कपाशी पिकातील २० ते ३० टक्के बोंडे फुटल्यानंतर पहिली वेचणी करून घ्यावी. त्यानंतर १५ ते २० दिवसाच्या अंतराने अनुक्रमे दुसरी व तिसरी वेचणी करावी. कापूस वेचणी आटोपल्यानंतर सर्व पऱ्हाट्या उपटून शेताबाहेर न्याव्यात. कापूस
कपाशी पिकातील २० ते ३० टक्के बोंडे फुटल्यानंतर पहिली वेचणी करून घ्यावी. त्यानंतर १५ ते २० दिवसाच्या अंतराने अनुक्रमे दुसरी व तिसरी वेचणी करावी. कापूस वेचणी आटोपल्यानंतर सर्व पऱ्हाट्या उपटून शेताबाहेर न्याव्यात. त्याचा कंपोस्ट खत तयार करण्यासाठी वापर करावा. त्यामुळे किडीची सुप्तावस्था नष्ट होतील. पिसारी पतंगाच्या जाळी करणाऱ्या अळीचा प्रादुर्भाव आढळून आल्यास, फवारणी प्रति लिटर पाणी निंबोळी अर्क (५ टक्के) किंवा कडूनिंबयुक्त कीटकनाशक (ॲझाडिरेक्टीन ३०० पीपीएम) ५ मिलि. फुलकीडे नियंत्रणासाठी लॅम्बडा सायहॅलोथ्रीन (५ टक्के ईसी) ०.६ मिलि प्रति लिटर पाणी या प्रमाणे फवारणी करावी. तसेच निंबोळी अर्क (५ टक्के) किंवा किंवा कडूनिंबयुक्त कीटकनाशक (ॲझाडिरेक्टीन ३०० पीपीएम) ५ मिलि प्रति लिटर या प्रमाणे फवारणी करावी. बागायती गव्हाची पेरणी करण्याकरिता विद्यापीठाने विकसित केलेल्या जातींची निवड करावी. १५ नोव्हेंबरपर्यंत पेरणी करावी. पेरणीपूर्वी थायरम या बुरशीनाशकाची ३ ग्रॅम प्रतिकिलो बियाणे याप्रमाणे बीजप्रक्रिया करावी. त्यानंतर बियाण्यास २५ ग्रॅम ॲझेटोबॅक्टर व २५ ग्रॅम पीएसबी या जीवाणूखताची प्रति किलो बियाणांवर प्रक्रिया करावी. पाऊस थांबल्यानंतर व वापसा आल्यानंतरच पेरणी करावी. पेरणीसाठी विद्यापीठाने शिफारशीत केलेल्या वाणास प्राधान्य द्यावे. पेरणी करण्यापूर्वी ट्रायकोडर्मा ०.५ ग्रॅम प्रति किलो बियाणे या प्रमाणे प्रक्रिया करावी. यामुळे संभाव्य बुरशीजन्य रोगापासून संरक्षण मिळेल. कोरडवाहू हरभऱ्यामध्ये पाणी साचणार नाही, याची काळजी घ्यावी. साठलेले पाणी काढून टाकावे. पूर्व हंगामी ऊस लागवड करण्यासाठी विद्यापीठाने विकसित केलेल्या जातींची निवड करावी. बेणे प्रक्रिया : लागवडीपूर्वी बेण्यास मॅलेथिऑन ३ मिलि किंवा डायमिथोयेट २.६५ मिलि किंवा कार्बेन्डाझीम १ ग्रॅम प्रति लिटर पाणी या प्रमाणे द्रावण तयार करावे. त्यात १० मिनिटांसाठी बेणे बुडवून ठेवावे. त्यानंतर ॲसिटोबॅक्टर १० किलो किंवा द्रवरूप अॅसिटोबॅक्टर १ लिटर अधिक स्फुरद विरघळवणारे जिवाणू १.२५ किलो प्रति १०० लिटर पाणी या प्रमाणे तयार केलेल्या द्रावणात बेणे ३० मिनिटे बुडवून ठेवावे. रब्बी हंगामासाठी बटाटा या पिकांच्या लागवडीकरीता कुफरी ज्योती, कुफरी लवकर, कुफरी सिंधुरी, कुफरी सूर्या, कुफरी पुखराज इ.जातींचा वापर करावा. रब्बी हंगामासाठी वाटाणा या पिकांच्या लागवडीकरीता बोनव्हिला, अरकेल, फुले प्रिया इ. वाणांचा वापर करावा. संपर्कः ०२४२६ २४३२३९ (ग्रामिण कृषी मौसम सेवा आणि कृषी विद्या विभाग, महात्मा फुले कृषी विद्यापीठ, राहुरी.)
