Agriculture news in Marathi Agreement for export of 20 lakh tonnes of sugar | Agrowon

वीस लाख टन साखरनिर्यातीचे करार

टीम अॅग्रोवन
शुक्रवार, 8 ऑक्टोबर 2021

ब्राझीलमध्ये यंदा साखर उत्पादनात मोठी घट होण्याची शक्यता आहे. त्यातच देशांतर्गत दर चांगले असल्याने कारखान्यांची भीस्त घरगुती बाजारावरच जास्त आहे. त्यामुळे भारतीय साखरेला मागणी आहे.

पुणे : ब्राझीलमध्ये यंदा साखर उत्पादनात मोठी घट होण्याची शक्यता आहे. त्यातच देशांतर्गत दर चांगले असल्याने कारखान्यांची भीस्त घरगुती बाजारावरच जास्त आहे. त्यामुळे भारतीय साखरेला मागणी आहे. परिणामी, निर्यात अनुदान नसतानाही चांगल्या दरामुळे २०२१-२२ च्या प्रारंभीच साखर कारखान्यांनी २० लाख टनांपर्यंत निर्यात करार केले आहेत. ही निर्यात डिसेंबरनंतर होण्याची शक्यता आहे, अशी माहिती जाणकारांनी दिली.

साखरनिर्यात मागील हंगाम २०२०-२१ मध्ये आंतरराष्ट्रीय पातळीवर दर चांगले असल्याने ७३ लाख टन निर्यात झाली. सध्याही साखरनिर्यातीसाठी संधी असल्याने कारखाने चाचपणी करत आहेत. त्यामुळे सुरू झालेल्या २०२१-२२ च्या हंगामातही सुरुवातीलाच २० लाख टन साखरनिर्यातीचे करार झाल्याची माहिती सूत्रांनी दिली. मात्र या साखरेला निर्यात अनुदान देण्याचा निर्णय अद्याप झाला नसल्याचेही सूत्रांनी सांगितले. 

जागतिक पातळीवर साखर उत्पादनात अग्रेसर असलेल्या ब्राझीलमध्ये प्रतिकूल वातावरणामुळे जागतिक बाजारात दर तेजीत आहेत. अशा स्थितीत भारतात साखरेचा शिल्लक साठा आहे आणि या हंगामातील गाळप तोंडावर आहे. अशा स्थितीत जागातील अनेक देश भारताकडून साखर खरेदीसाठी तयार आहेत. त्यामुळे कारखान्यांना खरेदीदार शोधण्याची गरज नाही. शिपमेंट खर्च जास्त असल्याने आशियाई देशांत ब्राझीलमधून कमी प्रमाणात साखर येत आहे.

देशांतर्गत दर चांगले
मागील विपणन वर्षात देशातून इंडोनेशिया, अफगाणिस्तान, संयुक्त अरब अमिरात, सोमालिया, श्रीलंका, बांगलादेश, मलेशिया, यमेन आणि इराक देशांत मोठ्या प्रमाणात निर्यात आली. मात्र जाणकारांच्या मते सध्या देशांतर्गत दर चांगले असल्याने कारखान्यांसाठी आकर्षक ठरत आहे. तसेच आंतरराष्ट्रीय बाजार दर स्थिर झाले आहेत. अशा स्थितीत सरकारने निर्यात अनुदान न दिल्यास कारखाने इच्छुक राहणार नाहीत. त्यामुळे साखर निर्यात चालू विपणन वर्षात घटण्याची शक्यता जाणकार व्यक्त करत आहेत. 

...असे झाले निर्यात करार
जागतिक बाजारात ऑगस्ट महिन्यापासूनच साखरेच्या दरात तेजी असल्याने साखर कारखान्यांनी त्याचा लाभ घेत निर्यात वाढविली. जागतिक पातळीवर साखरेचे दर सुधारलेले असल्याने अनुदानाशिवायही निर्यात परवडत असल्याने साखर कारखान्यांना निर्यात करार करण्यात यश मिळत आहे. भारतीय साखर कारखान्यांनी ४६० ते ४८० डॉलर प्रतिटन फ्री ऑन बोर्ड दराने कच्च्या साखरेचे निर्यात सौदे केले केले आहेत.

