agriculture news in marathi, agitation of farmers,buldhana, maharashtra | Agrowon

शेतकरीप्रश्नी खामगावमध्ये तहसीलदारांना ‘घेराव’
टीम अॅग्रोवन
शनिवार, 16 जून 2018

बुलडाणा ः शेतकऱ्यांच्या प्रश्नांबाबत अधिकारी, कर्मचारी टाळाटाळ करीत असून, तातडीने प्रशासकीय यंत्रणा सुरळीत करावी, अशी मागणी स्वाभिमानी शेतकरी संघटनेने शुक्रवारी (ता.१५) प्रशासनाकडे केली. तत्पूर्वी याप्रश्नी तहसीलदारांना घेराव घालण्यात आला.

बुलडाणा ः शेतकऱ्यांच्या प्रश्नांबाबत अधिकारी, कर्मचारी टाळाटाळ करीत असून, तातडीने प्रशासकीय यंत्रणा सुरळीत करावी, अशी मागणी स्वाभिमानी शेतकरी संघटनेने शुक्रवारी (ता.१५) प्रशासनाकडे केली. तत्पूर्वी याप्रश्नी तहसीलदारांना घेराव घालण्यात आला.

संघटनेने दिलेल्या निवेदनात म्हटले अाहे की, तालुक्यातील प्रत्येक शासकीय कार्यालय हे महसूल विभागाशी संबंधित असतात. तहसील, कृषी, पणन व बँक हे विभाग शेतकऱ्यांना शासनाच्या अादेशाप्रमाणे कुठलीही माहिती व्यवस्थित देत नाहीत. सध्या पेरणीचे दिवस तोंडावर अालेले असताना शेतकरी बँकेत गेले असता, त्यांच्याकडे अनावश्यक कागदपत्रांची मागणी केली जाते. बँकांनी अाधी असलेली गावे बदलून दिल्याने जुन्या बँका कर्ज देत नाहीत. नवीन बँक कर्जाची फाइल घेण्यास बँक तयार नाहीत.

तालुक्यातील लाखनवाडा या गावात स्टेट बँकेने अाठ दिवसांपासून व्यवहार बंद केले अाहेत. शेतकऱ्यांना कर्जमाफीबाबत माहिती दिली जात नाही. पीकविमा नुकसानभरपाई चुकीची माहिती दिल्याने अत्यंत कमी मिळत अाहे. कृषी विभागात एकाच तारखेत दिलेल्या कांदाचाळीच्या फायलींपैकी काही फाइल्स गहाळ होतात; तर काही जिल्हा कार्यालयात पोचतात. २०१६ मध्ये सोयाबीन उत्पादकांना भाव फरक म्हणून दिलेली २०० रुपये प्रतिक्विंटलची रक्कम प्रशासनाकडे पडून अाहे. शासकीय तूर खरेदीत शेतकऱ्यांनी केलेल्या नोंदी व अाॅनलाइन नोंदी; तसेच मोजमाप झालेली क्रमवारी व धनादेश वाटपाच्या क्रमवारीत तफावत अाहे.

जिल्ह्यात दुष्काळ जाहीर झालेला असून, तालुक्यात दुष्काळी नियमाप्रमाणे एकही योजना राबविली जात नाही. त्यामुळे कामकाजात तातडीने सुधारणा केली जावी, अशी मागणी स्वाभिमानी शेतकरी संघटनेचे जिल्हाध्यक्ष कैलास फाटे, गिरधर देशमुख, मासूम शहा, श्रीकृष्ण काकडे अादींनी केली.

इतर ताज्या घडामोडी
रत्नागिरी जिल्ह्याला पावसाने झोडपलेरत्नागिरी ः मुसळधार पावसाने जिल्ह्याला चांगलेच...
गोसे खुर्दमधून होणार चार हजार हेक्‍टरवर...चंद्रपूर ः धानपट्ट्यात पावसाअभावी अस्वस्थता आहे....
नाशिक जिल्ह्यात धरणांच्या तपासणीसाठी...नाशिक : जिल्ह्यातील धरणांच्या सुरक्षितेतसाठी...
पेठ तालुक्यात जमिनीतून निघताहेत...नाशिक : पेठ तालुक्यातील निरगुडे गावात दोन...
जळगावात लाल कांद्याचे दर आणि आवक टिकूनजळगाव ः जिल्ह्यातील प्रमुख बाजार, उपबाजारांमध्ये...
नाशिकमध्ये हिरवी मिरची प्रतिक्विंटल...नाशिक ः नाशिक कृषी उत्पन्न बाजार समितीमध्ये चालू...
पुणे, नगर जिल्ह्यात पावसाअभावी चारा...पुणे  : पावसाळ्यात जनावरांसाठी चाऱ्याची अडचण...
`स्वाभिमानी`चे नाशिक जिल्हा बॅंकेसमोर...नाशिक : जिल्हा बँक ही शेतकऱ्यांची बँक आहे. ती...
आदित्य ठाकरेंच्या नेतृत्वाखाली...मुंबई   : युवा सेनाप्रमुख आदित्य ठाकरे...
नवती केळी दरात सुधारणाजळगाव  ः खानदेशात दर्जेदार नवती केळीच्या...
रत्नागिरीत भात लागवड अंतिम टप्प्यातरत्नागिरी   ः जिल्ह्यात उशिरा पण...
रत्नागिरी जिल्ह्यातील आठ हजार शेतकरी...रत्नागिरी : छत्रपती शिवाजी महाराज शेतकरी सन्मान...
नगर जिल्ह्यातील ४८२ गावांमध्ये...नगर  ः पावसाळ्याचा एक महिना उलटून गेला असला...
नाशिकमध्ये ७९१ कोटींच्या प्रारूप...नाशिक : पालकमंत्री गिरीश महाजन यांच्या...
दक्षिण महाराष्ट्रात देशी बेंदूर...कोल्हापूर : वर्षभर काबाडकष्ट करणाऱ्या...
सांडपाणी प्रक्रियेची ‘रीड बेड पद्धती’रीड बेड पद्धतीची सांडपाणी शुद्धीकरणाची...
‘शेतकरी सन्मान’साठी रत्नागिरीतील दीड...रत्नागिरी   : पंतप्रधान शेतकरी सन्मान...
वृक्ष संवर्धनासाठी नागरिक, कर्मचारी...परभणी ः वसंतराव नाईक मराठवाडा कृषी...
नांदेड जिल्ह्यात साडेपाच लाख हेक्टरवर...नांदेड ः नांदेड जिल्ह्यात यंदाच्या खरीप हंगामात...
...तर रासायनिक खते, कीटकनाशकांचे ...पुणे  ः  केंद्र सरकारच्या वतीने झिरो...