agriculture news in marathi, agitation for mung purchasing with msp, parbhani, maharashtra | Agrowon

परभणी बाजार समितीवर कारवाई करू : जिल्हा उपनिबंधक
टीम अॅग्रोवन
शनिवार, 15 सप्टेंबर 2018

परभणी  : येथील कृषी उत्पन्न बाजार समितीच्या मार्केटयार्डावर आवक झालेल्या शेतीमालाची नोंद घ्यावी. शेतीमालाचे एफएक्यू आणि नाॅन एफएक्यू असे प्रमाणीकरण केल्यानंतरच व्यापाऱ्यांनी खरेदी करावी. प्रमाणिकरणाशिवाय कमी दराने खरेदी करणाऱ्या व्यापाऱ्यांवर बाजार समितीने कारवाई करावी, अन्यथा बाजार समितीच्या संचालक मंडळावर कारवाई केली जाईल, असा इशारा जिल्हा उपनिबंधक (सहकारी संस्था) मंगेश सुरवसे यांनी दिला.

परभणी  : येथील कृषी उत्पन्न बाजार समितीच्या मार्केटयार्डावर आवक झालेल्या शेतीमालाची नोंद घ्यावी. शेतीमालाचे एफएक्यू आणि नाॅन एफएक्यू असे प्रमाणीकरण केल्यानंतरच व्यापाऱ्यांनी खरेदी करावी. प्रमाणिकरणाशिवाय कमी दराने खरेदी करणाऱ्या व्यापाऱ्यांवर बाजार समितीने कारवाई करावी, अन्यथा बाजार समितीच्या संचालक मंडळावर कारवाई केली जाईल, असा इशारा जिल्हा उपनिबंधक (सहकारी संस्था) मंगेश सुरवसे यांनी दिला.

परभणी कृषी उत्पन्न बाजार समितीच्या मार्केट यार्डावरील व्यापारी एफएक्यू दर्जाच्या मुगाची खरेदीदेखील ३५०० ते ४००० रुपये प्रतिक्विंटल दराने खरेदी करत आहेत. मुळात नाॅन एफएक्यू प्रमाणिकरणासाठीची त्रिसदस्यीय समिती कागदावरच असताना व्यापारी मात्र शेतकऱ्यांकडून शेतमाल नाॅन एफएक्यू असल्याबाबतचे संमतीपत्र घेऊन कमी दराने खरेदी करत शेतकऱ्यांची लूट करत असल्यामुळे शेतकरी संघटनेचे जिल्हाध्यक्ष माउली कदम, अनंत कदम, अमृतराव शिंदे आदींनी जिल्हा उपनिबंधक (सहकारी संस्था) कार्यालयामध्ये शुक्रवारी (ता. १४) दुपारी मुगाची पोती नेऊन टाकली.

कमी दराने शेतीमाल खरेदी करणाऱ्या व्यापाऱ्यांवर कारवाईची मागणी केली. त्यानंतर जिल्हा उपनिबंधक मंगेश सुरवसे यांनी शेतकरी संघटनेचे जिल्हाध्यक्ष माउली कदम, राष्ट्रवादी किसान सभेचे जिल्हाध्यक्ष सुरेंद्र रोडगे, तालुकाध्यक्ष संतोष कदम आदीसह  मार्केट यार्डावरील अडत दुकानांवर जाऊन पाहणी केली.

चांगल्या दर्जाच्या मुगाची खरेदी कमी दराने करण्यासाठी अडते, व्यापारी शेतकऱ्यांकडून शेतीमालात काडीकचरा, डाळ असल्यामुळे तो नाॅन एफएक्यू दराने विकण्यास तयार असल्याचे संमती पत्र लिहून घेत असल्याचे या वेळी निदर्शनास आले. काही कोऱ्या संमतीपत्रावर शेतकऱ्यांच्या सह्या आढळून आल्या. ही बाब गंभीर असल्याचे निदर्शनाच येताच श्री. सुरवसे यांनी बाजार समितीच्या सभागृहामध्ये शेतकरी संघटनेचे पदाधिकारी, व्यापारी यांची बैठक घेतली. या वेळी शेतकरी संघनटेचे जिल्हाध्यक्ष माउली कदम, अमृतराव कदम, राष्ट्रवादी किसान सभेचे जिल्हाध्यक्ष सुरेंद्र रोडगे, संतोष कदम, बाजार समितीचे सचिव विलास मस्के, व्यापारी महासंघाचे मोतीलाल जैन, गोविंद अजमेरा, सहायक निबंधक जे. एल. पाठक, श्री. राठोड आदी उपस्थित होते.

