agriculture news in marathi, agitation for milk rate issue, satara, maharashtra | Agrowon

साताऱ्यात ‘स्वाभिमानी’चे पदाधिकारी पोलिसांच्या नजरकैदेत

टीम अॅग्रोवन
शुक्रवार, 20 जुलै 2018

सातारा : स्वाभिमानी शेतकरी संघटनेने दूध दरवाढीसाठी पुकारलेल्या चक्का जाम आंदोलनाच्या पार्श्वभूमीवर पोलिसांनी गुरुवारी (ता. १९) संघटनेच्या पदाधिकाऱ्यांची धरपकड सुरू केली आहे. मुख्य पदाधिकाऱ्यांनाच पोलिसांनी ताब्यात घेत नजरकैदेत ठेवले आहेत. बिजवडी येथे शेतकऱ्यांनी रस्त्यावर दूध ओतून शासनाचा निषेध केला. बळिराजा शेतकरी संघटनेनेही ‘स्वाभिमानी’च्या दूध दरप्रश्‍नी आंदोलनाला पाठिंबा दिला आहे.

सातारा : स्वाभिमानी शेतकरी संघटनेने दूध दरवाढीसाठी पुकारलेल्या चक्का जाम आंदोलनाच्या पार्श्वभूमीवर पोलिसांनी गुरुवारी (ता. १९) संघटनेच्या पदाधिकाऱ्यांची धरपकड सुरू केली आहे. मुख्य पदाधिकाऱ्यांनाच पोलिसांनी ताब्यात घेत नजरकैदेत ठेवले आहेत. बिजवडी येथे शेतकऱ्यांनी रस्त्यावर दूध ओतून शासनाचा निषेध केला. बळिराजा शेतकरी संघटनेनेही ‘स्वाभिमानी’च्या दूध दरप्रश्‍नी आंदोलनाला पाठिंबा दिला आहे.

स्वाभिमानी शेतकरी संघटनेने दूध दरप्रश्‍नी आंदोलनासाठी चांगली मोर्चेबांधणी केल्याने त्यास गावा-गावातून प्रतिसाद मिळू लागला आहे. अनेक ठिकाणी दूध दरासाठी आंदोलने झाली आहेत. त्यामुळे पोलिसांनी त्याचा चांगलाच धसका घेतला आहे. बुधवारी स्वाभिमानी शेतकरी संघटनेचे खासदार राजू शेट्टी यांनी जनावरे व लेकराबाळांसह महामार्गावर चक्का जाम आंदोलन करण्याचे जाहीर केले होते. त्याची दखल घेतल पोलिस प्रशासनाने आंदोलनाची तीव्रता वाढू नये यासाठी संघटनेच्या काही पदाधिकाऱ्यांना ताब्यात घेऊन नजरकैदेत ठेवले आहे.

दरम्यान बळिराजा शेतकरी संघटनेचे केंद्रीय अध्यक्ष पंजाबराव पाटील यांनीही या दूध दरप्रश्‍नी आंदोलनाला पाठिंबा दिला आहे. बिजवडी (ता. माण) येथे गुरुवारी (ता. १९) सकाळी नऊ वाजता दूध दरवाढ करावी, या मागणीबरोबरच खोटे गुन्हे दाखल करणाऱ्या पोलिस प्रशासनाच्या मुजोरीचा निषेध म्हणून शिवसेनेचे उपजिल्हाप्रमुख संजय भोसले यांच्या नेतृत्वाखाली दहा गावांतील शेकडो शेतकऱ्यांनी रस्त्यावर हजारो लिटर दूध ओतून देत आंदोलन केले.

या वेळी संजय भोसले म्हणाले, की दूधदरप्रश्‍नी राज्यभर आंदोलने सुरू असून, बिजवडीत बुधवारी न झालेल्या आंदोलनात दहिवडी पोलिसांनी मुजोरी दाखवत दडपशाहीने एका शेतकऱ्यावर खोटा गुन्हा दाखल केला असून, दहिवडी पोलिस ठाण्याचे सहायक पोलिस निरीक्षक प्रवीण पाटील हे दूध आंदोलन चिघळवण्याचा प्रयत्न करत आहेत. दूधदरवाढी संदर्भात व पोलिस प्रशासनाच्या मुजोरीविरोधात शिवसेनेच्या वतीने आंदोलन करत असल्याचे निवेदन संजय भोसले व शेतकऱ्यांनी नायब तहसीलदार श्री. पोटे यांना दिले. विजय गंगाराम भोसले, दिलीपराव भोसले, रंगाशेठ भोसले, डॉ. विलास पवार आदींसह शेतकरी या वेळी उपस्थित होते.

