Agriculture news in marathi, Agitations in Akot against recovery of electricity bills | Agrowon

वीजबिल वसुलीविरोधात अकोटमध्ये आंदोलन

टीम अॅग्रोवन
शुक्रवार, 26 नोव्हेंबर 2021

अकोला ः थकीत वीजबिल वसुलीसाठी एकीकडे महावितरणकडून कार्यवाही केली जात आहे. तोच आता शेतकरी रस्त्यावर उतरू लागले आहेत. याचे चित्र गुरुवारी (ता.२५) अकोट येथे पाहायला मिळाले.

अकोला ः थकीत वीजबिल वसुलीसाठी एकीकडे महावितरणकडून कार्यवाही केली जात आहे. तोच आता शेतकरी रस्त्यावर उतरू लागले आहेत. याचे चित्र गुरुवारी (ता.२५) अकोट येथे पाहायला मिळाले. महावितरणविरुद्ध रोष व्यक्त करण्यासाठी तालुक्यातील शेतकऱ्यांनी अकोट येथे धडक दिली. शेतकऱ्यांच्या एकजुटीसमोर अखेरीस अधिकाऱ्यांना एक पाऊल मागे येत वीजपुरवठा सुरू करण्याचे आश्‍वासन देत तातडीने कार्यवाही सुरू करावी लागली.

जिल्ह्यात वीजबिल वसुलीचा मुद्दा सातत्याने तापत आहे. अकोट तालुक्यात सिंचन क्षेत्र अधिक आहे. त्यामुळे कृषिपंपांची संख्याही मोठी आहे. अनेक शेतकऱ्यांकडे वीजबिलेही थकलेली आहेत. शेतकरी संघटनेने या मुद्यांवर महावितरणविरुद्ध रणशिंगही फुंकले. १३ नोव्हेंबरला संघटनेने महावितरण प्रशासनाला निवेदन देत विजबिले अनैतिक असल्याचे स्पष्ट केले. शेतकऱ्यांना दिलेले बिल त्यांच्याकडून घेणे लागत नाही. आठ तास पुरवठा सुरु असताना २४ तासांचे बिल देण्यात आले. यासाठीचे अनुदान कंपनीने मिळवलेले आहे, असे दावे शेतकरी संघटनेने केले होते. 

रोहित्र सुरु करण्यासाठी थकीत बिल भरण्याचे बंधन न घालता तातडीने दुरुस्ती करून द्यावी, अशी मागणी केली. मात्र, महावितरणने वीजबिल वसुलीसाठी काही ठिकाणी तालुक्यात रोहित्र बंद केले. याला विरोध करण्यासाठी विविध गावातील शेतकरी अकोट येथे धडकले.

शेतकरी संघटनेचे अध्यक्ष ललित बहाळे, सतीश देशमुख, जिल्हाध्यक्ष लक्ष्मीकांत कौठकर, शेतकरी विकास देशमुख यांनी शेतकऱ्यांच्या बाजूने युक्तिवाद केला. अखेरीस बंद केलेले रोहित्र तातडीने सुरु करण्याबाबत आश्‍वासन देण्यात आले. रोहित्र दुरुस्तीबाबत शुक्रवारी (ता.२६) होणाऱ्या बैठकीत चर्चा करून तोडगा काढण्याचे ठरविण्यात आले. शेतकऱ्यांच्या मागण्यांना न्याय न मिळाल्यास शनिवारी (ता.२७) शेतकरी संघटना तीव्र स्वरूपाचे आंदोलन करेल, अशी माहिती कौठकर यांनी दिली.


इतर बातम्या
कोकण, मध्य महाराष्ट्र, मराठवाड्यात...पुणे : राज्याच्या किमान तापमानाचा पारा १५...
धुळीमुळे शेतकऱ्यांचे ‘पांढरे सोने’...गुमगाव, जि. नागपूर : कोतेवाडा, सोंडेपार शिवारातील...
तांदूळ महागणार ; अवकाळी पावसामुळे...नागपूर : नवीन तांदळाच्या हंगामास सुरुवात झाली आहे...
कामे पूर्ण केलेल्या शेतकरी गटांचे ...पुणेः समूह शेती योजनेत भाग घेतलेल्या शेतकरी...
अनुदान वितरणासाठीची नवी प्रणाली सर्वत्र...पुणे ः कृषी योजनांसाठी दिलेल्या निधीचा उपयोग...
 पन्नास एकरांवर शुगरबीट लागवड कोल्हापूर : महापुराने अस्वस्थ झालेल्या शेतकऱ्याला...
कांडली ग्रामपंचायतीची सौरऊर्जेतून...अमरावती ः अचलपूर पंचायत समितीअंतर्गत कांडली...
  वखारच्या ऑनलाइन शेतीमाल तारण कर्जात...पुणे : राज्य वखार महामंडळाच्या ऑनलाइन (ब्लॉकचेन)...
हिंगोलीत सोयाबीन दरात सुधारणाहिंगोली ः येथील कृषी उत्पन्न बाजार समितीमध्ये...
परभणी, हिंगोली जिल्ह्यात ज्वारी, गहू,...परभणी ः परभणी, हिंगोली जिल्ह्यांत यंदाच्या (२०२१-...
डाळिंबाच्या सुकर वाटेसाठी गडकरी...जालना : संपूर्ण राज्यात महत्वाचे फळपीक असलेल्या...
अमरावती जिल्ह्याती ‘पीएम किसान’ची ५...अमरावती ः पंतप्रधान किसान सन्मान योजनेअंतर्गत लाभ...
कृष्णाकाठावर मजुरांअभावी ऊस रोपांची लागणभिलवडी, जि. सांगली ः कृष्णाकाठावर उसाच्या कांडी...
कोल्हापूर, सांगलीत ‘कृषिपंप...कोल्हापूर  : गेल्या तीन दिवसांत कोल्हापूर व...
वीज पुरवठा सुरळीत  करण्यासाठी इंदापुरात...पुणे ः जिल्ह्याच्या विविध तालुक्यातील थकबाकीदार...
खानदेशात पीककर्ज वितरणाला येईना गतीजळगाव ः  खानदेशात रब्बी हंगामासाठी पीक...
सोयाबीन दराची घोडदौड सुरूच राहणार पुणे ः तेलबिया आणि खाद्यतेलाच्या दारातील...
पुणे बाजार समितीचा वारणारांना चाप ः गरडपुणे ः पुणे कृषी उत्पन्न बाजार समितीमध्ये फळे,...
जळगाव जिल्ह्यात बोंडअळीचा उद्रेकजळगाव ः जिल्ह्यात यंदा शेतकऱ्यांना अतिवृष्टीने...
राज्यात पावसाला पोषक हवामान पुणे : राज्याच्या किमान तापमानात आणखी घट झाल्याने...