agriculture news in marathi, agitation will start from monday for milk rate, pune, maharashtra | Agrowon

शेतकऱ्यांना खड्ड्यात घालणाऱ्या सरकारची मस्ती उतरवू ः तुपकर
टीम अॅग्रोवन
गुरुवार, 12 जुलै 2018

पुणे  ः सरकारचे दूध पॅकेज ही शुद्ध धूळफेक आहे. फसवे पॅकेज, अटकेच्या धमक्या देत फोडा-फोडीची कुटील नीती वापरून शेतकऱ्यांना खड्ड्यात घालणाऱ्या सरकारची मस्ती आम्ही उतरविणार आहोत. कोणत्याही धमक्यांना भीक न घालता आम्ही दोन हात करू. दूध प्रश्नावर सर्व शेतकरी संघटितपणे सोमवारपासून (ता. १६) बेमुदत संपाचा राज्यव्यापी लढा देतील, असे स्वाभिमानी शेतकरी संघटनेचे प्रदेशाध्यक्ष रविकांत तुपकर यांनी स्पष्ट केले आहे.

पुणे  ः सरकारचे दूध पॅकेज ही शुद्ध धूळफेक आहे. फसवे पॅकेज, अटकेच्या धमक्या देत फोडा-फोडीची कुटील नीती वापरून शेतकऱ्यांना खड्ड्यात घालणाऱ्या सरकारची मस्ती आम्ही उतरविणार आहोत. कोणत्याही धमक्यांना भीक न घालता आम्ही दोन हात करू. दूध प्रश्नावर सर्व शेतकरी संघटितपणे सोमवारपासून (ता. १६) बेमुदत संपाचा राज्यव्यापी लढा देतील, असे स्वाभिमानी शेतकरी संघटनेचे प्रदेशाध्यक्ष रविकांत तुपकर यांनी स्पष्ट केले आहे.

कोसळलेल्या दूध दराला सावरण्यासाठी राज्य सरकारने विधानसभेत दुधाच्या पॅकेजची घोषणा केली. त्यामुळे ‘स्वाभिमानी’च्या आंदोलनातील हवा काढून घेण्यात आल्याची चर्चा होती. दुग्ध क्षेत्रातील तज्ज्ञ समितीने मागितलेल्या सर्व मागण्या मान्य झाल्यामुळे ‘स्वाभिमानी’कडून आंदोलन रद्द केले जाईल, असेही बोलले जात होते. मात्र, स्वाभिमानी शेतकरी संघटना आंदोलनावर ठाम आहे.

सरकारने दूध भुकटी निर्यातीसाठी ५० रुपये प्रतिकिलो, दूध निर्यातीसाठी प्रतिलिटर ५ रुपये अनुदान दोन महिने देण्याची घोषणा केली आहे. शासकीय पोषण आहारातही दुधाचा आणि दूध भुकटीचा समावेश करण्यात आला आहे. तूप व लोण्यावरचा जीएसटी कमी करण्यासाठी केंद्र सरकारला विनंतीदेखील केली जाणार आहे. त्यामुळे स्वाभिमानी शेतकरी संघटनेने केवळ राजकारण करण्यासाठी आंदोलन करण्याची गरज नाही, असे एका खासगी दूध डेअरी उद्योजकाने स्पष्ट केले.

रविकांत तुपकर यांना मात्र सरकारी पॅकेज मान्य नाही. शेतकऱ्यांना थेट अनुदान देण्याचा आग्रह स्वाभिमानी शेतकरी संघटनेचे संस्थापक अध्यक्ष खासदार राजू शेट्टी यांनी धरला आहे. मात्र, शेतकऱ्यांना सोडून सरकारच्या मदतीने काही घटकांसाठी सरकारी तिजोरीवर दरोडा टाकणारे पॅकेज जाहीर झाले आहे. या पॅकेजमुळे शेतकऱ्यांचे प्रश्न सुटले नाहीत. त्यामुळे आंदोलन होणारच, असे श्री. तुपकर म्हणाले.

आम्ही आंदोलन नेटाने करणार असून कोणी धमक्या दिल्या तर कायदा हातात घेऊ. आंदोलन करण्यासाठी खासदार शेट्टी यांच्या मार्गदर्शनाखाली आम्ही राज्यभर दूध उत्पादकांच्या बैठका घेत आहोत, असे श्री. तुपकर म्हणाले. शेतकऱ्यांबरोबर सभा व बैठका घेण्यासाठी श्री. तुपकर यांनी दौरा आखला असून उस्मानाबाद, परांडा, जामखेड, मंगळवेढा, सांगोला, फलटण आणि बारामती भागात फिरून ते आंदोलनाची दिशा ठरविणार   आहेत.
 