अतीत व परिसरातील शेतकरी व संघटनांनी दूध आंदोलनाला पाठिंबा देऊन शासनाचा तीव्र निषेध केला. अतीत ग्रामस्थांनी दूध दरवाढ झालीच पाहिजे, असा नारा देऊन स्वयंस्फूर्तीने दूध संकलन न करण्याचा निर्धार केला. महेश जाधव, योगेश जगदाळे, राजेंद्र माने, तानाजी जाधव, राहुल जाधव, पैलवान नीलेश जाधव, रोशन निकम, अमित यादव, राज जाधव, नरेंद्र साळुंखे, सचिन जाधव, गणेश जाधव या वेळी उपस्थित होते.

जिल्ह्यातील घटलेल्या दूध संकलनाची स्थिती

  • रोजचे दूध संकलन ः  सरासरी २५ लाख ८२ हजार ८०० लिटर  
  • सोमवारी (ता. १६) संकलन न झालेले दूध ः १३ लाख ७७ हजार २०० लिटर
  • मंगळवारी (ता. १७) संकलन न झालेले दूध  ः २० लाख १६ हजार ७०० लिटर
  • बुधवारी (ता. १८) संकलन न झालेले दूध ः १९ लाख ५८ हजार ५०० लिटर
  • गुरुवारी सकाळी (ता. १९) संकलन न झालेले ः १३ लाख ६८ हजार २०० लिटर
  • दुधाची अंदाजे किंमत ः  सुमारे १२ कोटी ७६ लाख ९१ हजार ४०० रुपये

इतर बातम्या
पुणे जिल्ह्यात ज्वारी पिकावर चिकट्याचा...पुणे ः पुणे जिल्ह्याच्या पश्चिम जिरायत भागात...
फलोत्पादन योजनांमध्ये बदलास केंद्र तयार पुणे: “फलोत्पादनातील उत्पन्नवाढीसाठी सध्याच्या...
प्रशासकीय कामकाज सेवा हमी कायद्यानुसार...अकोला ः शासकीय योजनांचा लाभ लाभार्थ्यांपर्यंत...
वीज रोहित्र ४८ तासांत बदलून द्या;...अकोला ः वीज रोहित्रांबाबत शेतकऱ्यांच्या असंख्य...
शेतीसाठी आवश्‍यक ते सर्वकाही करणार :...माळेगाव, जि. पुणे ः कमी पाणी व कमी जागेत अधिक...
अर्थसंकल्पात शेतकऱ्यांना न्याय न...मुंबई ः केंद्र सरकारचे कृषीविषयक धोरण सातत्याने...
पुणे, मुंबई बाजार समितीच्या निवडणुका...पुणे ः उच्च न्यायालयाच्या आदेशाने सुरू असलेल्या...
कलिंगड शेती ठरते आहे फायदेशीरअकोला ः मालेगाव तालुक्यातील शिरपूर जैन परिसरात...
फडणवीस सरकारच्या टेंडर मॅनेजमेंट...मुंबई ः काँग्रेस पक्षाने २६ ऑगस्ट २०१९ व २९ ऑगस्ट...
शेतीमाल निर्यातबंदी उठवण्यासाठी लढा...औरंगाबाद : शेतकऱ्यांना दिलेली आश्‍वासने पूर्ण...
साखर उद्योग सक्षम करण्यासाठी प्रयत्नशील...पुणे ः साखर उद्योगाचे एक चक्र असून, या उद्योगाला...
मध्य महाराष्ट्र, मराठवाड्यात थंडी पुणे ः राज्यातील थंडीत चढउतार सुरू आहे. मध्य...
‘किसान सन्मान’ निधी : दोष प्रशासनाचा,...जळगाव : शासकीय यंत्रणेकडून बॅंक खात्यासंबंधीची...
हमीभावाच्या संदर्भात वायदे बाजारावरही...लातूर : हमीभावापेक्षा कमी दराने शेतीमाल खरेदी...
आंबा मोहोरासाठी संजीवके योग्यपणे वापरा...सोलापूर  : "आंबा उत्पादनामध्ये मोहोराला फार...
बनावट पावत्यांद्वारे फसवणूक टळणारमुंबई: पीकविमा भरल्याच्या बनावट पावत्या देऊन...
राहुरीतील कृषी विद्यापीठाचा वेतन खर्च...पुणे:राज्यातील सर्वच कृषी विद्यापीठांसमोर...
एकरकमी एफआरपीसाठीचा ठिय्या लेखी...नांदेड : एफआरपीनुसार ऊस देयकाची रक्कम एकरकमी...
परभणी जिल्ह्यात ‘पोकरां’तर्गत साडेसात...परभणी : ‘‘नानाजी देशमुख कृषी संजीवनी प्रकल्पा(...
आटपाडी तालुक्‍यात शेतकऱ्यांच्या...आटपाडी, जि. सांगली : अवकाळी नुकसान अनुदान वाटपात...