या वेळी सुरवसे म्हणाले, की बाजार समितीने आवक झालेल्या प्रत्येक शेतमालाचे वजन करून नोंद ठेवावी. शेतीमालाच्या प्रतवारीसाठी बाजार समितीने ग्रेडरची नियुक्ती करावी. बाजार समितीचे सचिव, सहायक निबंधक, तालुका कृषी अधिकारी यांच्या त्रिस्तरीय समितीने शेतमालाचे एफएक्यू, नाॅन एफएक्यू असे प्रमाणिकरण करावे. प्रमाणिकरण केल्यानंतरच व्यापाऱ्यांनी शेतीमालाची खरेदी करावी. किरकोळ व्यापाऱ्यांनी एका शेतकऱ्यांकडून ५० किलोपेक्षा अधिक शेतीमालाची खरेदी करू नये असे निर्देश देत प्रमाणिकरणा शिवाय खरेदी करणाऱ्या व्यापाऱ्यांवर बाजार समितीने कारवाई करावी अन्यथा बाजार समितीच्या संचालक मंडळावर कारवाई केली जाईल, असा इशारा श्री. सुरवसे यांनी या वेळी दिला.

इतर बातम्या
जळगाव जिल्हा परिषदेत निधीवाटपावरून आरोप...जळगाव : जिल्हा परिषद सेस फंड, शिक्षण, महिला-...
वऱ्हाडला पीक नुकसानभरपाईचा २६५ कोटींचा...अकोला : ऑक्टोबरमध्ये झालेल्या अतिपावसाचा फटका...
पुणे विभागात रब्बीसाठी अडीच लाख टन खते...पुणे : रब्बी हंगामात शेतकऱ्यांना खतांची अडचण येऊ...
सांगली जिल्ह्यात भूजल पातळी ५८...सांगली : जिल्ह्यात गेल्या पाच वर्षांपेक्षा यंदा...
नाशिक : भिजलेल्या पिकांमुळे चाऱ्याचा...नाशिक : जिल्ह्यात झालेल्या मॉन्सूनोत्तर पावसाने...
धक्कादायक, एकाच गावातल्या ६०० मेंढ्या...नगर  ः मागील महिन्यात अतिवृष्टीने पारनेर...
अधिक उपसा केला तर पाणी टंचाईची शक्यता...लातूर : जिल्ह्यात पावसाळ्याच्या चारही महिन्यांत...
नाशिक जिल्ह्यात नुकसानीपोटी १८१ कोटींची...नाशिक : जिल्ह्यात झालेल्या अतिवृष्टीमुळे...
नागपूर जिल्ह्यात शेतकऱ्यांसाठी कॉंग्रेस...नागपूर : मॉन्सूनोत्तर पावसामुळे शेतकऱ्यांना...
नाशिक जिल्ह्यात टोमॅटोला गेले तडे ! ५०...नाशिक  : मॉन्सूनोत्तर पावसाच्या तडाख्यामुळे...
...'या' सिंचन योजनेची पाणीपट्टी होणार...सांगली : ताकारी उपसा सिंचन योजनेच्या पाणीपट्टीची...
किसान सभेकडून विमा कंपनीला २८...पुणे : पुण्यातील दि ओरिएन्टल इन्शुरन्स कंपनीकडून...
हैबतबाबांच्या पायरीपूजनाने आळंदीत...आळंदी, जि. पुणे  ः टाळ-मृदंगाचा निनाद आणि...
गूळ सौदे सुरू करण्यासाठी दोन्ही घटकांना...कोल्हापूर  : गेल्या दोन दिवसांपासून व्यापारी...
सांगली जिल्ह्यात ऊस दरासाठी ‘स्वाभिमानी...सांगली : जिल्ह्यात गळीत हंगाम सुरू होताच...
उद्यापासून हंगाम सुरु, पण ऊसतोड बंदच !मुंबई / पुणे  ः राज्यातील यंदाचा ऊस गाळप...
कोल्हापुरात कारखान्यांकडून ऊसतोड सुरू...कोल्हापूर  : गेल्या चार दिवसांपासून...
विदर्भ, मराठवाड्यात गारठा वाढलापुणे   : किमान तापमानात घट होत असल्याने...
खतमाफियांमुळे शेतकऱ्यांची मोठी लूटपुणे : बोगस मिश्रखतांचे उत्पादन व विक्री करणाऱ्या...
बटाटा, टोमॅटोतील उशिरा येणाऱ्या करपा...बटाटा आणि टोमॅटो यांसारख्या पिकांमध्ये प्रचंड...