सांगली जिल्ह्यात ऊसदर आंदोलनाची पहिली ठिणगी

ऊस दरासाठी वाहतूक रोखत, ट्रॅक्टरची हवा सोडण्यात आली
ऊस दरासाठी वाहतूक रोखत, ट्रॅक्टरची हवा सोडण्यात आली

सांगली  : जिल्ह्यात ऊसदरासाठी आंदोलनाची पहिली ठिणगी पडली. एकरकमी एफआरपीच्या मागणीसाठी स्वाभिमानी शेतकरी संघटनेने सोमवारी (ता.१८) पलूस आणि कडेगाव तालुक्यातील ऊस वाहतूक रोखत, ट्रॅक्टरची हवा सोडली.

कोल्हापूर जिल्ह्यात ऊसदराचा तिढा सुटलेला नाही, असे असताना सांगली जिल्ह्यातील साखर कारखान्यांनी ऊसतोडणी सुरू केली आहे. जिल्ह्यातील कारखान्यांनी ऊसदराबाबत चर्चाही केलेली नाही. ऊसदराचा प्रश्न अद्याप सुटलेला नसताना विटा तालुक्यातील उदगिरी शुगर साखर कारखान्याने पलूस आणि कडेगाव तालुक्यात ऊसतोडणी सुरू केली आहे. कारखान्याला ऊस वाहतूक सुरू असताना स्वाभिमानी शेतकरी संघटनेच्या कार्यकर्त्यांनी वाहने अडवली. ट्रॅक्टरमधील हवा सोडून देऊन ऊस वाहतूक थांबवली.

येत्या शनिवारी (ता.२३) जयसिंगपूर येथे ऊस परिषद होणार आहे. त्यावेळी एफआरपी ठरणार आहे. जोपर्यंत एफआरपी ठरत नाही तोपर्यंत कारखाने सुरू होऊ देणार नसल्याचा इशारा स्वाभिमानी शेतकरी संघटनेच्या नेत्यांनी दिला आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com