agriculture news in marathi, agitation of farmers for milk rate,satara, maharashtra | Agrowon

सातारा जिल्ह्यात दूध दर आंदोलनास मोठा प्रतिसाद
टीम अॅग्रोवन
मंगळवार, 17 जुलै 2018

सातारा   ः स्वाभिमानी शेतकरी संघटनेने दुधाला पाच रुपये दरवाढ किंवा अनुदान मिळावे, या मागणीसाठी खासदार राजू शेट्टी यांच्या मार्गदर्शनाखाली सोमवारपासून (ता. १६) प्रारंभ केलेल्या दूध आंदोलनास जिल्ह्यात मोठ्या प्रमाणात प्रतिसाद मिळाला आहे.

सातारा   ः स्वाभिमानी शेतकरी संघटनेने दुधाला पाच रुपये दरवाढ किंवा अनुदान मिळावे, या मागणीसाठी खासदार राजू शेट्टी यांच्या मार्गदर्शनाखाली सोमवारपासून (ता. १६) प्रारंभ केलेल्या दूध आंदोलनास जिल्ह्यात मोठ्या प्रमाणात प्रतिसाद मिळाला आहे.

सोमवारी जिल्ह्यात अवघे एक लाख ४९ हजार लिटर दूध संकलन झाले आहे. कऱ्हाड येथील कृष्णाबाई मंदिरासमोर आणि ज्येष्ठ नेते यशवंतराव चव्हाण यांच्या समाधीस दुग्धाभिषेक करुन दूध दर आंदोलनास प्रारंभ करण्यात आला. दहिवडी येथे सातारा-पंढरपूर रस्त्यावर रास्ता रोको करीत रस्त्यावर दूध ओतण्यात आले. तसेच दुग्धविकास मंत्री महादेव जानकर यांच्या प्रतीकात्मक पुतळ्याचे दहन करण्यात आले.

शेतकऱ्यांना दूध दरवाढ मिळालीच पाहिजे, दुध आमच्या हक्काचे... नाही कुणाच्या बापाचे, शेतकऱ्यांना घामाचे दाम मिळालेच पाहिजे, पाकिस्तानातून साखर आयात करणाऱ्या सरकारचा धिक्कार असो, अशा अनेक घोषणा देत स्वाभिमानी शेतकरी संघटनेचे सातारा जिल्हाध्यक्ष सचिन नलवडे, अनिल घराळ आणि पदाधिकाऱ्यांनी सरकारच्या धोरणांचा निषेध केला. कऱ्हाड येथील कृष्णाबाई मंदिरासमोर आणि ज्येष्ठ नेते यशवंतराव चव्हाण यांच्या समाधिस्थळी दुग्धाभिषेक घालून आंदोलनास प्रारंभ करण्यात आला.

आंदोलनाच्या पार्श्वभूमीवर पोलिस उपाधिक्षक नवनाथ ढवळे यांच्या मार्गदर्शाखाली वरिष्ठ शहर पोलिस निरीक्षक सर्जेराव गायकवाड यांनी मोठा बंदोबस्त तैनात केला होता. स्वाभिमानी शेतकरी संघटनेच्यावतीने सोमवारी दूध आंदोलनासाठी आणलेले दूध राहिल्याने ते ओतुन वाया न घालवता त्याचे वाटप झोपडपट्टी परिसर आणि येथील बाल सुधारगृहात करण्यात आले.

दहिवडी येथे शेतकऱ्यांनी सातारा - पंढरपूर रस्त्यावर रास्ता रोको करीत दूध ओतून दिले. धामणी (ता. माण) येथे संतप्त शेतकऱ्यांनी हजारो लिटर दूध रस्त्यावर ओतून देत मंत्री महादेव जानकर यांच्या प्रतीकात्मक पुतळ्याचे दहन केले. या आंदोलनादरम्यान सातारा-पंढरपूर रस्त्यावरील वाहतूक काही काळ ठप्प झाली होती. त्यामुळे पंढरपूरकडे निघालेल्या पायी दिंड्यादेखील विस्कळित झाल्या होत्या.