...तर डेअरीचालक खासदार शेट्टींबरोबर ः कुतवळ
 महाराष्ट्र राज्य दूध उत्पादक व प्रक्रिया व्यावसायिक संघाचे सचिव प्रकाश कुतवळ म्हणाले, की पॅकेज हे एक सोंग आहे. मुळात राज्यातील शेतकरी संकटात असून त्यांना पाच रुपये अनुदान देण्याऐवजी खासगी प्लांटचालकांना ५० रुपये अनुदान देण्याचा प्रकार अचंबित करणारा आहे. आजार शेतकऱ्याला आणि इंजेक्शन दूध पावडर प्लांटचालकाला देऊन काहीही साध्य होणार नाही. डेअरी उद्योगाच्या टॅंकरची तोडफोड होणार नसल्यास आम्ही सर्व जण खासदार राजू शेट्टी यांच्यासोबत जाण्याचा विचारात आहोत.

दूध निर्यात किंवा पावडर निर्यातीला पॅकेज देऊन दुधाचे दर वाढणार नाहीत. तसेच शेतकऱ्यांनाही काहीच फायदा होणार नाही. हा आत्मघातकी उपाय असून डेअरीचालकांचे नुकसान न होता ते शेतकरी वर्गाची बाजू मांडत असल्यास आम्ही त्यांच्याबरोबर आहोत. शेतकरी हाच पोशिंदा आहे. तो टिकला तर दूध उद्योग टिकेल हीच आमची भूमिका आहे, असेही श्री. कुतवळ यांनी नमूद केले.

इतर ताज्या घडामोडी
तुरुंगात गेलेल्यांनी विचारू नये, की...सोलापूर ः ‘‘मी घरच्यांना सांगून आलो आहे, आता...
मराठवाडा दुष्काळमुक्‍तीसाठी सरकारचे...औरंगाबाद : वॉटर ग्रिड, गोदावरीच्या तुटीच्या...
साताऱ्यातील धरणांमध्ये ९८ टक्‍क्‍यांवर...सातारा : जिल्ह्यातील प्रमुख धरणांच्या पाणलोट...
नियोजनशून्य कारभारामुळे ६० टक्केच निधी...मुंबई ः भाजप-शिवसेना युती सरकारची पाच वर्षांतील...
अकोल्यात उडीद प्रतिक्विंटल सरासरी ४६००...अकोला ः येथील कृषी उत्पन्न बाजार समितीत आवक...
खानदेशात मुगाचे दर स्थिर, उडदाच्या...जळगाव ः खानदेशातील प्रमुख बाजार समित्यांमध्ये...
नाशिकमध्ये कांद्याची आवक घटली; दरात वाढनाशिक : नाशिक कृषी उत्पन्न बाजार समितीमध्ये चालू...
औरंगाबादेत कोबी १००० ते १२०० रुपये...औरंगाबाद : येथील कृषी उत्पन्न बाजार समितीमध्ये...
परतीच्या मॉन्सूनसाठी अनुकूल वातावरणमहाराष्ट्राच्या उत्तरेकडील भागावर १००६...
मानधनवाढीसाठी आशा कर्मचाऱ्यांचे मूक...नाशिक : आशा व गटप्रवर्तकांचे मानधन तिप्पट...
अकोल्यात पावसाळी वातावरणामुळे मूग...अकोला  ः गेल्या १५ दिवसांपासून कुठे रिमझिम...
ग्रामसेवकांच्या माघारीने...पुणे : राज्य शासनाकडून ग्रामसेवक संघटनेच्या...
हिंगोलीत खरिपात केवळ अकरा टक्के पीक...हिंगोली ः हिंगोली जिल्ह्यातील सर्वच बॅंकांनी यंदा...
नरोटेवाडीतील कालव्यातून हिप्परगा...सोलापूर  : शिरापूर उपसा सिंचन योजनेमधून...
रेशीम अळ्यांचे शास्त्रोक्‍त संगोपन आवश्...जालना : ‘‘चॉकी रेअरिंग सेंटरमुळे शेतकऱ्यांना...
परभणीत ८४९ कोटी ५६ लाख रुपयांची...परभणी ः छत्रपती शिवाजी महाराज शेतकरी सन्मान...
‘कडकनाथ’प्रकरणी ‘स्वाभिमानी’ आक्रमकसातारा : कडकनाथ घोटाळ्याप्रकरणी तिघांना आरोपीऐवजी...
पुराचे पाणी दुष्काळी भागाला देणार ः...कऱ्हाड, जि. सातारा ः महापुरामुळे सांगली,...
मुख्यमंत्र्यांच्या ताफ्यात सोडल्या...सांगली ः कडकनाथ कोंबडी घोटाळा प्रकरणांची चौकशी...
शरद पवार आजपासून राज्याच्या दौऱ्यावरमुंबई ः लोकसभा निवडणुकीपासून सुरू असलेली पक्षाची...