agriculture news in marathi, agitation in varhad for milk rate, maharashtra | Agrowon

दूध दरप्रश्‍नी वऱ्हाडात आंदोलन

टीम अॅग्रोवन
मंगळवार, 17 जुलै 2018

अकोला   ः दूध उत्पादकांना प्रतिलिटर पाच रुपये अनुदानासाठी स्वाभिमानी शेतकरी संघटनेने सोमवारपासून (ता. १६) पुकारलेले अांदोलन रविवारी मध्यरात्रीच सुरू झाले. वऱ्हाडात बुलडाणा जिल्ह्यात या अांदोलनाचा अधिक जोर दिसून अाला.

अकोला   ः दूध उत्पादकांना प्रतिलिटर पाच रुपये अनुदानासाठी स्वाभिमानी शेतकरी संघटनेने सोमवारपासून (ता. १६) पुकारलेले अांदोलन रविवारी मध्यरात्रीच सुरू झाले. वऱ्हाडात बुलडाणा जिल्ह्यात या अांदोलनाचा अधिक जोर दिसून अाला.

मध्यरात्री ‘स्वाभिमानी’च्या कार्यकर्त्यांनी मोताळा व मलकापूर तालुक्यात दूध घेऊन जाणारे टँकर अडविले. दुपारच्या सुमारास वाशीम जिल्ह्यात मालेगाव येथे नगरच्या एका दूध डेअरीचा ट्रक पेटविण्याचा प्रयत्न झाला. शिवाय ठिकठिकाणी दुग्धाभिषेक, रस्त्यावर अोतून देण्याचे प्रकारही झाले. सोमवारी दुपारपर्यंत कुठेही पोलिस कारवाई झालेली नव्हती. ‘स्वाभिमानी’च्या अांदोलनाला रविवारी मध्यरात्रीनंतर सुरवात झाली. मोताळा तालुक्यातील वाघजाळ फाट्याजवळ जळगाव जिल्ह्यातील खासगी डेअरीचे वाहन फोडण्यात अाले. मलकापुरात महामार्गावर दुधाच्या टँकरमधील हवा सोडून देण्यात अाली.

सोमवारी सकाळी मेहकर तालुक्यातील डोणगाव येथे ‘राजहंस’च्या वाहनातील दुधाचे पॅकेट रस्त्यावर फोडण्यात अाले. मेहकर शहरानजिक अौरंगाबाद-नागपूर रोडवर प्रसन्ना डेअरीच्या वाहनाची तोडफोड करण्यात अाली. दरम्यान, सोमवारी दुपारी वाशीम जिल्ह्यातील मालेगाव येथे ‘स्वाभीमानी’च्या कार्यकर्त्यांनी राजहंस डेअरीचा ट्रक पेटवून दिला.

संग्रामपूर तालुक्यातील वरवट बकाल येथे ‘स्वाभिमानी’च्या कार्यकर्त्यांनी दूध बंद आंदोलनाला पाठिंबा देत रस्त्यावर दूध अोतले. संघटनेचे युवा जिल्हाध्यक्ष प्रशांत डिक्कर यांच्या नेतृत्वात कार्यकर्त्यांनी दूध फेकत सरकारचा निषेध केला. या वेळी आंदोलनादरम्यान शेतकऱ्यांनी सरकारविरोधात घोषणाबाजी केली.

या आंदोलनात रोशन देशमुख, मोहन पाटील, संतोष तायडे, अनंता मानकर, शेख असलम, ज्ञानेश्वर हागे, शिवा झाडोकार, विलास तराळे, सुनिल अस्वार, श्रीकृष्णा भालतिलक, आशिष नांदोकार, सागर खानझोड, धनंजय कोरडे, सुरेश रावणकार, अनंता अवचार यांच्यासह तालुक्यातून शेतकरी व शेतमजूर या आंदोलनामध्ये सहभागी झाले होते.

वऱ्हाडात दूध संकलनात अग्रेसर असलेल्या नांदुरा तालुक्यात तालुकाध्यक्ष समाधान भातूरकर यांच्या पुढाकाराने अांदोलन झाले. दहिगाव, माटोडा, ईसबपूर, खुमगाव, बुर्टी, केदार, नायगाव, शेलगाव मुकूंद, कोलासर, वडगाव डिघी, सावरगाव, हिंगणे गव्हाड, चांदूरबिस्वा, डिघी, वडनेर भोलजी, धानोरा विटाळी, पिंप्री अघाव या १७ गावातील शेतकऱ्यांनी मदर डेअरीसाठी होणाऱ्या संकलन केंद्रावर दूध घालणे बंद केले.

