वाल पिकामध्ये शेंगा पोखरणारी अळी व घाटे अळीचा प्रादुर्भाव दिसून येण्याची शक्यता आहे. या किडीचा प्रादुर्भाव सुरुवातीला कोवळ्या कळ्यांवर दिसून येतो. नंतर शेंगांमध्ये शिरून कोवळ्या दाण्यांवर उपजीविका करते. किडींचा प्रादुर्भाव दिसून आल्यास नियंत्रणासाठी किडग्रस्त शेंगा काढून नष्ट कराव्यात. शेतामध्ये पक्षी थांबे उभारावे. फवारणी प्रतिलिटर पाणी क्विनॉलफॉस (२५ टक्के प्रवाही) २ मि. ली. किंवा डायमेथोएट (३० टक्के प्रवाही) २ मिलि पुढील फवारणी कीटकनाशक बदलून १५ दिवसांच्या अंतराने करावी. वाल पीक फुलोऱ्यात येण्याची व दाणे भरण्याची अवस्था ओलाव्यासाठी अतिसंवेदनशील असते. वाल पिकास फुलोरा येण्याच्या अवस्थेत पाणी देण्याची व्यवस्था करावी. वाल पिकामध्ये अमरवेलीचा प्रादुर्भाव दिसून आल्यास ती त्वरित उपटून जाळून नष्ट करावी. मोहोर अवस्थेत असलेल्या आंबा पिकावर कीड व रोगाच्या नियंत्रणासाठी मोहोर संरक्षण वेळापत्रकानुसार तिसरी फवारणी मोहोर फुलण्यापूर्वी (दुसऱ्या फवारणीनंतर १५ दिवसांनी) करावी. फुलकिडे व करपा (ॲन्थ्रॅक्नोज) नियंत्रणासाठी फवारणी प्रतिलिटर पाणी इमिडाक्लोप्रीड (१७.८ टक्के प्रवाही) ०.३ मि. ली. ६ मि. ली. अधिक कार्बेन्डॅझिम (१२%) + मॅन्कोझेब (६३%) संयुक्त बुरशीनाशक १ ग्रॅम या वेळी भुरी रोगाचा प्रादुर्भाव असल्यास फवारणीवेळी कीटकनाशकाच्या द्रावणामध्ये भुरी रोगाच्या नियंत्रणासाठी हेक्झाकोनॅझोल (५ टक्के) ०.५ मि. ली. किंवा गंधक (पाण्यात विरघळणारे ८० टक्के) २ ग्रॅम प्रतिलिटर या प्रमाणात वापरावे. फळधारणा झालेल्या काजू पिकावर ढेकण्या व फुलकिडीचा प्रादुर्भाव वाढतो. या किडींच्या नियंत्रणासाठी, फवारणी प्रतिलिटर लॅम्बडा सायहॅलोथ्रीन ०.६ मि.ली. (सदर कीटकनाशकास लेबल क्लेम नाही, तथापि ॲग्रेस्को शिफारस आहे.) वाढत्या उन्हासोबत बाष्पीभवनामध्ये वाढ होत आहे. नवीन लागवड केलेल्या नारळ बागेत तीन ते चार वर्षे वयापर्यंतच्या माडांना ६ ते ७ दिवसांच्या अंतराने पाणी देण्याची व्यवस्था करावी. पूर्ण वाढलेल्या माडांना जमिनीच्या मगदुराप्रमाणे ५ ते १० दिवसांच्या अंतराने पाणी देण्याची व्यवस्था करावी. आळ्यामध्ये ओलावा टिकविण्यासाठी नारळाच्या शेंड्या पुराव्यात आणि झावळ्यांचे आच्छादन करावे. नारळावर सोंड्या भुंग्याचा प्रादुर्भाव होण्याची शक्यता आहे. या किडीच्या अळ्या माडाच्या खोडातील मऊ गाभा खाऊन खोड आतून पोखरून काढतात. अळ्या खोडाच्या आत असल्याने प्रादुर्भाव झालेल्या ठिकाणी बुंध्यावर छिद्रे दिसतात. त्यातून ताजा भुस्सा व तांबूस तपकिरी स्त्राव वाहताना दिसतो. या किडीच्या नियंत्रणासाठी छिद्रातून शक्य असतील तेवढ्या अळ्या कोयतीच्या सहाय्याने काढून टाकाव्यात. माडाला कोणत्याही प्रकारे इजा होणार नाही, याची काळजी घ्यावी. इजा झाल्यास त्या जागेवर बोर्डोपेस्ट लावावी. सोंड्या भुंग्याच्या नियंत्रणासाठी बागेत प्रति हेक्टरी २ गंध सापळे लावावेत. वांगी पिकावर शेंडा व फळे पोखरणाऱ्या अळीचा प्रादुर्भाव दिसून येत आहे. प्रादुर्भाव दिसून आल्यास नियंत्रणासाठी किडग्रस्त शेंडे व फळे जमा करून नष्ट करावीत. फवारणी प्रतिलिटर पाणी फेनव्हेलरेट १ मि.ली. किंवा डेल्टामेथ्रीन (२.८ टक्के प्रवाही) १ मि.ली. फळबाग रोपवाटिका वाढीची अवस्था
बाष्पीभवनामध्ये वाढ होत असून, फळबाग रोपवाटिकेस, नवीन लागवड केलेल्या फळबागा तसेच भाजीपाला पिकास नियमित पाणी देण्याची व्यवस्था करावी. फळबाग रोपवाटिकेतील गवत काढून स्वच्छता ठेवावी. गरजेनुसार रोपांसाठी सावली करावी. कलिंगड पिकामध्ये फळमाशीच्या नियंत्रणासाठी शेतामध्ये ‘क्यु ल्युर’ रक्षक सापळे प्रतिहेक्टरी ४ वापरावे. वेळोवेळी किडग्रस्त फळे गोळा करून नष्ट करावीत. संपर्क ः ०२३५८- २८२३८७ (कृषी विद्या विभाग, डॉ. बाळासाहेब सावंत कोकण कृषी विद्यापीठ, दापोली)
