अकोल्यात सीसीआयच्या कार्यालयासमोर आंदोलन

अकोला ः कापूस, कांदा उत्पादकांच्या प्रश्‍नांकडे लक्ष वेधण्यासाठी शेतकरी संघटनेच्या पदाधिकाऱ्यांनी शुक्रवारी (ता. २२) ‘कांद्याच्या माळ गळा आणि मूठभर कापूस जाळा’ असा नारा देत आंदोलन केले. शेतकरी संघटनेच्या अकोला जिल्हा कार्यकारिणीच्या वतीने पदाधिकाऱ्यांनी आंदोलन केले.
Agitation in front of CCI office in Akola
Agitation in front of CCI office in Akola

अकोला ः कापूस, कांदा उत्पादकांच्या प्रश्‍नांकडे लक्ष वेधण्यासाठी शेतकरी संघटनेच्या पदाधिकाऱ्यांनी शुक्रवारी (ता. २२) ‘कांद्याच्या माळ गळा आणि मूठभर कापूस जाळा’ असा नारा देत आंदोलन केले. शेतकरी संघटनेच्या अकोला जिल्हा कार्यकारिणीच्या वतीने पदाधिकाऱ्यांनी आंदोलन केले.

शासनाने शेतकऱ्यांच्या कापूस व कांद्याची कोंडी फोडावी या मागणीसाठी हे आंदोलन छेडण्यात आले होते. सध्या सुरू असलेल्या लॉकडाऊनच्या घोषणेनंतर शेतकऱ्यांना अनेक प्रश्नांना सामोरे जाव लागत आहे. कापसाचे ढीग शेतकऱ्यांच्या घरात पडून आहेत. आगामी हंगाम तोंडावर आला आहे. व्यापारी या संधीचा फायदा घेऊन शेतकऱ्यांची लूट करीत आहेत. किमान आधारभूत किमतीवर शासनाची खरेदी चालू आहे पण त्याची गती अतिशय संथ आहे.

या गतीने शेतकऱ्यांचा कापूस खरेदी करून घेण्यास सहा ते आठ महिने लागणार आहेत. सरकारने खरेदी केंद्र वाढवून जलद गतीने कापूस खरेदी करावा. तसेच सीसीआयला लांब, मध्यम व आखूड धाग्याचा कापूस खरेदी करण्याचा आदेश द्यावा. जर सरकार कापूस खरेदी करू शकत नसेल तर भावांतर योजनेअंतर्गत शेतकऱ्यांच्या खात्यात पैसे जमा करावे. तसेच कांदा उत्पादक शेतकऱ्यांचा कांदा नाफेडमार्फत शासनाने दोन हजार रुपये किंटलने खरेदी करावा. या मागण्यांसाठी, कांदा व कापसाची कोंडी फोडण्यासाठी शेतकरी संघटनेच्या स्थानिक पदाधिकाऱ्यांनी शासनाच्या नियमांचे पालन करीत सीसीआयच्या अकोला कार्यालयासमोर कापूस जाळला.

यावेळी कांद्याच्या माळा गळ्यात घालून शेतकरी संघटनेचे धनजंय मिश्रा, विलास ताथोड, डॉ. निलेश पाटील व अविनाश नाकट हे सहभागी झाले होते. जिल्ह्यात तालुका पातळ्यांवरही आंदोलन झाले. तेल्हारा तालुक्यातील तळेगांव डवला येथे शेतकऱ्यांनी आंदोलन केले. विजय ताथोड यांच्या नेतृत्वात शिवहरी पाटील ताथोड, मनोहर पाटील ताथोड, गणेशराव डिगोळे, तोताराम पाटील ताथोड, अनंता ताथोड, राम ताथोड, विठ्ठल ताथोड आणि इतर शेतकरी सहभागी झाले होते.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com