सोमवारी संकलित झालेले दूध शालेय विद्यार्थ्यांना वितरित केले गेले. शिवमंदिरात दुग्धाभिषेक करण्यात अाला. मोताळा तालुक्यातील कोथळी येथील शेतकऱ्यांनी डेअरींना दूध न घालता ते रस्त्यावर फेकले तसेच सरकारने दुधाला दरवाढ देण्याची मागणी केली. पोलिस पाटील संघटनेचे जिल्हाध्यक्ष विठ्ठल पाटील, योगेश मोताळकर, विष्णू पाटील, मोहन पाटील, अमोल पाटील, शुभम पाटील, संतोष घाटे, जनार्दन भुसारी, चेतन पाटील, यासीन शाह, हनिफ शाह यांच्यासह अनेक शेतकरी उपस्थित होते.


इतर ताज्या घडामोडी
कर्जमाफीसाठी बँकर्स समितीची बैठक...मुंबई : ‘‘राज्यातील शेतकऱ्यांना कर्जमाफीचा लाभ...
मुंबईतून आजपासून ५० विमानांची ये-जामुंबई : देशांतर्गत विमान उड्डाणे उद्यापासून सुरू...
टोमॅटो प्रश्नी समाधानकारक निदान,...पुणे : विषाणूग्रस्त टोमॅटो प्रश्नी शेतकऱ्यांना...
सातारा जिल्हा बॅंकेस १३३.९५ कोटींचा...सातारा  : सातारा जिल्हा मध्यवर्ती सहकारी...
सिंदखेड ग्रामस्थांना होमिओपॅथी औषधाचे...अकोला  ः ‘कोरोना’चा वाढता प्रादूर्भाव सध्या...
राज्यसभेवर व्हावी प्रयोगशील शेतकऱ्यांची...अमरावती ः भारताच्या राष्ट्रपतींव्दारा राज्यसभेवर...
थेट निविष्ठा पुरवठ्यातून वेळ-पैशांची...यवतमाळ ः कोरोनामुळे उद्भवलेल्या परिस्थितीत...
कापसाप्रमाणेच नाफेडच्या तूर खरेदीची गती...कलगाव, जि. यवतमाळ ः कापसाप्रमाणेच नाफेडव्दारे होत...
यवतमाळ जिल्ह्यातील २४ गावे माॅन्सून...यवतमाळ ः जिल्ह्यात अतिवृष्टीनंतर निर्माण होणाऱ्या...
सौंदड येथे थेट निविष्ठा वितरण उपक्रमाचा...गोंदिया ः कोरोना लॉकडाऊनमुळे शेतकऱ्यांना निविष्ठा...
नागपूरमधून २५ हजार शेतकऱ्यांकडून होणार...नागपूर ः कापूस उत्पादक शेतकऱ्यांकडील शिल्लक...
अमरावतीत पाणीटंचाईची ६६९ गावांमध्ये...अमरावती ः माॅन्सूनचे आगमन की दिवसांवर असतानाच...
मते मांडण्यास संधी नसल्याने नगर 'जिप'ची...नगर  ः जिल्हा परिषदेची बुधवारी (ता.२७) सभा...
परभणी जिल्ह्यात बीटी कपाशीची सहा लाख...परभणी ः परभणी जिल्ह्यात सोमवार (ता. २५) पासून...
बाहेरून येणाऱ्या प्रत्येक व्यक्तीला...नगर   ः एका क्षणी सर्वाधिक कोरोनाबाधित...
नगर : शेतकरी घरीच तपासत आहेत सोयाबीन...नगर  ः खरीप हंगामात सोयाबीन बियाण्याचा...
पुणे जिल्ह्यातील रस्त्यांची कामे सुरू...पुणे  : राज्यात कोरोना प्रादुर्भावामुळे लागू...
लग्नासाठी पन्नास व्यक्तींच्या...नगर  ः कोरोना आजाराचे संकट व त्यामुळे...
परभणी, हिंगोलीत २८ हजार क्विंटल हरभरा...परभणी ः किमान आधारभूत किंमत खरेदी योजनेअंतर्गत...
कृषी पदव्युत्तरच्या ऑनलाइन परीक्षेचा...पुणे  ः ‘कोरोना’चा शिक्षण क्षेत्रावर गंभीर...