातारा ः महापुरामुळे सांगली,...
मुख्यमंत्र्यांच्या ताफ्यात सोडल्या...सांगली ः कडकनाथ कोंबडी घोटाळा प्रकरणांची चौकशी...
शरद पवार आजपासून राज्याच्या दौऱ्यावरमुंबई ः लोकसभा निवडणुकीपासून सुरू असलेली पक्षाची...