agriculture news in marathi, agitation for maratha reservation, pune, maharashtra | Agrowon

मराठा आरक्षणासाठी आजपासून पुण्यात चक्री उपोषण

सकाळ वृत्तसेवा
सोमवार, 20 ऑगस्ट 2018

पुणे : मराठा आरक्षण आणि इतर प्रलंबित मागण्यांसाठी मराठा क्रांती मूक मोर्चा आणि सकल मराठा समाजातर्फे पुण्यात सोमवारपासून (ता. २०) बेमुदत चक्री उपोषण करण्यात येणार आहे. पुणे विभागीय आयुक्त कार्यालयासमोर (कौन्सिल हॉल) दररोज सकाळी दहा ते सायंकाळी सहा या वेळेत हे उपोषण होणार आहे. शांततेच्या मार्गाने आणि अहिंसक पद्धतीने हे आंदोलन करणार असल्याचे मोर्चाच्या समन्वयकांनी शनिवारी पत्रकार परिषदेत सांगितले.

पुणे : मराठा आरक्षण आणि इतर प्रलंबित मागण्यांसाठी मराठा क्रांती मूक मोर्चा आणि सकल मराठा समाजातर्फे पुण्यात सोमवारपासून (ता. २०) बेमुदत चक्री उपोषण करण्यात येणार आहे. पुणे विभागीय आयुक्त कार्यालयासमोर (कौन्सिल हॉल) दररोज सकाळी दहा ते सायंकाळी सहा या वेळेत हे उपोषण होणार आहे. शांततेच्या मार्गाने आणि अहिंसक पद्धतीने हे आंदोलन करणार असल्याचे मोर्चाच्या समन्वयकांनी शनिवारी पत्रकार परिषदेत सांगितले.

रस्त्यावर कोणतेही आंदोलन न करण्याचा निर्णय मोर्चाने घेतला होता. याचा एक भाग म्हणून जिल्हा व तालुकास्तरावर चक्री उपोषण करणार आहे. समन्वयकांची बैठक औरंगाबाद येथे झाली होती. त्यात हा निर्णय घेतल्याचे मोर्चाचे समन्वयक शांताराम कुंजीर यांनी सांगितले. यापुढील दिशा ठरविण्यासाठी राज्य समन्वय समितीची बैठक औरंगाबाद येथे होणार असल्याचेही त्यांनी सांगितले. या वेळी बाळासाहेब अमराळे, सचिन आडेकर, किशोर मोरे व अनिल पारगे उपस्थित होते.

कुंजीर म्हणाले, की मराठा आरक्षणासाठी आत्महत्या करणाऱ्या आंदोलकांच्या कुटुंबीयांना मदत आणि त्यांना सरकारी नोकरी मिळावी, अशा मागण्या आम्ही करीत आहोत. मुख्यमंत्र्यांनी प्रलंबित मागण्या पूर्ण करण्यासाठी कालावधी ठरवून, त्यासाठी पुढे काय करणार, हे लेखी आश्‍वासन द्यावे आणि त्याची अंमलबजावणी करावी.

नऊ ऑगस्टला झालेल्या ठिय्या आंदोलनादरम्यान जिल्हाधिकारी कार्यालयासमोर तोडफोडीची घटना असो वा शहरात ठिकठिकाणी झालेल्या घटनांमध्ये अनेक जणांवर गुन्हे दाखल केले होते. त्यातील काही जणांना जामीन मंजूर झाला असून, काहींना मिळायचा आहे. यात मराठा आंदोलकांवर दाखल झालेले गुन्हे मागे घ्यावेत. आंदोलनात बाह्यशक्तींनी धुडगूस घातला होता. त्यांच्यावर कारवाई करावी, अशी मागणी शांताराम कुंजीर यांनी केली आहे.

आगामी आंदोलनांसाठी खास आचारसंहिता तयार केली आहे. त्याचे फलक लावूनच आंदोलने केली जातील. ज्यांना शांततेने आंदोलन करायचे आहे, त्यांनीच यात सहभागी व्हावे, असे आवाहन समन्वयकांनी केले आहे.