देशांतर्गत बाजारात साखरेचे दर सुधारले आहेत. त्यामुळे कारखान्यांना दिलासा मिळाला. तसेच नव्या हंगामातही २० लाख टन निर्यातीचे करार झालेले आहेत. ही साखर डिसेंबरनंतर निर्यात होणार आहे. यात जास्त करार हे कच्च्या साखरेसाठी झालेले आहेत. 
- प्रकाश नाईकनवरे, व्यवस्थापकीय संचालक, 
राष्ट्रीय साखर सहकारी साखर कारखाना महासंघ

साखर दराला चांगला सपोर्ट मिळाला आहे त्यामुळे तूर्तास अनुदान देण्याची गरज नाही. आतापर्यंत निर्यातीसाठी झालेले सौदे हे जुन्या आणि नव्या साखरेचे झालेले आहेत. यात नव्या साखरेचे सौदे हे १३ ते १४ लाख टनांपर्यंत झाले आहेत. ब्राझीलमध्ये किती साखर उत्पादन कमी होईल याचा आकडा बाहेर आला तर आणखी दर वाढतील. चांगल्या प्रतीची पांढरी साखर कारखान्यांकडे उपलब्ध नाही. त्यामुळे कारखान्यांनी सुरुवातीच्या टप्प्यात पांढऱ्या साखरेची निर्मिती केल्यास निर्यातीसाठी चांगली मागणी राहू शकते.
- अभिजित घोरपडे, साखर निर्यातदार

गुरुवारचे (ता. ७) देशातील महत्त्वाच्या बाजार समित्यांतील घाऊक दर (रुपये/प्रतिक्विंटल)
दिल्ली ३८००
मुंबई ३६७२
कोलकाता ३९५०
चेन्नई ३९००

इतर अॅग्रो विशेष
किमान तापमानात घट होण्याची शक्यतापुणे : राज्यात पावसाने उघडिप दिल्यानंतर किमान...
‘महाडीबीटी’च्या कामात अडथळाअकोला ः कृषी खात्याच्या विविध योजनांचा लाभ...
कृषी निविष्ठा केंद्रांचे परवाने आता...पुणे ः राज्यातील कृषी सेवा केंद्रांना परवान्याची...
आयातीमुळे कडधान्य दर दबावातपुणे ः तुरीचा हंगाम पुढील काही दिवसांत सुरू होईल...
...तर द्राक्षाचे नुकसान टळले असतेनाशिक : गेल्या तीन वर्षांपासून कसमादे भागातील...
साहित्य संमेलनाचे अनुदान शेतकरी,...नाशिक : वामनदादा कर्डक जन्मशताब्दी साहित्यनगरी...
देशी वाणाने सकस उत्पादन ः राहीबाई पोपेरेसांगली : पारंपरिक बियाणाला रासायनिक खताच्या...
शिवरायांच्या स्वराज्यापासून महात्मा...कोल्हापूर : छत्रपती शिवाजी महाराज यांच्या हिंदवी...
मराठवाड्यात आंब्यावर संकटाचे ढगऔरंगाबाद : यंदा आंब्यावर संकटाचे ढग कायम आहेत....
पुन्हा उभा राहिलो अन् यशस्वीही झालो...दुग्ध व्यवसायात भरभराट येत असतानाच कुट्टी यंत्र...
पीकबदल, फळबागांसह पूरक उद्योगांची साथऔरंगाबाद जिल्ह्यातील जडगाव येथील भोसले कुटुंबाने...
डेअरी उद्योगातील खरेदीदराचा गोंधळ कायमपुणे ः राज्यातील दुधाच्या बाजारपेठेत विक्रीविषयक...
ऊस उत्पादकांचे अद्याप ४,४४५ कोटी थकीतकोल्हापूर : गेल्या हंगामात उत्तर प्रदेशातील साखर...
कोरड्या हवामानाचा अंदाज, गारठाही वाढणारपुणे : राज्यात पावसाने उघडीप दिली असून, आकाश...
लातूर जिल्ह्यात द्राक्ष बागांना पावसाचा...लातूर ः जिल्ह्यात गेल्या काही दिवसांपासून...
पाकिस्तानमध्ये कापसाचे दर टिकूनपुणे ः पाकिस्तानमध्ये यंदा कापूस उत्पादनात वाढ...
‘पशुसंवर्धन’च्या योजनांसाठी अर्ज...पुणे ः जिल्ह्यातील ग्रामीण भागातील सुशिक्षित व...
मनाच्या वेदना दूर करण्यासाठी संघर्ष ः...कुंडल, जि. सांगली : माणसाच्या अंगाला, कपड्याला...
शेती हा आर्थिक प्रश्‍न ः विलास शिंदेनाशिक : शेतीविषयी चर्चा राजकीय व सामाजिक अंगाने न...
उसाच्या पहिल्या पेमेंटकडे लागले लक्षपुणे ः राज्यातील साखर कारखान्यांनी शेतकऱ्यांकडून...