agriculture news in marathi, agitation for milk rate, mumbai, maharashtra | Agrowon

मुंबईत दुधाचा एक थेंबही येऊ देणार नाही : खासदार राजू शेट्टी

टीम अॅग्रोवन
सोमवार, 9 जुलै 2018

मुंबई   : गायीच्या दुधाला ५ रुपये थेट अनुदान दिले नाही, तर सोमवारपासून (ता. १६) मुंबईचा दूधपुरवठा तोडण्याचा इशारा स्वाभिमानी शेतकरी संघटनेचे नेते खासदार राजू शेट्टी यांनी सरकारला दिला आहे.  

मुंबई   : गायीच्या दुधाला ५ रुपये थेट अनुदान दिले नाही, तर सोमवारपासून (ता. १६) मुंबईचा दूधपुरवठा तोडण्याचा इशारा स्वाभिमानी शेतकरी संघटनेचे नेते खासदार राजू शेट्टी यांनी सरकारला दिला आहे.  

मुंबई येथे शनिवारी आयोजित पत्रकार परिषदेत खासदार शेट्टी बोलत होते. या वेळी ‘स्वाभिमानी’चे प्रदेशाध्यक्ष रविकांत तुपकर, राज्य प्रवक्ते अनिल पवार उपस्थित होते. शासनाच्या चुकीच्या धोरणामुळे दूध व्यवसाय तोट्यात गेला आहे, असे असताना दुधाच्या बाबतीत शासनाने काहीही केले नाही. त्यामुळे १६ जुलैपासून मुंबईत दुधाचा एक थेंबही येऊ देणार अशी भूमिका स्वाभिमानी शेतकरी संघटनेने घेतली आहे. वेळप्रसंगी वारकऱ्यांना दूध वाटू; पण मुंबईत दूध कोणत्याही परिस्थितीत येऊ देणार नाही, असे शेट्टी यांनी सांगितले.

पुण्यात साखर आणि दूध दर प्रश्नी २९ जून रोजी मोर्चा काढून सरकारला इशारा दिला होता. मात्र, सरकारने याकडे कानाडोळा केला आहे. त्यामुळे दूध संकलन आणि दूध विक्री बंद आंदोलनामुळे जी परिस्थिती उद्‌भवेल त्यास सरकार जबाबदार असेल. पण, यापुढे शेतकऱ्यांची लूट होऊ देणार नाही, असा इशारा खासदार शेट्टी यांनी दिला. दुध भुकटी, पावडर आणि लोणी जीएसटीमधून वगळावी अशी मागणीही त्यांनी केली.  

सध्या दूध उत्पादक घटलेल्या दरामुळे आर्थिक संकटात सापडले आहेत. दुधाचा उत्पादन खर्च ३५ रुपये लिटरवर जाऊन पोहोचलाय. मात्र, सध्या शेतकऱ्यांना १५ रुपये दर मिळतोय. याबाबत दूधसंघांच्या प्रतिनिधींसह प्रत्यक्ष भेटून सरकारकडे याबाबतची समस्या मांडली होती. यावर सरकारने दूध भुकटीसाठी ३ रुपये देण्याचा निर्णय घेतला. त्यासाठी ५३ कोटी रुपये खर्च ही करण्यात आला आहे. मात्र, या ५३ कोटी रुपयांपैकी एक रुपयाही दूध उत्पादकांना मिळाला नाही. सरकारने या प्रश्नाकडे गंभीरपणे लक्ष देण्याची गरज असताना जाणिवपूर्वक दुर्लक्ष केले जात आहे. त्यामुळेच दूध विक्री करायची नाही असा निर्णय घेण्यात आला असल्याचे राजू शेट्टी यांनी सांगितले.

दूध प्रश्नावर चंद्रकांत पाटील यांना काहीही बोलण्याचा नैतिक अधिकार नाही. दूध उत्पादकांसाठी चंद्रकांत पाटील यांनी काय केले आहे ते अगोदर सांगावे आणि नंतर बोलावे असेही राजू शेट्टी म्हणाले. गोवा आणि कर्नाटक जर दुधाला अनुदान देत असेल तर महाराष्ट्र सरकारला ते का शक्य होत नाही, असा सवाल खासदार शेट्टी यांनी उपस्थित केला.