जिल्ह्यात दोन्ही वेळचे मिळून २३ लाख ५८ हजार ४०० लिटर दूध संकलित होते. यामध्ये सकाळी १५ लाख ४९ हजार ८०० लिटर दूध संकलन होते. या आंदोलनामुळे सकाळी होणाऱ्या दूध संकलनापैकी अवघे एक लाख ४९ हजार ८०० लिटर म्हणजेच ११.७५ टक्के दूध संकलन झाले आहे. संकलनाच्या आकडेवारीवरून जिल्ह्यातील बहुतांशी दूध संकलन केंद्रे तसेच शेतकरी आंदोलनात सहभागी झाले असल्याचे दिसून येत आहे.

इतर ताज्या घडामोडी
आचारसंहितेच्या धास्तीने जिल्हा परिषदेत...पुणे : आगामी विधानसभा निवडणुकीच्या...
नगर जिल्ह्यात टंचाईग्रस्तांना ३८३...नगर  : पावसाची रोहिणी, मृग, आर्द्रा,...
मराठवाड्यात हलक्या पावसाची हजेरीऔरंगाबाद, नांदेड : मराठवाड्यातील ३०९ मंडळांमध्ये...
महाजनादेश यात्रेत सावधगिरी म्हणून...नाशिक : मुख्यमंत्री देवेंद्र फडणवीस यांनी...
साताऱ्यात यंदा ऊस हंगाम तीन महिनेच सातारा : अतिवृष्टीमुळे निर्माण झालेल्या पूर...
संयुक्त राष्ट्र विकास कार्यक्रम पथकाची...कोल्हापूर : महापुरामुळे झालेल्या नुकसानीची पाहणी...
सत्ताधाऱ्यांच्या चुकीच्या धोरणांने तरुण...बीड : सत्ताधाऱ्यांनी शेतकऱ्यांच्या हिताचा...
कृषी संजीवनी प्रकल्पात पाच हेक्टरपर्यंत...मुंबई : जागतिक बँकेच्या अर्थसाह्याने राबविण्यात...
बदल्यांचा धूमधडाका सुरूचपुणे : राज्यात खरीप हंगाम शेवटच्या टप्प्यात...
वानच्या पाण्यावर पहिला हक्क शेतकऱ्यांचाअकोला : शेती सिंचनासाठी निर्माण करण्यात आलेल्या...
विमा कंपनी कार्यालयात शेतकऱ्यांचा ठिय्यासोलापूर ः पीकविम्याच्या पैशाबाबत सातत्याने...
मक्यावरील लष्करी अळीच्या प्राथमिक...नागपूर : राज्यातील मका पिकावर आलेल्या अमेरिकन...
कृषी विद्यापीठांच्या संशोधन, विकासासाठी...मुंबई ः कृषी विद्यापीठाच्या संशोधन व विकासासाठी...
कोल्हापूर जिल्ह्यात पंधरा टक्के...कोल्हापूर : जिल्ह्यात सुमारे पंधरा टक्के...
कोकण, मध्य महाराष्ट्रात पावसाचा जोर...पुणे : बंगालच्या उपसागर आणि अरबी समुद्रात तयार...
जळगावात वांगी १५०० ते २८०० रुपये...जळगाव : कृषी उत्पन्न बाजार समितीत बुधवारी (ता.१८...
तुरुंगात गेलेल्यांनी विचारू नये, की...सोलापूर ः ‘‘मी घरच्यांना सांगून आलो आहे, आता...
मराठवाडा दुष्काळमुक्‍तीसाठी सरकारचे...औरंगाबाद : वॉटर ग्रिड, गोदावरीच्या तुटीच्या...
साताऱ्यातील धरणांमध्ये ९८ टक्‍क्‍यांवर...सातारा : जिल्ह्यातील प्रमुख धरणांच्या पाणलोट...
नियोजनशून्य कारभारामुळे ६० टक्केच निधी...मुंबई ः भाजप-शिवसेना युती सरकारची पाच वर्षांतील...