जिल्हाधिकारी कार्यालयाच्या मालमत्तेचे ठिय्या आंदोलनादरम्यान नुकसान झाले. त्यामुळे तेथे काच बसवून दिली आहे. पौड रस्ता येथे अश्रुधुराच्या नळकांडीचा मार बसल्याने एक मुलगी जखमी झाली होती. तिलाही मदत देणार असल्याचे कुंजीर यांनी सांगितले.


इतर ताज्या घडामोडी
सांगली जिल्ह्यातील भाजीपाला पिके...सांगली ः सांगली जिल्ह्याची ओळख भाजीपाला...
सणासुदीत निष्काळजीपणा नको ः पंतप्रधान...नवी दिल्ली ः देशातील लॉकडाउन संपला तरी कोरोनाचा...
कांदा बियाण्यांचा काळाबाजार सुरूचनाशिक : मागील वर्षी उन्हाळ कांदा बीजोत्पादनावेळी...
लाचखोर तलाठ्यास कारावासवर्धा : सातबारावरील चूक दुरुस्तीसाठी पंधरा...
‘गोकूळ’ देणार दूध संस्‍थांना दरफरकापोटी...कोल्‍हापूर : कोल्‍हापूर जिल्‍हा सहकारी दूध...
केंद्राने महाराष्ट्राच्या हक्काचे ३०...मुंबई : कोरोना संकटामुळे महाराष्ट्रासमोर आर्थिक...
बिहारला मदत, मग महाराष्ट्राला का नाही?...मंगळवेढा, जि. सोलापूर : केंद्र शासनाने बिहारमध्ये...
शेतकऱ्यांशी सरकारला देणेघेणे नाही ः...करमाळा, जि. सोलापूर : मुख्यमंत्री उद्धव ठाकरे हे...
पिकांचे पंचनामे करून प्रस्ताव तातडीने...सोलापूर : नुकसानग्रस्त शेतकऱ्यांच्या जीवनाला...
सोलापूर जिल्ह्यातील तब्बल ७५ महसूल...सोलापूर :  जिल्ह्याला अतिवृष्टीचा मोठा...
सांगली जिल्ह्यात कृष्णाकाठावरील कृषिपंप...सांगली : जिल्ह्यात गेल्या आठवड्यात अतिवृष्टी झाली...
रत्नागिरीत भातशेतीवर अस्मानी संकटरत्नागिरी : ‘‘ऑक्टोबर महिन्यातील मुसळधार...
नाशिक जिल्ह्यात मका विक्रीत...येवला, जि. नाशिक : सध्या बाजार समित्यांसह खासगी...
नुकसानपातळी अधिक, केंद्रानेही मदत करावी...नाशिक : ‘‘परतीच्या पावसामुळे कापणी योग्य झालेली...
रिसोड तालुक्यात सोयाबीनची हेक्टरी अडीच...रिसोड, जि. वाशीम ः  सततच्या पावसाने सोयाबीन...
सातारा जिल्ह्याला पावसाने झोडपलेसातारा ः दोन दिवसाच्या विश्रांतीनंतर सोमवारी...
नुकसानग्रस्तांना अधिकाधिक लाभ द्या :...भंडारा : ‘‘अतिवृष्टी व अवेळी आलेल्या...
नगर जिल्ह्यात शेतकऱ्यांची डाळिंब...नगर : दुष्काळ आणि यंदा अतीवृष्टी, तेल्या आणि...
पुणे जिल्ह्यात काही ठिकाणी मुसळधारपुणे : जिल्ह्यात पावसाच्या कमी अधिक स्वरूपात पाऊस...
मराठवाड्यात पीकविमा, नुकसानभरपाई मान्य...नांदेड : ‘‘जिल्ह्यासह संपूर्ण मराठवाड्यात...