‘परराज्यातील दूधदेखील महाराष्ट्रात येऊ देणार नाही’
राज्यात सातारा, सांगली, कोल्हापूर, नगर भागातील दूध बंद झाल्यानंतर गुजरात आणि कर्नाटक या राज्यातून मुंबईत दूध आणण्याचा प्रयत्न केला जाईल. मात्र, गनिमीकावा करून कोणत्याच राज्यातून महाराष्ट्रात दुधाचा एकही थेंब येऊ दिला जाणार नाही, असे खासदार राजू शेट्टी यांनी सांगितले आहे.


इतर ताज्या घडामोडी
इगतपुरी, सिन्नर तालुक्यात पावसामुळे...नाशिक : दसरा व दिवाळी सणाची बाजारपेठ समोर ठेऊन...
सांगली जिल्ह्यात अतिवृष्टीचा १७ हजार...सांगली : जिल्ह्यात गेल्या पंधरा दिवसांपूर्वी...
खानदेशात दुष्काळी भागात मुबलक जलसाठा जळगाव ः खानदेशातील आवर्षप्रवण भागातील  ...
सिंधुदुर्ग जिल्ह्यात साडेसहा हजार...सिंधुदुर्ग : जिल्ह्यात परतीच्या पावसाने नुकसान...
सांगली जिल्ह्यात द्राक्षबागा...सांगली : गेल्या वर्षी झालेल्या अतिवष्टीमुळे...
शेतकऱ्यांना नुकसान भरपाईची प्रतीक्षाअकोला ः शासनाने शुक्रवारी (ता.२३) जाहीर...
पुण्यात दसऱ्यानिमित्त फुलबाजार फुलला पुणे ः कोरोना संकटामुळे मार्चपासून सलग पाच...
सोयाबीनमध्ये तेजीचाच कलअकोला ः या हंगामातील सोयाबीन काढणी जोरात सुरू...
‘पाटबंधारे’च्या मनमानीमुळे शेतकऱ्यांचे...नाशिक : गेल्या २५ वर्षांपासून बागलाण तालुक्यातील...
सातारा जिल्ह्यास पावसाने पुन्हा झोडपलेसातारा ः जिल्ह्यातील माण, खटाव, कऱ्हाड,...
कापूस, मका हमीभावाकडे दुर्लक्षः...जळगाव ः कापूस, मका हे राज्यात महत्त्वाचे पीक...
वनाधिपती विनायकदादा पाटील यांचे निधन नाशिक: स्थानिक पातळीवरून थेट राज्याच्या राजकारणात...
औरंगाबादमध्ये कांदा सरासरी ३५०० रुपये औरंगाबाद : येथील कृषी उत्पन्न बाजार...
राज्यातून मॉन्सून परतीच्या वाटेवर; पाऊस...महाराष्ट्रातून मॉन्सून बाहेर पडण्याच्या वाटेवर...
सांधेदुखी, सूजेवर आरोग्यदायी गोखरूगोखरू ही झुडूपवर्गीय वनस्पती आहे. या वनस्पतीला...
शेतकऱ्यांना मदत देण्यासाठी प्रयत्न करु...सोलापूर : ‘‘अतिवृष्टी आणि पुरामुळे शेतपिकांचे...
खानदेशात पावसाने दाणादाण सुरूचजळगाव ः खानदेशात गेले दोन दिवस अनेक भागात मध्यम...
जिगाव प्रकल्पग्रस्तांना मिळणार योग्य...बुलडाणा ः जिगाव प्रकल्पग्रस्तांना योग्य मोबदला...
सोलापुरात नुकसानग्रस्तांसाठी `रयत’चे...सोलापूर : सोलापूरसह संपूर्ण राज्यात अतिवृष्टीमुळे...
साताऱ्यात रब्बीची १२ टक्के क्षेत्रावर...सातारा : जिल्ह्यात परतीच्या पावसाने झोडपल्याने...